Juan 11:44 - La'aqtaqa Ñim Lo'onatac 'Enauacna 2013

⁴⁴ Nache som leuaxaic mpa'auec. Somaye qoỹaxatta'aguelo naua lhua'q qataq naua lchel som laxataxat qataq qoỹaxattagui na lashec so hualoq laỹe. Nache So Jesús 'enapega somayepi, 'eeta': –Ña qanqache na laxataxat damaye, nache qauaqaỹa'a da queuoỹapigui'.

Nuevo Testamento Toba Sur

⁴⁴ Nachi som leuaxaic npa'auec, somayi qoÿaxatta'aguelo naua lhua'q qataq naua lchil som laxataxa, qataq qoÿaxattagui na lashic so hualoq. Nachi so Jesús 'enapega somayipi, 'eeta': –Ña qausoigue damayi, nachi qauaqÿa'a da queuoÿapigui'.

Nuevo Testamento Toba Sombrero Negro

⁴⁴ Joga'me jo'ne te'me joote yeleu male nenoĝonegue, jonaa'me loua' choqonaa'me lapia'te naĝatetayelo jogaa'me laĝanaqa'te, nataq'aen ga'me latajoĝoc lecoĝojop qoyen ga'me ualoq lae. Jesús yamaĝalo'te ga'me jiyaĝadipi: —Auejoyelegue, anaqachi' naa'me laĝanaqa'te qama'le auomachii'ta da'me ec.

Juan 11:44 Iomraidhean Croise

Génesis 1:3

Nache Ñim Lo'onatac 'Enauacna 'enapeco': ¡Huo'o ca yo'oqchiguiñi! Nache ipacchigui da yo'oqchiguiñi.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Marcos 5:43

Qalaxaye So Jesús ỹataqta sa ỹala'ac da huaqattega da saishet da huo'o ca qaỹa'axatem de'era. Ime, nache damaxasoxoolec da qaiquia'axan aso nogotole.

Lucas 19:20

Qataq anac som lỹa, nache 'eeta': «'Am Ỹataxala', 'ana ana 'om. Anamaye choche saỹamaxat, sachalec so hualoxolaỹi,

Lucas 7:15

Nache se'eso nsoqolec ñesheguem qataq detaqa. Ime nache So Jesús ỹauec so nsoqolec ỹauega ca hueta'a aso late'e.

Juan 10:30

Aỹem, qataq Ñim Ita'a, 'oonolec da qarataxac.

Juan 11:39

Nache So Jesús 'enapeco': –Ña qanqache na coma'. Nache aso Marta maye lqaỹa som saqca, asomaye 'enapeco': –'Am Nataxala', yemaye ỹoqta da mashe huo'o na laita, cha'aye mashe ivi' naua cuatro na'axa'te da saqca.

Juan 11:43

Qaq co'ollaq ime da nasaxauec de'era, nache deỹaxan, 'eeta': –¡Lázaro, 'ampa'auec!

Juan 19:40

Nache so José qataq so Nicodemo, soomaye iroue'c so lo'ocỹaxac So Jesús, nache ỹaxateguelo so laxataxat hualoq laỹe maye ỹataqta late'erai añi lasheue, ime nache qaỹa'amñigui se'esoua qaỹalecna't qo'oipaq lcha'q maye ama na laita, cha'aye damaye maiche lataxac na judiopi da ivita da ilayiñi na lqatacpi.

Juan 20:5

Nache somaye ỹamataigui asomaye da imeten. Nache ila'a so laxataxat da huetaiya', qalaxaye saishet da ỹoqta taigui.

Juan 20:7

Qataq nataqa'en ila'a som hualoq laỹe maye qoỹaxattagui na lqaic So Jesús co'ollaxa. Qaq somaye saishet da huaqta'ai' se'eso lpataxaqui, cha'aye somaye qainaata'a't, qataq ỹaqa'a ye huetaña.

Juan 5:21

Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem.

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Filipenses 3:21

Qaq Somaye naralaxat qome da qaro'ocỹaxac maye qaica ca la'añaxac, da yaqto' 'eeta'am naqa'en dam lo'ocỹaxac maye ỹo'oxoraq. Qaq damaye ỹachegoxotchigui da la'añaxac maye nachera da do'onataxana qome da ilo'ogue 'enauacna.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

1 Samuel 2:6

Ñim Nataxala' ỹan, qataq nqat da achaalataxac, qataq saxangui naqa'en aca huachiqui, qalaxaye nataqa'en ishet da qomi' nqatsheyegue'm.