Juan 10:12 - La'aqtaqa Ñim Lo'onatac 'Enauacna 2013

¹² Qaq cam choche do'onataxaatapeguelec aca lasheue, camaye saishet da ỹoqta lo'o ana qagueta. Qaq camaye da huo'otaq ila'aguet ca dequi'iỹapec, nache no'onaxatchigui aca qaguetapi da datauec, cha'aye saishet da ỹoqta lalamaqtepi. Nache cam dequi'iỹapec ishet da ỹaconeua'a aca 'oonole ana qaguetapi, qaq ana laỹepi qalaq nlagaxattac.

Nuevo Testamento Toba Sur

¹² Qaq cam chochi do'onataxaatapeguelec aca lashiue, camayi da huo'otaq ila'aguet cam dequi'iÿapec, nachi camayi n'onaxatchigui aca qaguetapi da datauec, cha'ayi camayi sa ishit da ÿoqta l'o ana qagueta, qataq sa ishit da ÿoqta lalamaqtepi anamayi. Nachi cam dequi'iÿapec ishit da ÿaconeu'a ana qaguetapi qataq ilagaxatapec.

Nuevo Testamento Toba Sombrero Negro

¹² qalaĝaja ga'me jo'ne ch'e t'onataĝan qa'a 'uo da'me nejetenaguec, mane'e qom yauana da'me nec'ate'uo ga'me jiyac jo'ne diquiyac male dajoyi, ca'ae gaa'me 'naĝanaĝatel, qa'a ja naqaega ta'le nouatoqo't gaa'me 'naĝanaĝatelpi, nataq'aen da'me ja loqotel. Chane'eja ga'me jiyac jo'ne diquiyac male dec'anaĝañelo gaa'me 'naĝanaĝatelpi qama'le e'n nelagaĝa q'ae'n chayovida'a yejoma'ape ena'uac.

Juan 10:12 Iomraidhean Croise

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Juan 10:13

Qaq se'eso shiỹaxaua datauec, cha'aye somaye choche do'onataxaatapeguelec aca lasheue, ỹoqo'oye saishet da itena'a ana qaguetapi.

Juan 10:2

Qalaxaye cam tateua'a ca lasom, qache nacheca cam ilotague' ana qaguetapi.

Juan 10:3

Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Hechos 20:29

Cha'aye aỹem saỹateeta da qom sheca'ai ne'ena, nache huo'o qome ca lỹa anac da huotaique da nlaxaañi na 'amqaanataxanaxaicpi, 'eeta'am da 'eetec ca dequi'iỹapec da detoxongui ana qaguetapi.

1 Timoteo 3:3

Qataq saishet da taxaic, qataq saishet da sa ncherapec qataq saishet da nmitta'a da cotaxac. Nachaqrata da iuen da soxoraic qataq saishet da sa lhuanguit qataq saishet da quetaigui da latenataxanaxac da nmitta'a ana anom.

1 Timoteo 3:8

Nache 'eetec nataqa'en na ltauapi ca nataxala' iuen da no'on da na'aqtaguec, qataq huesota da lataxac qataq saishet da taxaic. Qataq saishet da quetaigui da latenataxanaxac da nmitta'a ana anom.

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Tito 1:7

Cha'aye ca qaipataxalec da ilo'ogue na 'amqaanataxanaxaicpi, camaye ilo'ogue 'enauac na lo'onataxanaxacpi Ñim Lo'onatac 'Enauacna. Ỹoqo'oye, iuen da qui'itta naqa'en da nachaalataxac. Saishet da na'amqaanaxaic, qataq saishet da qauemaic, saishet da taxaic, saishet da sa ncherapec, qataq saishet da quetaigui da latenataxanaxac da nmitta'a ana anom.

1 Pedro 5:2

Qanchilỹa'a na shiỹaxauapi maye qami' ipataxagueta Ñim Lo'onatac 'Enauacna da qauloỹeegue, cha'aye namayepi lalamaxat Ñimaye. Qanchilỹa'a namayepi 'eeta'am da ltelaqtaxanaxac ca qagueta lo'o da ntela'a aca ilotague' lalopi. Qaq damaye ỹataqta qanasapacheetelec da qauo'ocheetac, cha'aye nachera da 'eetapeguec Ñim Lo'onatac 'Enauacna qaq saishet da choche qami' qaỹamaqtaleguete. Saishet da qauo'ocheetac damaye da choche qanaquicheeta'a da qanaviqui aca anom, nachaqrata da ỹataqta qanasapacheetelec da qaro'onataxanaxaqui.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.