Juan 10:10 - La'aqtaqa Ñim Lo'onatac 'Enauacna 2013

¹⁰ Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Nuevo Testamento Toba Sur

¹⁰ Ca cachaxaic da anac, qalaq chaqdata da huo'o ca decachiÿa qataq da huo'o ca ÿalauat qataq da huo'o ca nlaxajñi. Aÿim, qalaxayi ñanac, da yaqto' huo'o da lca'alaxa anamayipi, qataq da chochaq huañi de'eda lca'alaxa.

Nuevo Testamento Toba Sombrero Negro

¹⁰ Ga'me cachaĝaic novi' qaedi decachi, nataq'aen da'me dalataĝan choqoda'me nolaĝachidiñe ena'uac jogaa'me uo'oe; qalaĝaja da'me jayem qamqa'me ñanaequena qaedi 'uo da'me nec'alaĝa, qaedi ami uetauelo da'me nec'alaĝa jo'ne qaya'te loiquiaqa'.

Juan 10:10 Iomraidhean Croise

Isaías 56:11

Namayepi 'eeta'am nam pioxoppi maye saishet da icoma', namayepi qagueta lo'opi qalaxaye qaica ca ỹaỹaten, ñi 'oonolec qalaq quetague' cam maiche llecỹaxac, qataq nmitta'a da maiche laỹamaxa.

Oseas 7:1

Qaq co'ollaq ñatareetac na Israel le'ecpi, nache yo'oq da lle'etaxaloxo na Efraín, qataq nam lasouaxashetpi nam Samaria le'ecpi, cha'aye namayepi ỹo'ottac da natenataxanaxac, nache na'aictaxa da yo'oxoñi qalaq inoxotaua'a na nỹecpi, qataq decachiỹot nam quetague' na nqa'aicpi.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Mateo 21:13

Nache 'enapeco': «Naua ñiyigui'she la'aqtaqa Ñim Lo'onatac 'Enauacna, 'eeta': ‹Na ima', namaye da qaiỹaxana qalaq qouagaxaunaqa'›. Qalaxaye qami' qauo'ochec namaye da nqañoxotaqa' na cachaxaicpi.»

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Marcos 11:17

Huaña, nache dapaxaguenataxaatac, 'eeta': «Naua nanettrañi la'aqtaqa Ñim Lo'onatac 'Enauacna, 'eeta': ‹Ne'ena ima', namaye qaỹa'axatta da qouagaxaunaqa', nqouagaxaunaqa' 'enauac na ỹotta'a't shiỹaxauapi.› Qalaxaye qami' qauo'ochec namaye da nqañoxotaqa' na cachaxaicpi.»

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Juan 10:1

So Jesús 'eeta': Ỹoqta 'eesa de'era qami' sa'axatema, da ca saishet da tateua'a ca lasom aca laỹe' ana qaguetapi da inoxoneuo, chaqrata da tateua'a na laỹe, nache camaye cachaxaic qataq huotaxanaxaic.

Juan 10:11

Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi.

Juan 12:47

Qalaxaye da huo'o ca choche na'axaỹaxaategalo naua ỹa'aqtaqa qalaq saishet da ỹo'o't, qaq saishet da Nachaỹem da so'ot ca nhuaxanaguec camaye, cha'aye Aỹem saishet da ñanaỹa ana 'alhua da sauo'o ca nhuaxanaguec na shiỹaxauapi, nachaqrata da Aỹem ñanac, da yaqto' ñeca'alaxatec namayepi.

Juan 12:6

Qaq so Judas saishet da 'enapec de'era, da souaxat da huo'otaq ichoxoreetac na choxoraqpi, cha'aye somaye choche cachaxaic. Qataq nacheso som ilotague' aso nme anom So Jesús qataq soua lapaxaguenataqa, qalaxaye somaye decachetega naxa anamaye.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 5:40

qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.

Juan 6:33

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Romanos 2:21

Qalaxaye, ¿ca 'eeteco' da qauapaxagueñi ca qarỹai ye qami'ctaxa maye hua'auñi da qanapaxaguiñi? ¿Ca 'eeteco' da qauapaxaguenataxañic da saishet da huo'o ca decache, ye maiche qami' da qaucacheetac?

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Hebreos 6:17

Qaq ỹoqo'oye Ñim Lo'onatac 'Enauacna co'ollaq huotaique da ipaqueelec da ỹachaxanapec, nache ỹan da la'aqtac chegoqchigui da maiche la'añaxac da ỹan dam ỹachaxanapec ỹataqta ipagaqchiichigui.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

2 Pedro 1:11

Qaq Ñim Lo'onatac 'Enauacna ỹataqta qami' ntootegueque da qami' ỹaconegueta da yaqto' qaunoxoñiiua'a da lo'onataxanaxac So Qarataxala' qataq Qarca'alaxaqui Jesucristo, qom nachaxan da ilo'ogue 'enauacna.