Juan 1:41 - La'aqtaqa Ñim Lo'onatac 'Enauacna 2013

⁴¹ Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Nuevo Testamento Toba Sur

⁴¹ Qaq so Andrés co'ollaxa ÿataqta i'auaxaachiguiñi da nqo'ona so lqaÿa Simón, nachi 'enapega, 'eeta': –Qomi' ñauanaxai' ñim qoÿiitega Mesías –de'eda n'enaxat naigui da Cristo, nta'a nca'alaxaqui.

Nuevo Testamento Toba Sombrero Negro

⁴¹ Qama'le Andrés paja'a da'me yelaque ñe'me mach'e laqaya Simón qama'le eetac: —Qo'mi joote jauanaĝa ñe'me Mesías (jo'ne yeloteguet da'me Dios Liquiyac.)

Juan 1:41 Iomraidhean Croise

2 Reyes 7:9

Qaq ime, nache na'aqtaxaatega't nache, 'eeta': Qomi', saỹaỹamaxañi de'era so'otaqtac. Cha'aye ne'ena na'a'q laloxoqui da no'on na'axaỹaxac, qaq qomi' da saishet da sa'axataq nagui, da seuataqta'a da yo'oxoñi, nache qomi' qarasouaxashet qome. Ỹoqo'oye no'on da qolaq nagui, da ñeqo'onaxaua'a ca nta'a nache sa'aqtaxanaxam de'era la'axaỹaxac.

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Salmos 45:7

'Am ỹataqta 'auauotec da no'on, qalaxaye 'auaỹemec da qauem. Qaq ỹoqo'oye 'am lca'ateua'a Ñim Lo'onatac 'Enauacna, Ñim 'Anatamnaxala', da 'am talec naqa'en da 'antonaxac, qaq saq 'ena'am na 'araỹepi.

Salmos 89:20

Aỹem sanata co'ollaxa ñi David maye ỹamaxashec, nache secorelec so qui'itta icoraxanaxat.

Isaías 11:2

Qaq so Saqcha'a La'añaxac Ñim Nataxala' nache hueta'aguet qome camaye, nache ỹanem da laỹaanec, laỹaanataxanaxac, sanqalat, la'añaxac, lauattonaxanaxac, qataq ỹalaxaguet Ñim Nataxala'.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Lucas 2:17

Ime, nache pa'are'c, qataq ỹa'axattra'c da la'aqtac so lamaxashec Ñim Lo'onatac 'Enauacna co'ollaq ỹa'axattac so nogotolec.

Lucas 2:38

Qaq co'ollaq ime da la'aqtaxanaxac so Simeón, nache aso Ana nquigueuo, nache chegoqchiguiña da ỹo'oxoreetac Ñim Lo'onatac 'Enauacna, qataq ỹa'axattac se'eso nogotolec Jesús, da'aqtaxaatapeguem 'enauac nam iuattaique da Ñim Lo'onatac 'Enauacna huesochiguiñi naqa'en na hueta'a ye nỹecpi le'enaxat Jerusalén.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Juan 4:25

Nache aso 'alo 'enapeco': –Aỹem saỹaten da anac qome ca Lca'aguishec Ñim Lo'onatac 'Enauacna maye qaiuattaique, maye na griegopi da iỹaxana qalaq Cristo. Qaq qom ivita da nvi' camaye, nache qomi' da'aqtaxanema 'enauac na lataxaguesat.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.