Juan 10:4 - La'aqtaqa Ñim Lo'onatac 'Enauacna 2013

⁴ Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye.

Nuevo Testamento Toba Sur

⁴ Qaq da ime da nqateec 'enauac ana lalopi qagueta, nachi camayi hua'auta. Qaq anam qaguetapi nca'ataxaatauo, cha'ayi anamayipi ÿauatton da lavilÿaxac camayi.

Nuevo Testamento Toba Sombrero Negro

⁴ Chane'eja da'me yenoĝonegue yema, qama'le 'uau'tague ga'me dajoteda'ague jogaa'me 'naĝanaĝatelpi, qama'le gaa'me 'naĝanaĝatelpi quetedapegue' joñe'me qa'a yateto'n naa'me 'laqataqa.

Juan 10:4 Iomraidhean Croise

Cantares 2:8

¡Na ỹauotaxat mashe anacta! Namaye anactalec ana qasoxonaxapi, nparenaxaata'ague ana comarelecpi.

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Juan 10:3

Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Juan 10:5

Qaq anamayepi, saishet da ca'ategue cam saishet da ỹauatton. Chaqrata da dataueeguesop camaye, cha'aye saishet da ỹauatton da lavilỹaxac.

Juan 10:8

Qaq 'enauac nam na'au co'ollaq saxanaxa da ñanac, namayepi cachaxaicpi qataq huotaxanaxaicpi, ỹoqo'oye anam qaguetapi saishet da iqocha'a namayepi.

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Juan 13:15

Aỹem qami' sachaxanalo de'era, da yaqto' nataqa'en qami' qauo'oche.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

1 Corintios 11:1

Qami' qoquiitelec qome da ỹataxac, 'eeta'am da sheetec da shectelec da lataxac So Cristo.

Efesios 5:1

Qaq cha'aye qami' lauotaqa'ate llalqa Ñim Lo'onatac 'Enauacna, ỹoqo'oye ỹataqta qanpogoxoiñiỹapegue' qome da qoñiita'am Ñimaye.

Deuteronómio 1:30

Ñim Nataxala' maye Qanatamnaxala'ai, Ñimaye hua'auta'ague da qa'aita'ague qataq maiche qami' delocleguete, 'eeta'am co'ollaq huaña ye Egipto,

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Hebreos 6:20

Ỹo'ot de'era, da yaqto' qomi' huesochiyiñi da qolaxague so nqa'aic maye taỹaua'a Ñim Lo'onatac 'Enauacna, cha'aye So Cristo nacheso som chochaq tatec da Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'eeta'am da lataxac so Melquisedec.

1 Pedro 2:21

Da huo'o ca choche qaỹo'otec da nque'eenaxac, nache no'on da tachigui lauel da la'aqtac Ñim Lo'onatac 'Enauacna da ca huo'o da nque'eenaxac, nache iuen da na'añaxateguet. Cha'aye 'era da 'eetec co'ollaxa So Cristo da yaqto' qomi' ishet da seloxolec Somaye, cha'aye huo'o da nque'eenaxac co'ollaxa souaxat qami'.

1 Pedro 4:1

Iuen da qami' lhuotte' da qanqui'ichiñi, qoñiita'am da 'eetec So Cristo da huo'o da nque'eenaxac co'ollaq hueta'a ana 'alhua. Cha'aye da qami' qanqui'ichiñi da qoñiita'am Somaye, nache saishet da qoquiito'ot da qauo'ocheetac na qarasouaxashechi.

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.