Juan 1:44 - La'aqtaqa Ñim Lo'onatac 'Enauacna 2013

⁴⁴ Qaq se'eso Felipe, somaye lma' ye Betsaida, yem nataqa'en lma' so Andrés qataq so Pedro.

Nuevo Testamento Toba Sur

⁴⁴ Qaq se'eso Felipe, somayi nachi lma' yi pueblo Betsaida, yim nataq'en lma' so Andrés qataq so Pedro.

Nuevo Testamento Toba Sombrero Negro

⁴⁴ Ñe'me Felipe nach'eñe jo'ne le'ec ga'me noic 'me Betsaida, jo'ne nach'edi noic 'me le'ec ñe'me Andrés nataq'aen ñe'me Pedro.

Juan 1:44 Iomraidhean Croise

Mateo 10:3

qataq so Felipe, Bartolomé, Tomás qataq so Mateo som ỹacootapeeguet co'ollaxa ana nsheetenaqte ca nta'a; Santiago som llalec so Alfeo; qataq so Tadeo;

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Marcos 3:18

qataq so Andrés, Felipe, Bartolomé, Mateo, Tomás, qataq so Santiago som llalec so Alfeo, Tadeo, qataq so Simón maye chegaqaigui nam dataỹa'aguet naxa na nta'alpi,

Marcos 6:45

Qaq co'ollaq ime de'era, nache So Jesús 'enapegalo soua lapaxaguenataqa da huenooyingui aso nllocta da ỹa'axasoxoorelec aso lapel, nache ilottra ye nỹecpi ye Betsaida, qaq Somaye no'onañi da ncoyegueetague' so shiỹaxauapi.

Marcos 8:22

Qaq co'ollaq ivilda ye nỹecpi le'enaxat Betsaida, nache huo'oi soua shiỹaxau' naueguereua'a So Jesús so qanamaic, nache nachoxoreetracot Somaye, da yaqto' ỹashel-lec.

Lucas 10:13

So Jesús nataqa'en, 'eeta': «Qami' maye qoñiitaña na nỹecpi Corazín ¡ỹataqta qauem da qa'aita'ague! ¡Nataqa'en qauem da tata'ague na shiỹaxauapi maye netaña ye nỹecpi Betsaida! Cha'aye nam so'otpi maye sa qaỹauanapega maye qami' huaiguilo, taxa da so'ot da huaigui ye nỹecpi ye Tiro qataq ye Sidón, nache salcoshe'eguectaxa da yeemaye naralaxa't da lataxa'c. Qataq ỹaayiñi naua alogo maye qaica ca lya'c qataq imeeleguete naua lqaigo da ỹachaxan da ntogotaxac.

Lucas 6:14

Qaq 'enaua naua le'enaqa'ate soomaye: Simón som ilonec da le'enaxat Pedro, qataq so Andrés som lqaỹa so Pedro, qataq so Santiago, qataq so Juan, Felipe, qataq so Bartolomé,

Lucas 9:10

Nache soua lapaxaguenataqa co'ollaq mashe ñe'eguela'q, nache da'aqtaxaatrapeguem So Jesús 'enauac nam ỹo'otpi. Ime, nache So Jesús nnaicapegueto soomaye da nqo'onalo ye nỹecpi ye Betsaida, cha'aye huotaique da ndoteto soomaye.

Juan 1:43

Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Juan 1:46

Nache so Natanael 'enapeco': –¿Peta'a isheto' da huo'o ca no'on da lataxac da chegoqchiguiña ye Nazaret? Nache so Felipe 'enapeco': –'Aỹala, ña 'ameenaxana Ñimaye.

Juan 1:48

Nache so Natanael denataxan, 'eeta': –¿Ca hua'ague co'ollaxa, qaq aỹem 'auauatton? Nache So Jesús 'enapeco': –Qomye 'am selota'a can saxanaxa da 'am iỹaxana da Felipe, can qoueto'ot ara higo lcheyec.

Juan 12:21

Soomaye nqocheneua'a so Felipe, maye lma' ye Betsaida yem huaigui ye 'alhua Galilea. Nache nachoxoreetracot somaye, 'eetra': –Qomi' 'anqouagueque, qomi' sauoqtaique da ñauanaxai' ca Jesús.

Juan 12:22

Nache so Felipe jec da da'aqtaxanem so Andrés, nache soomaye je'c da da'aqtaxaarem So Jesús.

Juan 6:5

Nache co'ollaq namatasheguem So Jesús, nache ila'aguet so qalota shiỹaxauapi, da nca'attaueegue Somaye. Nache inat so Felipe, 'eeta': –¿Chaq hua'ago' ca sachegoxotaqa'ague da sesheenaxanaxa ca aloq ne'ena qalota shiỹaxauapi?

Juan 6:7

Nache so Felipe 'enapeco': –Na'aictaxa da ivi' doscientos na'axa'te da do'onataxaatac ca shiỹaxaua, qalaxaye ñaqaiyeta saishet da nalolec da desheenaxana ca sa 'amaqtaq aloq ca ỹataqta qalota shiỹaxauapi, 'eeta'am ne'ena.

Hechos 1:13

Qaq co'ollaq ivildeua'a ye Jerusalén, nache taresheguemec ca pa'asheguem ca nỹec maye lanataqa't. Qaq na le'enaqa'ate soomaye: Pedro, Santiago, Juan, Andrés, Felipe, Tomás, Bartolomé, Mateo qataq so Santiago maye Alfeo llalec, qataq so Simón maye chegaqaigui nam dataỹa'aguet naxa na nta'alpi, qataq so Judas maye lqaỹa so Santiago.