Juan 10:8 - La'aqtaqa Ñim Lo'onatac 'Enauacna 2013

⁸ Qaq 'enauac nam na'au co'ollaq saxanaxa da ñanac, namayepi cachaxaicpi qataq huotaxanaxaicpi, ỹoqo'oye anam qaguetapi saishet da iqocha'a namayepi.

Nuevo Testamento Toba Sur

⁸ Qaq 'enauac nam n'au co'ollaq saxanaq ñanac, namayipi cachaxaicpi qataq huotaxanaxaicpi, qalaxayi anam qaguetapi sa ishit da ÿoqocha'a namayipi.

Nuevo Testamento Toba Sombrero Negro

⁸ Yemeda gaa'me jo'ne novidetaquena joca'li da'me cha'li jayem qaya, nach'egaua jiyaĝa'u jo'ne cachaĝayaqa nataq'aen da'me qaleuaĝayaqa, chane'eja gaa'me 'naĝanaĝatelpi ja yoqocha'alo jogaa'me jiyaĝa'u.

Juan 10:8 Iomraidhean Croise

Jeremías 23:1

Ñim Nataxala', da la'aqtac, 'eeta': «¡Aicoue na qagueta lo'opi maye hua'aqta'a ana ilopi qaguetapi da deqat qataq nlagaxattac!»

Ezequiel 34:2

«'Am shiỹaxaua 'aua'axata'a dam talec qome na qagueta lo'opi ye Israel, qoneta': Da la'aqtac Ñim Nataxala', 'eeta': ¡Choxoraxaso' na qagueta lo'opi ye Israel maye maiche ntelteguela't! Qaq anam iuen da ilo'ogue taxa na qagueta lo'opi, nachana ana qaguetapi:

Sofonías 3:3

Nam lataxala'pi qalaq 'eeta'am na llonpi da desoqtai'; qaq nam nmit ca nasouaxashet, qalaq 'eeta'am na qa'alaqpi maye huetauga na no'onaxa, maye saishet da no'onaxatañi ca 'oonolec lpi'inec da iviraxata'aguet ca lỹa na'a'q.

Zacarías 11:16

Cha'aye Aỹem sanaña qome, ne'ena 'alhua ca qagueta lo'o, maye saishet da qochetega aca qagueta maye isomapec, qataq saishet da nmitaique acam deqat, qataq saishet da nataren aca que'emaq, qataq saishet da iquia'axan aca qaica ca la'añaxac, nacherata da chec qome na lapat aca ỹataqta chaxarai, nache ỹataqta qaica ca no'onaxatañi ivira'alo naua nna'ache.»

Juan 10:1

So Jesús 'eeta': Ỹoqta 'eesa de'era qami' sa'axatema, da ca saishet da tateua'a ca lasom aca laỹe' ana qaguetapi da inoxoneuo, chaqrata da tateua'a na laỹe, nache camaye cachaxaic qataq huotaxanaxaic.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Juan 10:5

Qaq anamayepi, saishet da ca'ategue cam saishet da ỹauatton. Chaqrata da dataueeguesop camaye, cha'aye saishet da ỹauatton da lavilỹaxac.

Hechos 5:36

Cha'aye qami' qauennache da huo'o so na'a'q co'ollaxa da nachaañi so Teudas, nache 'enapec da huo'o naq 'enec, nache ivi' cuatrocientos so ỹalleppi maye quegue somaye. Qalaxaye somaye co'ollaxa qaỹalauat, nache 'enauac som quetague'pi somaye nlagaxattac. Huaña, nache imeuo da lo'onataxanaxac.