Juan 1:42 - La'aqtaqa Ñim Lo'onatac 'Enauacna 2013

⁴² Ime, nache so Andrés ỹauec so Simón da ỹauega ca netaña So Jesús. Qaq So Jesús co'ollaq ila'aguet somaye, nache 'enapega, 'eeta': –'Am Simón maye 'am llalec so Jonás, 'am qaỹamata'ac da 'are'enaxat Cefas. (De'era ne'enaxat naigui da Pedro, nataqa'en naigui da Coma'.)

Nuevo Testamento Toba Sur

⁴² Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Nuevo Testamento Toba Sombrero Negro

⁴² Ca'li yem da'me dojo' qama'le Andrés yauec ñe'me Simón yauega joga'me ue'ta ñe'me Jesús. Mane'e ca'li Jesús yauana joñe'me, qama'le eetac: —Naqa'am jo'ne am Simón, lec'oĝot ga'me Juan, qalaĝaja nayi jen adenaĝat da'me Cefas ('me yeloteguet da'me Pedro.)

Juan 1:42 Iomraidhean Croise

2 Reyes 5:4

Nache so Namán, taua'a co'ollaxa so nta'a, nache da'aqtaxanem de'era la'aqtac asa'aso nogotole maye Israel lashe.

Mateo 10:2

Qaq 'enaua naua le'enaqa'ate soua doce lapaxaguenataqa So Jesús maye lca'aua'alo da ỹauo'oi lamaxa'she: Simón da le'enaxat lỹa Pedro, qataq so lqaỹa Andrés; nataqa'en so Santiago qataq so lqaỹa Juan, maye llalqa so Zebedeo;

Marcos 3:16

Qaq 'enaua naua le'enaqa'ate soua doce, 'eeta': Simón som ilonec So Jesús da Pedro,

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Lucas 6:14

Qaq 'enaua naua le'enaqa'ate soomaye: Simón som ilonec da le'enaxat Pedro, qataq so Andrés som lqaỹa so Pedro, qataq so Santiago, qataq so Juan, Felipe, qataq so Bartolomé,

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Juan 21:2

Som lapoota'a'tpi Simón Pedro, Tomás som qaỹamata'ac da huaya', qataq so Natanael maye lma' ye Caná yem huaigui ye 'alhua Galilea, Santiago qataq so Juan maye llalqa so Zebedeo, qataq soua lỹa't dos lapaxaguenataqa So Jesús.

Juan 4:16

Nache So Jesús 'enapega asomaye, 'eeta': –'Asoma qome, 'avi'iguena'ata ca 'arhua, nache 'anauegaxaama ne'ena.

1 Corintios 1:12

Cha'aye huo'o na 'eeta': «Aỹem seca'attague' so Pablo;» qataq huo'o na 'eeta': «Aỹem seca'attague' so Apolo;» qataq huo'o na 'eeta': «Aỹem seca'attague' so Pedro;» qataq huo'o na 'eeta': «Aỹem seca'attague' So Cristo.»

1 Corintios 15:5

Qaq ime, nache Somaye hua'auchiguiñi da nachaxana so Pedro, ime qaltaq jec soua lỹa't once lamaxa'she.

1 Corintios 3:22

na'aictaxa da Pablo, huo'otaq Apolo, huo'otaq Pedro, huo'otaq ana 'alhua, huo'otaq da nca'alaxa, huo'otaq da nleuaxa, huo'otaq naua ñachaataqtaiguilo na'axa'te, huo'otaq ca ñaq natauo, 'enauac namayepi qaralamaxache.

1 Corintios 9:5

Qataq nataqa'en ishet da ñenaigaqtague' aca qarhua de'era qoyecỹaxac, 'eeta'am da 'eetec na laỹepi lamaxashecpi So Qarataxala' Jesús, qataq soua lalamaqa'ate lqaỹa't, nataqa'en so Pedro.

Gálatas 1:18

Qaq co'ollaq mashe inoxoore'c soua tres vi'iye, nache aỹem saigue da Jerusalén da yaqto' sauatton so Pedro, nache soota'asop somaye ivi' soua quince na'axa'te.

Gálatas 2:11

So Pedro co'ollaq nvita ye nỹecpi ye Antioquía, huaña, nache ỹataqta sataỹa'aguet, nache sheetega cha'aye sa ỹaỹamaxañi da ỹo'ottac.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.