Juan 10:6 - La'aqtaqa Ñim Lo'onatac 'Enauacna 2013

⁶ Qaq So Jesús ỹo'ot de'era laloqnaxanaxat, qalaxaye nam na'axaỹaxaatega Somaye saishet da ỹaỹaten dam 'eetega.

Nuevo Testamento Toba Sur

⁶ Qaq so Jesús i'ot de'eda laloqnaxanaxat, qalaxayi somayipi sa ishit da ÿaÿaten dam 'eetega somayi.

Nuevo Testamento Toba Sombrero Negro

⁶ Naq'aeta ca'li da'me dojo' Jesús ya'uo jenjo' jo'ne laloĝonataĝanaĝac, qalaĝaja jogaa'me fariseopi ja yayateteguet da'me jo'ne te'me 'yaĝatema.

Juan 10:6 Iomraidhean Croise

Salmos 106:7

So qarta'alpi co'ollaq hueta'a ye Egipto, qalaq saishet da ỹaỹaaneguet co'ollaxa da 'ayo'oxoyec, qataq saishet da iuennata'a da lta'araic 'arauotaxanaqtaic, nacherata da 'am dataỹa'aguet co'ollaq huaña ye loigue aso Auaxai Togaxarai.

Salmos 82:5

Qalaxaye namayepi qaica ca ỹaỹaten, qataq qaica ca ỹaỹaanapec, cha'aye namayepi quetaigui na napalaxa, nda'a't da ỹacholaxaatac na na'attalecpi ana 'alhua.

Proverbios 28:5

Na qauemaicpi qalaq saishet da ỹaỹaten da llec ca ỹaỹamaqchiguiñi lataxac, qaq na nmitaique Ñim Nataxala' qalaq ỹaỹaten 'enauac namayepi.

Isaías 56:11

Namayepi 'eeta'am nam pioxoppi maye saishet da icoma', namayepi qagueta lo'opi qalaxaye qaica ca ỹaỹaten, ñi 'oonolec qalaq quetague' cam maiche llecỹaxac, qataq nmitta'a da maiche laỹamaxa.

Daniel 12:10

Qalota cam huetaigui qome que'eca que'eenaxac maye qaỹa'axatta'a, qalaxaye nache chegoqtoigui qome camaye da qui'itta, qataq no'on da lataxac. Qaq cam qauemaicpi qalaq queto'ot qome da ỹo'ottac nam qauemsat, qaq saishet qome da ỹaỹaten que'eca qanayeuaigui, qalaxaye cam ỹaanaxanaxaicpi, qalaq ỹaỹaten qome 'enauac camaye.

Mateo 13:34

Qaq 'enauac ne'ena ỹa'axattacpi So Jesús ỹauota'a na laloqnaxanaxatpi da da'aqtaxaatapeguem na shiỹaxauapi, qaq saishet da sa ỹauo'o na laloqnaxanaxatpi da da'aqtaxaatac.

Mateo 13:51

Nache So Jesús ina't soua lapaxaguenataqa, 'eeta': –¿Qami' peta'a qauaỹaañi 'enauac de'era sa'axattac? Nache soomaye 'ena'apo': –Aja', saỹaanaq 'am Qarataxala'.

Marcos 4:34

Qaica ca la'aqtaxanaxac Somaye da huo'otaq saqca ca daloqnaxana. Qalaxaye da nda'ai'salo naxa soua lapaxaguenataqa, nache npottegueto da ỹataqta da'aqtaxaatema qataq ỹataqtegue naqa'en.

Juan 16:25

Qaq qami' sa'axatema 'enauac ne'ena, qalaxaye sauota'alo naua ỹaloqnaxanaqa'ate. Qalaxaye nayeetai' ca laloqo' da saishet qome da sauota'aisalo naua ỹaloqnaxanaqa'ate, nachaqrata da ỹataqta qami' sa'axattema Ñim Ita'a.

Juan 16:29

Nache soua lapaxaguenataqa 'ena'apo': –Nagui maye ỹataqta ỹataqteguelo naua 'ara'aqtaqa, qataq saishet da 'auauota'a ca 'araloqnaxanaxat.

Juan 6:52

Nache nam judiopi maye sa iyacnapec da detaqtega So Jesús, maiche taỹa't da ncotatega't, 'eeta': –¿Hua'ago' ca 'eetec dam da', da qomi' ỹanema da maiche lo'ocỹaxac da sacheguenaq?

Juan 6:60

Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?

Juan 7:36

¿Chaq negue't cam naigui de'era la'aqtac quiye maye 'eeta': «Aỹem qanmichiitaique qome, qalaxaye saishet da Aỹem qauanachiỹa, cha'aye saishet da qauañoxoche da qaviyiỹa'a cam soota'a?»

Juan 8:27

Qalaxaye somayepi saishet da ỹaỹaaneguet da Somaye, nacheñi Ñim Lo'onatac 'Enauacna maye Lta'a Ñim detaqtega.

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

2 Pedro 2:22

Qaq ne'ena shiỹaxauapi ỹachaxan da 'eesa naxa de'era na'aqtac maye 'eeta': «Ca pioq maiche ipacta da chec ca alolaxat», qataq de'era lỹa na'aqtac naxa 'eeta': «Aca cos late'e maye cheta'ague da qanachelaxaatac, qalaq ipacta da ncogangui ca nshaxa.»

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.