Juan 1:43 - La'aqtaqa Ñim Lo'onatac 'Enauacna 2013

⁴³ Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Nuevo Testamento Toba Sur

⁴³ Qaq so lÿa na'a'q, nachi so Jesús ÿauotaique da taigue da 'alhua Galilea. Nachi natenalec so Felipe, nachi 'enapega, 'eeta': –Aÿim qoquegue.

Nuevo Testamento Toba Sombrero Negro

⁴³ Jo'me nolo' laqaya, Jesús lelnataĝac da'me dajoyi di'me Galilea, qama'le yauana ñe'me Felipe qama'le enaac: —¡Jayem oquegue!

Juan 1:43 Iomraidhean Croise

Isaías 65:1

Ñim Nataxala', 'eeta': Nam saishet da aỹem denataxaataique co'ollaxa qalaq nachena nam aỹem nmittaique, qaq nam saishet da aỹem nmittaique co'ollaxa qalaq aỹem ỹanata. Qataq nam saishet da iỹaxaatega co'ollaxa da ỹe'enaxat qalaq shenapega sheeta': «Aỹem soota'a ne'ena.»

Mateo 10:3

qataq so Felipe, Bartolomé, Tomás qataq so Mateo som ỹacootapeeguet co'ollaxa ana nsheetenaqte ca nta'a; Santiago som llalec so Alfeo; qataq so Tadeo;

Mateo 4:12

Qaq So Jesús co'ollaq la'axaỹaxac so Juan da qaicoñerai' qoỹanaigui aso ncoñetaxanaxaqui, nache Somaye taỹa ye 'alhua Galilea.

Mateo 8:22

Nache So Jesús 'enapeco': –Aỹem 'auca'ategue, cha'aye ỹoqta ỹactec da 'onaxaic da Aỹem 'auca'ategue nagui. ¡Ñaq 'aua'axaỹa'a nam leuaxaicpi da ilayiñi nam lqatacpi!

Mateo 9:9

Qaq So Jesús co'ollaq ca'ai yi'iye, nache ila'a so ỹale le'enaxat Mateo. Somaye nso'ootañi, netaigui aso lo'onataxanaxaqui da ỹacootapeeguet ana nsheetenaqte ca nta'a maye netaña ye Roma. Nache So Jesús 'enapega somaye, 'eeta': «Aỹem 'auca'ategue.» Nache so Mateo ñesheguem, nache ca'ategue So Jesús.

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Juan 1:28

Qaq 'enauac de'era huaña ye nỹecpi ye Betania, maye pa'aigue da nala' lliguisheguem ye tala Jordán, yem huaña co'ollaq dachelaxanataxaatac so Juan.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Juan 1:35

Qaq so lỹa na'a'q, nache so Juan qaltaq hueta'a yi'iye 'alhua, qataq soua dos soua lapaxaguenataqa.

Juan 1:37

Nache soua dos lapaxaguenataqa so Juan co'ollaq hua'aqchiguilo de'era, nache ca'atregue So Jesús.

Juan 1:44

Qaq se'eso Felipe, somaye lma' ye Betsaida, yem nataqa'en lma' so Andrés qataq so Pedro.

Juan 12:21

Soomaye nqocheneua'a so Felipe, maye lma' ye Betsaida yem huaigui ye 'alhua Galilea. Nache nachoxoreetracot somaye, 'eetra': –Qomi' 'anqouagueque, qomi' sauoqtaique da ñauanaxai' ca Jesús.

Juan 14:8

Nache so Felipe 'enapego' 'eeta': –'Am Qarataxala', ña qomi' 'auachaxanalo ca Qarta'a. Qaq 'era nachaqrata seuenaqtac.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 6:5

Nache co'ollaq namatasheguem So Jesús, nache ila'aguet so qalota shiỹaxauapi, da nca'attaueegue Somaye. Nache inat so Felipe, 'eeta': –¿Chaq hua'ago' ca sachegoxotaqa'ague da sesheenaxanaxa ca aloq ne'ena qalota shiỹaxauapi?

Juan 6:7

Nache so Felipe 'enapeco': –Na'aictaxa da ivi' doscientos na'axa'te da do'onataxaatac ca shiỹaxaua, qalaxaye ñaqaiyeta saishet da nalolec da desheenaxana ca sa 'amaqtaq aloq ca ỹataqta qalota shiỹaxauapi, 'eeta'am ne'ena.

Filipenses 3:12

Qaq aỹem saishet da sheetega da mashe sevi' 'enauac nam sa'axattac, huo'otaq da mashe nalochiguiñi da ỹataxac. Qalaxaye aỹem ashecta, huo'o da ña'añaxataxac da yaqto' sevira'a da nalochiguiñi da ỹataxac, cha'aye nachera da huo'omshe aỹem nca'alaxatec So Cristo Jesús.

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.