Juan 11:4 - La'aqtaqa Ñim Lo'onatac 'Enauacna 2013

⁴ Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Nuevo Testamento Toba Sur

⁴ Nachi so Jesús co'ollaq hua'axaÿa de'eda, nachi 'eeta': –De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.

Nuevo Testamento Toba Sombrero Negro

⁴ Mane'e da'me Jesús domachiya, qama'le enaac: —Jenjo' lapite'nayaĝac ja naqaena ta'le en yeleu q'aen, nach'edata da'me uetaue da'me nichoĝodenataĝanaĝac qaedi yaloĝon da'me 'loyaĝac ñe'me Lec'oĝot joñe'me Dios, da'me 'uo da'me li'yoĝodic joñe'me Dios.

Juan 11:4 Iomraidhean Croise

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Juan 10:38

Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.

Juan 11:40

Qalaxaye So Jesús 'enapeco': –¿Saisheto' da 'am sheetega quiye da huo'otaq 'aua'amaqten Aỹem, nache ishet da 'aulogui da la'añaxac Ñim Lo'onatac 'Enauacna?

Juan 12:28

Nachaqrata da shenapega Ñimaye, sheeta': «'Am Ita'a ñaq 'auachaxana na shiỹaxauapi da 'ara'añaxac.» Huaña, nache qaỹa'axaỹa so nvilỹaxac, chemaqot na piguem, 'eeta': –Mashe sogote da sachaxan da ỹa'añaxac, qalaxaye nagui qaltaq she'eguelaxalec da sachaxan.

Juan 17:1

Qaq co'ollaq ime da 'eetegalo soua lapaxaguenataqa So Jesús, nache ỹamato'ot na piguem, nache 'enapeco': –'Am Ita'a, mashe ivita ye laloqo' da 'auachaxana na shiỹaxauapi da ỹa'amaqchec qataq da ỹa'añaxac. Qaq nache sheetec nataqa'en Aỹem da sachaxana na shiỹaxauapi da 'ara'amaqchec qataq da 'ayo'oxoyec.

Juan 17:10

Cha'aye 'enauac nam ỹalamaxatpi, namayepi 'aralamaxatpi, qaq nam 'aralamaxatpi, namayepi nataqa'en ỹalamaxatpi. Nache 'enauac de'era ỹachaxan da ỹa'amaqchec qataq da ỹa'añaxac.

Juan 17:5

Qaq nagui, 'am Ita'a, ñeshetaique da sootaua'a na 'araỹe, da Aỹem 'aỹa'anem da ỹo'oxoyec maye saatañi co'ollaq 'am sooto'ot co'ollaq saxanaqaca ana 'alhua.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Juan 8:54

Nache So Jesús 'enapegalo' soomaye 'eeta': –Da Aỹem maiche ño'oxoreetapeguela't, nache de'era ño'oxonnaxac, damaye qaica ca naigui. Qalaxaye Ñim Aỹem ỹo'oxoreetac, nacheñi Ñim Ita'a Ñim qami' qaupicheetega nataqa'en da Qarta'ai.

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Juan 9:3

Nache So Jesús 'enapegalo soomaye, 'eeta': –Saishet da chegoqchigui ca maiche lasouaxashet ñimaye, huo'otaq ca lasouaxashe't caua lta'al. Cha'aye damaye, nache qoỹena'ac, yaqto' ishet da qaila'a cam ỹo'ot Ñim Lo'onatac 'Enauacna da chegoqchigui ñimaye.

Romanos 11:11

Qalaxaye na'aictaxa da na judiopi da saishet da machiguiñi naqa'en Ñim Lo'onatac 'Enauacna, qalaxaye saishet da 'enauac da huo'o da lsomaxac. Cha'aye souaxat da sa ỹalaq na judiopi, nache Ñim Lo'onatac 'Enauacna nca'alaxatec nam saishet da judiopi. Qaq damaye ỹo'ot da na judiopi ndaqta'aguet namayepi.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Filipenses 1:20

Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.

1 Pedro 4:11

Da huo'o ca qoỹanem da ỹaỹaten da ltaxaỹaxac, qaq no'on da ỹa'axat da la'aqtac Ñim Lo'onatac 'Enauacna. Qataq da huo'o ca ỹaỹaten da itauan na laỹepi, nache iuen da ỹo'ot, ỹachegoxotchigui da la'añaxac maye chegoqo'ot Ñim Lo'onatac 'Enauacna maye ỹami' da ỹo'ot damaye. Qaq huaña, nache 'enauac nam qauo'oche, chegoqchigui da na laỹepi shiỹaxauapi ỹo'oxoren Ñim Lo'onatac 'Enauacna, chegoqchigui So Jesucristo som chochaq tatec da llo'oxoyec qataq da la'añaxac. Aja', nache 'eetec.

1 Pedro 4:14

Da huo'otaq huo'o ca qami' isheueeta'ape souaxat da qarpi'iỹaxaqui So Cristo, qaq no'on da que'eca qansheunaguiiqui, 'eeta'am qanqa'eñi ca qana'achecỹaxaqui maye chegoqo'ot Ñim Lo'onatac 'Enauacna. Qaq de'era naigui da som ỹo'oxoraic Saqcha'a La'añaxac Ñim Lo'onatac 'Enauacna, nache 'eetai' da qami' hueta'agueta.