Juan 11:10 - La'aqtaqa Ñim Lo'onatac 'Enauacna 2013

¹⁰ Qalaxaye ca queuotapigui' ye pe, nache camaye ishet da huo'o ca ỹe'egueneguet, cha'aye qaica na yo'oqchiguiñi.

Nuevo Testamento Toba Sur

¹⁰ Qalaxayi ca 'oonolec da huo'otaq queuotapigui yi pe, nachi camayi ishit da qui'aqñi, cha'ayi qaica na yi'oqchiguiñi.

Nuevo Testamento Toba Sombrero Negro

¹⁰ Qalaĝaja qom 'uo ga'me yeuotapiye ga'me 'lalaĝa, qama'le chiyaqajeguem qa'a qaya'te yoqochiñe.

Juan 11:10 Iomraidhean Croise

Salmos 27:2

Na qauemaicpi maye ñepa'aguenaxauapi, naxa da anac da yaqto' aỹem iloquiaxan qataq aỹem nlaxaañi, nache namayepi maiche quia'aqñi, qataq huañi.

Eclesiastés 2:14

Cam ỹaanaxanaxaic ỹataqta nlotauec, qaq ca qaica ca ỹaỹaanapec qalaq quetagui na napalaxa. Qalaxaye nataqa'en saỹaten da 'enauac da 'oonolec ye iuatta'aguet laloqo'.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Juan 11:11

Qaq co'ollaq ime, nache So Jesús qaltaq 'enapeco': –Ye qanauochaxaua Lázaro, yemaye do'ocheta, qalaxaye Aỹem ñeqo'ona da ñequetoxon.

Juan 11:9

Nache So Jesús 'enapeco': –¿Saisheto' da ye 'oonolec na'a'q, ivi' naua doce hora? Ye ñi 'oonolec shiỹaxaua da huo'otaq queuotapigui' ye na'a'q, qalaq saishet da huo'o ca ỹe'egueneguet, cha'aye na le'eraxa añi nala' yo'oqtegue naqa'en ca llec camaye.