Juan 11:11 - La'aqtaqa Ñim Lo'onatac 'Enauacna 2013

¹¹ Qaq co'ollaq ime, nache So Jesús qaltaq 'enapeco': –Ye qanauochaxaua Lázaro, yemaye do'ocheta, qalaxaye Aỹem ñeqo'ona da ñequetoxon.

Nuevo Testamento Toba Sur

¹¹ Qaq co'ollaq ime, nachi so Jesús 'enapeco': –Yi qanauochaxaua Lázaro, yimayi do'ochi, qalaxayi aÿim ñoqo'ona da ñoqotoxon.

Nuevo Testamento Toba Sombrero Negro

¹¹ Yem da'me nenaĝategue da'me dojo' qama'le nataq'aen yapoteneuo da'me jo'ne eetac: —Ñe'me mach'e qanauotaĝaua 'me Lázaro male t'ochetac, qalaĝaja jec'ata qaedi ñoqotoĝon.

Juan 11:11 Iomraidhean Croise

2 Reyes 4:31

Qaq som Guejazí, ye mashe hua'auta co'ollaxa, nache co'ollaq ivita so nogotolec, nache ỹachalec na lashec aso nashelte, qalaxaye somaye ỹataqta qaica da choche deraỹapec. Nache so Guejazí qaltaq ỹe'eguelaq da huaqata'aguet so Eliseo, nache da'aqtaxanem, 'eeta': Yem nogotolec saishet da nlouec.

2 Crónicas 20:7

'Am Qanatamnaxala', ỹauaachigui co'ollaxa 'anqa'en ne'ena 'aralamaxat nhuo' Israel le'ecpi da 'auo'orauec som shiỹaxauapi maye netalec co'ollaxa ne'ena 'alhua, nache 'aỹa'anem co'ollaxa nam chegoxoguetpi so 'anauochaxaua Abraham, da yaqto' nache 'eetai' da lalamaxat 'anqa'en.

Éxodo 33:11

Nache so Moisés ỹataqta nma'ai' da datata'aguet Ñim Nataxala' da na'aqtaxane', 'eeta'am da na'aqtaxaatague' ca nauochaxaua, qaq da ime naxa, nache so Moisés ỹe'eguelaxauga so nanataqa' maye qanayeuta'a. Qaq so nsoqolec Josué, som llalec so Nun, som ltaua somaye, ỹataqta saq ỹoxouga da ñaq pa'ataua'a so pa'auo so npe'l so Moisés.

Isaías 41:8

«Qalaxaye 'am Israel, maye 'am ỹamaxashec, 'am Jacob maye 'am ica'aguishec, maye 'auachegoxoguet so ñauochaxaua Abraham.

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Mateo 27:52

qataq ana huachiquipi qalaq nauangui, nache ỹataqta qalota nam ỹa'amaqteetac Ñim Lo'onatac 'Enauacna nam mashe ileu co'ollaxa, qalaq ỹe'eguelaxa da nca'alec.

Mateo 9:24

Nache So Jesús 'enapega somayepi, 'eeta': «Qapa'aiuec qome. Cha'aye ayem nogotole saishet da ileu, ayemaye choche do'ocheta.» Nache som shiỹaxauapi ỹataqta lashetac So Jesús.

Marcos 5:39

Nache So Jesús inoxonoigui ca nỹec, nache 'enapego' somayepi, 'eeta': –¿Ta'ainco' ye ỹataqta qaua'alqaitagui qataq qanỹeñiitagui? Aye nogotole saishet da ileu, ayemaye choche do'ocheta.

Juan 11:10

Qalaxaye ca queuotapigui' ye pe, nache camaye ishet da huo'o ca ỹe'egueneguet, cha'aye qaica na yo'oqchiguiñi.

Juan 11:12

Nache soua lapaxaguenataqa 'ena'apo': –'Am Nataxala', da choche do'ocheta camaye, nache ỹoqta qome da ỹaỹamaxañi.

Juan 11:13

Qalaxaye So Jesús detaqtega da l-leuaxa so Lázaro, qalaxaye soua lapaxaguenataqa ipi'itaxaatrega da yo'oqchigui no'ochaxa.

Juan 11:3

Nache se'esoua dos nqaỹa't, ỹamaxalo co'ollaxa da la'aqta'c So Jesús, 'eeta': –'Am Nataxala', yem 'anauochaxaua Lázaro, yemaye sa no'on.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

1 Corintios 15:18

Qaq nataqa'en na mashe qanmataxanaxanecpi nam quetañi' da ỹa'amaqten So Cristo, namayepi imauec da deqat.

1 Corintios 15:34

Ỹataqta qauennataxañiitelec ca qauo'oche, qataq saishet da sa qaualaqaiguet Ñim Lo'onatac 'Enauacna. Qaq nache sheetec de'era, yaqto' qami' huo'o da qara'aloqoi. Cha'aye huo'o da qoñiita na saishet da ỹauatton Ñim Lo'onatac 'Enauacna.

1 Corintios 15:51

Qalaxaye ñeshetaique da qauaỹaañi de'era saqcha'a 'eetapeguec Ñim Lo'onatac 'Enauacna da saishet da 'enauac da seleuaq, qalaxaye 'enauac qome da qomi' qanaralaxa't.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

1 Ts 5:10

Cha'aye Somaye qomi' ileualeguete co'ollaxa, da huotaique da qanachaalataxaua, na'aictaxa da ñaq ñeca'alaqtauec, huo'otaq mashe qareleu qom ñe'eguelaq Somaye.

Santiago 2:23

Qaq nache ipacchigui dam 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «So Abraham ỹa'amaqten da ỹachaxanapec Ñim Lo'onatac 'Enauacna, qaq ỹoqo'oye Ñimaye ỹaỹamaxareeta somaye.» Qaq nache chegoqchigui de'era, da so Abraham ivira'a da nauochaxaua Ñim Lo'onatac 'Enauacna.