Juan 11:53 - La'aqtaqa Ñim Lo'onatac 'Enauacna 2013

⁵³ Qaq, nache chegoqchiguiña se'eso na'a'q da na lataxala'pi na judiopi, detaxaỹapigui ca lataxac da yaqto' ỹalauat So Jesús.

Nuevo Testamento Toba Sur

⁵³ Huaña, nachi se'eso na'a'q chigoqchiguiña da na lataxala'pi na judiopi detaxaÿapigui ca lataxac, da yaqto' qaÿalauat so Jesús.

Nuevo Testamento Toba Sombrero Negro

⁵³ Chane'eja chiyoqotelegue jo'me jojo' nolo' jogaa'me lajoĝola'te ga'me judiopi male 'nachediye qaedi male qoyala't ñe'me Jesús.

Juan 11:53 Iomraidhean Croise

Génesis 37:18

Qaq soomaye ilora'aguet somaye co'ollaq ñaq qaỹoqteguet, qaq co'ollaq ñaq qaỹata'aguet, nache detaqtapiguilo ca lataxac da ỹalaua't somaye.

Nehemías 13:21

Huaña, nache ỹataqta shenapega, sheeta': Saishet qome da nache qoñeeta'ac de'era da qoviito'ot na loigue na npaqtaxanaxat, cha'aye da ỹoltaq qavi'iguelaqailec damaye nache ỹataqta qami' secoñi'. Huaña nache somayepi saishet da ỹe'eguelaxalec da ỹo'ot de'era so na'a'q mataxaqui.

Nehemías 4:16

Qaq huaña se'eso na'a'q, nache seỹoracache so ñalleppi, huo'o so do'onataxaatac ñaqa'en, qaq so laỹepi qalaq ỹauota'a so lo'ogoxonaxat, taquiaxai, lpaqtaxanaqte, lchecnec qataq aso ltogue lapoqte. Qaq so nataxala'pi ỹataqta ỹa'añaqchettac 'enauac so shiỹaxauapi maye lma' ye Judá,

Salmos 113:2

Qaỹo'oxoren qome da le'enaxat Ñim Nataxala', chegoqchiguiña nagui nache chochaq tatec qome.

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Salmos 31:13

Qataq aỹem huo'o da sa'aqtega na shiỹaxauapi da nsoxootega't, 'eeta': «Huo'o da ncolanaxa 'enauaque naua laỹel.» Qataq namayepi 'eeta'am da 'oonolec ỹale da huaxaỹa't da aỹem npa'agueetega, da nshetaique da nqat da ñachaalataxac.

Salmos 71:10

Cha'aye na aỹem ipa'agueetacpi qauema naua la'aqtaqa da aỹem detaqtega, qataq huaxaỹa't da aỹem detaqtapigui.

Jeremías 38:15

Nache so Jeremías ỹasat, 'eeta': Aja', da aỹem 'eesa ca 'am sa'axatem, nache 'am aỹem 'auamaxasoxoolec da aỹem qaỹalauat, qaq da sauo'o ca iqataxac nache 'am saishet da aỹem 'aualaxaguet.

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Mateo 12:14

Nache so fariseopi huenoxonec da detaxaỹapigui ca lataxac da ỹalauat So Jesús.

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 22:46

Nache saishet da huo'o ca choche 'oonolec somayepi da ỹasateguet So Jesús. Nache chegoqchiguiña se'eso na'a'q da saishet da huo'o ca qaltaq inattac Somaye.

Mateo 26:4

'Enauac somayepi naỹaana't da yaqto' huo'o ca qaỹe'eguenec So Jesús da chegoqchigui qanqa'en da qaỹauo'o ca lasouaxashet, nache qaỹaconeua'a qataq qaỹalauat.

Mateo 26:59

Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq 'enauac som nmit na nasouaxashetpi, somayepi nmittaique da huo'o ca shiỹaxaua da huo'o ca latenataxanaxac da ỹasaxalec So Jesús, da yaqto' qaỹaconeua'a Somaye da qaỹalauat.

Marcos 14:1

Qaq mashe saxanaxalo caua dos na'axa'te da ivireuga ca laloxoqui soua naponaxaqui' maye le'enaxat Lapascua. Qataq huetoigui nataqa'en da qanallec ana nauole 'ayiiña maye qaca aca lalecte maye ỹasheeraxachigui. Nache nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ilotaique ca latenataxanaxac da ỹachegoxotchigui da ỹaconeua'a So Jesús da yaqto' ỹalauat.

Marcos 3:6

Huaña, nache so fariseopi ca'ai aso napaxaguenaxaqui na judiopi, nache sanaỹaloxon da nqo'ona nam quetague'pi so nta'a Herodes da qaitaxaỹapigui ca lataxac da qaỹalauat So Jesús.

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Juan 12:10

Nache nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi detaxaỹapigui co'ollaxa nataqa'en da ỹauotaique da ỹalauat so Lázaro,

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Hechos 9:23

Qaq co'ollaq mashe qaỹoqteguelo soua na'axa'te, nache na judiopi detaxaỹapigui da ỹauotaique da ỹalauat so Saulo.