Juan 1:47 - La'aqtaqa Ñim Lo'onatac 'Enauacna 2013

⁴⁷ Nache So Jesús co'ollaq ila'aguet so Natanael da naỹaua'a, nache 'enapega, 'eeta': –'Ena na ỹoqta 'eesa da Israel le'ec, namaye saishet da tenataxanaxaic.

Nuevo Testamento Toba Sur

⁴⁷ Nachi so Jesús co'ollaq ila'aguet so Natanael da naÿau'a, nachi 'enapega, 'eeta': –'Ena na ÿoqta 'eesa da llalec so Israel, namayi sa ishit da tenataxanaxaic.

Nuevo Testamento Toba Sombrero Negro

⁴⁷ Mane'e da'me yauana ñe'me Jesús da'me nec'ata ñe'me Natanael qama'le eetac: —Jenjo' jo'ne naequena yataqachiñe yataqatelegue Israel le'ec, nach'ena jo'ne qaya'te loqovinaĝanaĝac.

Juan 1:47 Iomraidhean Croise

Salmos 32:2

Ỹataqta machiguiñi ca shiỹaxaua maye saishet da qauem ca 'eetapeguec, qataq Ñim Nataxala' saishet da huo'o ca ỹasaxalec lasouaxashet.

Salmos 73:1

Ñim Lo'onatac 'Enauacna, ỹataqta soxoraic, ichoxoren na Israel le'ecpi, nam qui'itte' naua lquiyaqte.

Juan 2:25

Qaq saishet da iuen da huo'otaq huo'o ca da'aqtaxanem Somaye da lataxac so shiỹaxauapi, cha'aye Somaye maiche ỹaỹateetac da lquiyaqteỹaxac so shiỹaxauapi.

Juan 4:16

Nache So Jesús 'enapega asomaye, 'eeta': –'Asoma qome, 'avi'iguena'ata ca 'arhua, nache 'anauegaxaama ne'ena.

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Juan 8:39

Nache somayepi 'enapeco': –Qomi' qarta'a so Abraham. Nache So Jesús 'enapega somayepi, 'eeta': –Qami', da ỹoqta 'eesactaxa da qarta'ai so Abraham, nache ishettaxa da qauo'oche nam ỹo'otpi somaye.

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

Romanos 9:6

Qaq saishet da sheetega da Ñim Lo'onatac 'Enauacna da huo'otaq sa ipaguelec nam ỹachaxanapecotpi nam Israel le'ecpi. Qalaxaye saishet da 'enauac na judiopi da nhuanaua'a nam ỹataqta 'eesa Israel le'ecpi.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

1 Pedro 2:1

Qaq ỹoqo'oye iuen da qaỹa'axañiiñi da qauo'ocheetac na qauem. Saisheto' da qauatenataxañiitac, qataq saishet da dos naua qoquiitegueto, qataq saishet da qami' quiỹaxanaqtaqaiqa, qataq saishet da qami' na'aqtaqa lo'o'.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

Apocalipsis 14:5

cha'aye ỹataqta saishet da nauane' da datenataxan, huo'otaq da ỹo'ot ca qauem.