Juan 1:34 - La'aqtaqa Ñim Lo'onatac 'Enauacna 2013

³⁴ Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Nuevo Testamento Toba Sur

³⁴ Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Nuevo Testamento Toba Sombrero Negro

³⁴ Jayem joote jauana, qama'le nayi jechoqotaĝanec queda'me yataqachiñe Lec'oĝot joñe'me Dios.”

Juan 1:34 Iomraidhean Croise

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Mateo 26:63

Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Mateo 27:40

Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Mateo 27:43

Ñimaye 'eetega naxa da huo'o da lpi'iỹaxac Ñim Lo'onatac 'Enauacna, qataq 'eetega lta'a Ñimaye. ¡Qaq Ñim Lo'onatac 'Enauacna da ỹoqta 'eesa da lauotaxat Ñimaye, nache nca'alaxatec nagui!»

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Mateo 4:3

Nache nvi' so pa'aguenataxanaxaic da ỹe'eguen Somaye. Nache 'enapego', 'eeta': –Da ỹoqta 'eesa da 'am Llalec Ñim Lo'onatac 'Enauacna, qaq no'on qome da nañigui nauole 'ayiiña 'anqa'en ne'ena coma'pi.

Mateo 4:6

nache 'enapega, 'eeta': –Qom ỹataqta 'eesa da 'am Llalec Ñim Lo'onatac 'Enauacna, nache 'auparenaxanec nagui. Cha'aye ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna namaq qome ca lamaxashecpi, da yaqto' 'am ntela'a. Nache 'am ỹachetaleguete qome naua lhua'q camayepi, da yaqto' saishet da 'am iuaxaneguet na coma'pi.»

Mateo 8:29

nache soua saqcha'alo na'añaxaco leguemaxaiqa ỹa'alaqtai'salo, 'eetra': –¡'Am Jesús maye 'am Llalec Ñim Lo'onatac 'Enauacna!, ¿negue't cam qomi' 'auo'oteque? ¿'Auauo'o peta'a ca qanhuaxanaguec nagui da saxanaxa da nvi' ca nmitaguec 'enauacna?

Marcos 1:1

'Era da 'eetec da na'aqtaguec co'ollaq cheta'ague da qaỹa'axat da no'on na'axaỹaxac maye ỹa'axat da llec So Qarataxala' Jesucristo maye Llalec Ñim Lo'onatac 'Enauacna, qataq Lca'aguishec Ñimaye.

Marcos 1:11

Nache qaỹa'axaỹa so na'aqtac chemqot na piguem, 'eeta': «'Am maye nache 'am Ỹalec ỹauotaxat, Aỹem ỹataqta 'am ñetootapeguec.»

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Juan 10:30

Aỹem, qataq Ñim Ita'a, 'oonolec da qarataxac.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 11:27

Nache asomaye 'enapeco': –Aja', 'am Nataxala'. Aỹem sa'amaqten da nache 'am Lca'aguishec qataq 'am Llalec Ñim Lo'onatac 'Enauacna maye 'am qaỹa'axatta'aguet co'ollaxa da 'auanaỹa ana 'alhua.

Juan 19:7

Qalaxaye na judiopi 'enapeco': –Qomi' huo'o dam nqataxac maye qomi' qoỹanema co'ollaxa, qaq damaye 'enapec ye ishet da qaỹalauat ca 'ena'am de'era, cha'aye damaye 'eetega da Llalec Ñim Lo'onatac 'Enauacna.

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Juan 6:69

Qomi' mashe sogote da 'am sa'amaqtenaq, qataq saỹaanaqta da nache 'am Lca'aguishec qataq 'am Llalec Ñim Lo'onatac 'Enauacna maye nache 'eetai' da nca'altauec.

2 Corintios 1:19

So Timoteo, Silas qataq aỹem qami' sa'aqtaxanaqteguema dam na'aqtaguec So Jesucristo, Som Llalec Ñim Lo'onatac 'Enauacna. Somaye saishet da nasaxauec ca la'aqtac, ime, nache sa ipaguelec. Nachaqrata da huo'o da la'aqtac, nache ỹataqta ipaqueelec.

Hebreos 7:3

Qaq somaye, qaica ca ỹaỹaten ca le'enaxa't caua lta'al qataq cam chegoxoguet lauo', nataqa'en saishet da qaỹaỹaten ca hua'ague co'ollaq ñiguiñi qataq ca huaña da ileu. Qaq ỹoqo'oye so Melquisedec da lo'onataxanaxac da ntaxaỹaxanaxanec, 'eeta'am So Llalec Ñim Lo'onatac 'Enauacna da chochaq tatec da ntaxaỹaxanaxanec da qaitaxaỹapegue' Ñimaye.

1 Juan 2:23

Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

1 Juan 4:9

Ñim Lo'onatac 'Enauacna qomi' ỹachaxanalo da lauotaxanaqtaic co'ollaq namaxalec ana 'alhua So Jesucristo, som 'oonolec Llalec, yaqto' chegoqchigui Somaye da 'enauac da shenaqta huo'o da qarca'alaxa chochaq tatec.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

Apocalipsis 2:18

«Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Tiatira. Qoneta': ‹¡Aỹem maye Aỹem Llalec Ñim Lo'onatac 'Enauacna! Naua ỹa'ai'te 'eeta'ama na le'eraxa na norec, qaq naua ichel qalaq qashelectrapiguiñi 'eeta'am da lqashelgaxa na lcat le'enaxat bronce da ime da nqatelaguec. Ñaq 'ana'axaỹaxana dam 'am sa'axatem: