Juan 10:5 - La'aqtaqa Ñim Lo'onatac 'Enauacna 2013

⁵ Qaq anamayepi, saishet da ca'ategue cam saishet da ỹauatton. Chaqrata da dataueeguesop camaye, cha'aye saishet da ỹauatton da lavilỹaxac.

Nuevo Testamento Toba Sur

⁵ Qaq anamayipi sa ishit da ca'ategue cam sa ishit da ÿauatton. Chaqdata da dataueguesop camayi, cha'ayi sa ishit da ÿauatton da lavilÿaxac cam ÿaqa'a.

Nuevo Testamento Toba Sombrero Negro

⁵ Qama'le ja ena'am ga'me jo'ne ja yateto'n: ja quetegue, dite da'me dajode'guem joga'me, qa'a yajouaĝat da'me ja yateto'n naa'me mach'e 'laqataqa.”

Juan 10:5 Iomraidhean Croise

1 Reyes 22:7

Qalaxaye so nta'a Josafat, 'enapeco': ¿Peta'a qaica ca lỹa la'aqtaxanaxanec Ñim Nataxala', ne'ena souaqta'a da yaqto' nataqa'en senataq?

Proverbios 19:27

'Am ỹalcolec da sa 'auaconeguet da 'am qanlaxanec, qalaq 'am qoca'ai na no'on nqataxacpi.

Marcos 4:24

So Jesús nataqa'en 'enapeco': «¡Ỹataqta qana'axaỹaxañiichiguiñi! Ñim Lo'onatac 'Enauacna ipagaqchiichigui cam lcata ca qaỹa'añim ca qarỹai, qataq ishet da ỹactec naqa'en ca qami' ỹanema.

Lucas 8:18

Qaq ỹoqo'oye ỹataqta qana'axaỹaxañiichiguiñi, cha'aye da huo'o ca ỹaỹaten dam saqcha'a lataxac da lo'onataxanaxac Ñim Lo'onatac 'Enauacna, nache camaye qaỹa'aqtaxanem na qalota laỹepi lataxac. Qalaxaye nam saishet da ỹaỹaten dam saqcha'a lataxac de'era no'onataxanaxac, nache Ñim Lo'onatac 'Enauacna, ỹo'otec namayepi da icoua'ai 'enauac nam ipi'itaxaatega da ỹaỹaten.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

Juan 10:4

Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye.

2 Timoteo 4:3

Cha'aye huo'o qome ca na'a'q da na shiỹaxauapi saishet da isheteguet da napaxaguenataxanaxac no'oita. Nachaqrata da na'axaỹaxaata'ai ca maiche lqopitaxanaqtaic, qataq nmitta'a da ỹotta'a't naqa'en na napaxaguenaxala' da qaỹapaxaguenec cam nateeteguet ca maiche 'eetapeguec.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

1 Juan 2:21

Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.

Apocalipsis 2:2

Aỹem saỹaten 'enauac nam 'auo'ottacpi, qataq saỹaten da souaxat da Aỹem 'aualaxaguet, nache qalota na 'avireguet lqalaic. Nataqa'en saỹaten da ỹataqta 'anala'aguet damaye cha'aye huo'o da 'arhualaxavic qataq saishet da 'auaconeguet nam qauemaicpi. Qataq saỹaten da 'am 'avi'igue'n naua 'eetregalo da lamaxa'she So Jesús qalaxaye saq 'en. Qataq 'am 'auachaxa'n naamaye da choche tenataxanaxaiqa.