Juan 10:3 - La'aqtaqa Ñim Lo'onatac 'Enauacna 2013

³ Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Nuevo Testamento Toba Sur

³ Nachi cam lasom l'o ÿauateguet camayi, da yaqto' pa'auo, qaq anam qaguetapi ÿauatton da lavilÿaxac camayi. Nachi camayi iÿaxaatau'a na l'enaxatpi ana qaguetapi, nachi nqateeguesop aca laÿi'.

Nuevo Testamento Toba Sombrero Negro

³ Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't.

Juan 10:3 Iomraidhean Croise

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Éxodo 33:17

Nache Ñim Lo'onatac 'Enauacna qaltaq, 'eeta': «De'era 'anasaxauec, damaye nataqa'en so'ot qome, cha'aye ỹoqta 'eesa da 'am ỹauotaxat qataq 'am ipe'et.»

Proverbios 27:23

Ỹataqta 'auchemaxatta qome da lataxac ana 'arelo qaguetapi, qataq ỹataqta 'antela'a ne'ena 'ana'atetpi,

Cantares 8:13

¡Ñaq aỹem 'aua'aqta'a da sa'aqtega da 'arvilỹaxac 'am maye qoneta'am na nañiguishe lma'! ¡Na ỹaỹepi iuatta'a da 'am na'axaỹaxana!

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Isaías 42:16

Qaq na qanamaicpi qalaq quetegue ñaqa'en ca nqa'aicpi qataq na sa lca'ague ñecpiolec maye sa ỹauana namayepi. Qataq ỹauaachigui qome ñaqa'en namayepi da nam napalaxa nmeneguet ñaqa'en na yo'oqchiguiñi, qataq nalochiguiñi ñaqa'en na sa naloguiñi 'alhua. Qaq Aỹem so'ot qome 'enauac ne'enapi cha'aye saishet da salat nam ỹalamaxatpi.

Juan 10:14

De'era 'eetec da Ñim Ita'a Aỹem ỹauattoota, qataq Aỹem sauatton Ñimaye; nache 'eeta'am da 'eetec Aỹem da sauatton nam Aỹem quetague', qaq namayepi nataqa'en Aỹem ỹauattoota. Aỹem Nachaỹem no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en Aỹem da ỹataqta qaica ca shectega, da na'aictaxa da seleetalec nam Aỹem ca'attague'pi.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

Juan 10:4

Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Juan 6:45

Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.

Romanos 8:30

Qaq Ñimaye nam mashe lca'aguishecpi, nache nataqa'en iỹaxana; qaq nam iỹaxanapi, nache nataqa'en ỹapalaxat na lasouaxashetpi; qaq nam ỹaconeguet, nache nhuanaua'a naqa'en da maiche llo'oxoyec.

1 Corintios 16:9

cha'aye yemaye ỹataqta aỹem ỹaconeguet da so'onataxan, da yaqto' saqalota na ỹa'amaqten So Qarataxala'. Qaq na'aictaxa da saqalota na depa'aguenataxaatac.

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.

Colosenses 4:3

Qataq nataqa'en qomi' qanqouagaxauñiitaleguete, qauỹaxañiitacot Ñim Lo'onatac 'Enauacna da yaqto' qomi' huesochiyiñi da sa'axataq da na'aqtaxanaxac qataq da saqcha'a maye 'eetapeguec So Cristo. Dam sa'axattac nagui qataq da huo'omshe aỹem qaicoñettai'.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

1 Juan 4:6

Qalaxaye qomi' mashe qomi' lalamaqa'ate Ñim Lo'onatac 'Enauacna qataq ishet da sauattonaq ca netanguit So Saqcha'a Na'añaxac maye ỹoqta 'eesa, qataq cam hueto'ot so saqcha'a na'añaxac maye tenataxanaxaic: qaq nam lalamaxatpi Ñim Lo'onatac 'Enauacna qomi' na'axaỹaxanalo qaq nam saishet da lalamaxatpi Ñimaye, qalaq saishet da qomi' qochetegalo.

3 Juan 1:14

cha'aye seuata'a qom huo'otaq saqaỹaloq da 'am ñauane', nache ỹataqta ñimaqa'a't da ña'aqtaxanaxa't.

Apocalipsis 20:15

Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»