Juan 10:21 - La'aqtaqa Ñim Lo'onatac 'Enauacna 2013

²¹ Qalaxaye huo'o somayepi na 'eeta': –Qaica ca shiỹaxaua da huo'otaq huo'o ca netaigui saqcha'a na'añaxac leguemaxaic da 'eetec de'era da ltaxaỹaxac. Cha'aye ¿isheto' peta'a da huo'o ca netaigui ca saqcha'a na'añaxac leguemaxaic da nauaañi naqa'en ca qanamaic?

Nuevo Testamento Toba Sur

²¹ Qalaxayi huo'o somayipi na 'eeta': –Qaica ca shiÿaxaua da huo'otaq huo'o ca l'ec leguemaxaic da 'eetec de'eda da ltaxaÿaxac. Cha'ayi ¿ishito' peta'a da ca huo'o ca l'ec leguemaxaic da nauaañi naq'en ca qanamaic?

Nuevo Testamento Toba Sombrero Negro

²¹ Qalaĝaja jogaa'me laqaya' enapega'ajalo: —Ga'me jiyaĝaua jo'ne uetaye ñe'me payac lepaqal ja yaqanatet ta'le 'yaĝatetac da'me dojo'. Nataq'aen, ga'me jiyaĝaua jo'ne uetaye ñe'me payac lepaqal, ¿qo'li 'uo ga'me yaqanatet da'me ya'uo lec'atenaĝanaĝac jogaa'me qana'mi?

Juan 10:21 Iomraidhean Croise

Salmos 146:8

Ñim Nataxala', ỹo'ot da nauaachiguiñi nam sa nauaañipi, Ñim Nataxala', nauaxaỹaxaasheguem nam huetaiya'pi, Ñim Nataxala' ỹauotec nam shiỹaxauapi maye no'on da lataxac,

Salmos 94:9

¿Peta'a sa hua'axaỹa qome de'era Ñim ỹo'o't naua ntela lauaco? Qataq ¿peta'a sa ila'a qome de'era Ñim ỹo'o't co'ollaxa naua na'ai'te?

Éxodo 4:11

Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Éxodo 8:19

Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

Proverbios 20:12

Naua ntela ỹo'ot da na'axaỹaqchec qataq naua na'ai'te ỹo'ot da nauanaqchec, qaq naamaye maiche lo'onataqa Ñim Nataxala'

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Juan 10:22

Qaq huetoiguilo soua ca'agoxoiqa maye laloxoqui' na no'omaxa co'ollaq So Jesús taigue da Jerusalén, da yaqto' ỹalegueua'a so naponaxac maye huetoigui da qaiuennate so na'a'q co'ollaq qoỹanot Ñim Lo'onatac 'Enauacna aso no'onaxanaxaqui late'erai.

Juan 9:6

Qaq co'ollaq ime da 'enapec de'era, nache So Jesús nqaigoxoña na 'alhua, nache ỹo'ot so nshaxa, ime, nache ỹa'ameeleguete naua la'ai'te som qanamaic.