Juan 1:5 - La'aqtaqa Ñim Lo'onatac 'Enauacna 2013

⁵ Qaq de'era yo'oqchiguiñi, damaye icoỹarelec na napalaxa, qaq na napalaxa saishet da ỹalamat.

Nuevo Testamento Toba Sur

⁵ Qaq de'eda yi'oqchiguiñi, damayi icoÿadelec na napalaxa, qaq na napalaxa sa ishit da ÿalamat.

Nuevo Testamento Toba Sombrero Negro

⁵ Da'me dojo' lauaq da'me necoyadaĝanaĝat en yoqochiñe q'aen ga'me 'lalaĝa, qama'le da'me 'lalaĝa ja yaqanatet ta'le 'yomaĝat da'me yoqochiñe.

Juan 1:5 Iomraidhean Croise

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Mateo 5:15

Qataq saishet da qoỹegueua'a aca ncoỹaraxanaxaqui, da yaqto' qoỹano'ot na pa'aguiñi ca naretaxanaxala'. Nachaqrata da qoỹanasheguem, da yaqto' icoỹarelec 'enauac nam hueta'a ca nma'.

Juan 1:10

Qaq se'eso Na'aqtac nale'ena da hueta'a ana 'alhua. Qaq na'aictaxa da Ñim Lo'onatac 'Enauacna ỹachegoxotchigui co'ollaq ỹo'ot ana 'alhua, qalaxaye nam huetalec ana 'alhua saishet da ỹaconeguet.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.