Juan 1:18 - La'aqtaqa Ñim Lo'onatac 'Enauacna 2013

¹⁸ Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Nuevo Testamento Toba Sur

¹⁸ Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Nuevo Testamento Toba Sombrero Negro

¹⁸ Ñe'me Dios qaya'te ua'a ta'le 'uo ga'me yauana, onolec ñe'me Lec'oĝot jo'ne nach'e ena'am Dios nataq'aen da'me ne'tajop joñe'me Let'a, nach'eñe 'me qo'mi yatetonaĝanaĝaneque.

Juan 1:18 Iomraidhean Croise

Génesis 16:13

Qaq aso Agar ye detaqtague' co'ollaxa Ñim Nataxala', nache ỹanagui da le'enaxat: «Ñim Lo'onatac 'Enauacna maye aỹem ila'a,» cha'aye asomaye 'enapeco': «Ñim Lo'onatac 'Enauacna, aỹem ila'a co'ollaxa, qalaxaye aỹem ña ñeca'altauec.»

Génesis 18:33

Qaq Ñim Nataxala', co'ollaq ime da detaqtague' so Abraham, nache jec ca'ai ye hueta'a. Qaq so Abraham qalaq ỹe'eguelaxaua'a so lpe'l.

Éxodo 23:21

Qalaxaye saishet qome da qauỹochiiuec somaye, qataq qaualaqaiguet, cha'aye somaye ỹo'ot ca samaxalec, qataq saishet da ichoxonnai' ca qarasouaxashichi.

Éxodo 24:10

Huaña, nache somayepi ỹauaachigui da lataxac Ñim Natamnaxala' so Israel le'ecpi, qaq na pa'aguiñi naua lapia'ate qalaq qashelec 'eeta'am na no'on coma' le'enaxat zafiro, qataq ỹataqta yo'oqoolec, 'eeta'am da lo'oxoỹaxac na piguem.

Proverbios 8:30

qaq aỹem ñachattauo, sootaua'a na laỹe Ñimaye. Qaq aỹem machiguiñi naqa'en Ñimaye, qataq 'enauaque naua na'axa'te da aỹem imeteetac da sa'aistac,

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Lamentaciones 2:12

Nache so ñaqpiolec inattac naxa asom late'elpi, 'eeta': «¿Chaq hua'ague ca huo'o aca nauole qataq ca lataxa?» qaq somayepi mashe huañi 'eeta'am ca que'emaxaic da mashe huotaique da ileu huetangui so nqa'aicpi som huaqta'a't nỹecpi, ñaxaatregueshegue'm naua la'a'che, huetaleguete naua lhua'q asom late'elpi.

Números 12:8

ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Juan 13:23

Qaq huo'o so 'oonolec soua lapaxaguenataqa So Jesús, som ỹataqta nauochaxaua, qaq somaye nache netaua'a na laỹe da lquia'axaua.

Juan 14:9

Nache So Jesús 'enapego' somaye, 'eeta': –Felipe, Aỹem mashe huo'oi soua vi'iye da qami' soota'agueta, ¿qalaq ñaq saxanoxo' da Aỹem 'auauatton? Cha'aye ca Aỹem ila'a, camaye nataqa'en ila'a Ñim Ita'a, qaq ¿ta'ainco' ye Aỹem 'auỹaxaatacot da qami' sachaxanalo Ñim Ita'a?

Juan 17:26

Aỹem mashe saỹaanaxanaxaneque naamaye da qoneta, qalaxaye ñaqaiyeta Aỹem ñaq shecto'ot da 'am sa'axattac, yaqto' naamaye nache queto'oto da Aỹem na'attaua'alo qataq ỹauotec na laỹepi, 'eeta'am 'am qataq Aỹem da ỹataqta ñauotaxa't.

Juan 17:6

Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Juan 6:46

Saishet da huo'o ca ilogui da lasheguiỹaxac Ñim Ita'a; Nachaqaỹemta maye sachegoqtot Ñimaye.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Deuteronómio 4:12

nache Ñim Nataxala' detaqa huetaigui so norec. Nache qami' qaua'aqaichiguilo 'enauaque naua la'aqtaqa, qataq choche qaua'aqaitega da l-lamaxa naua la'aqtaqa, qalaxaye saishet da qauloỹa'a da yo'oqchiguiñi lataxac Ñimaye.

Colosenses 1:15

So Cristo nacheso som Llalec Ñim Lo'onatac 'Enauacna, Somaye nache 'eetai' da huo'o co'ollaxa saxanaqca 'enauacna. Somaye nactaigui da lataxac Ñim Lo'onatac 'Enauacna maye saishet da qaila'a.

1 Timoteo 1:17

Ỹoqo'oye nagui sanaxam da qayo'oxonnataxanaxa qataq da qaryacnataxanaxac Ñim Lta'a 'enauac nam shiỹaxauapi maye choche tatec, Ñim qaica ca loga't qataq saishet da qaila'a. Ñimaye nacheñi Ñim Lo'onatac 'Enauacna maye qaica ca lỹa 'ena'am, qataq ỹaanaxanaxaic. Aja', nache 'eetec de'era.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Josué 5:13

Huo'o so na'a'q, nache so Josué hueta'a ye sa qaỹapeque ye Jericó, nache co'ollaq namatasheguem, nache ila'a so ỹale nachattañi, nasoqta'a so lainec, nache so Josué nquicot somaye nache inat, 'eeta': «¿Peta'a maiche 'am qarỹa, qalqo' 'am qampa'aguenaxaua?»

1 Juan 4:12

Qaica ca nma'ai' da ỹauatton Ñim Lo'onatac 'Enauacna, qalaxaye da ñi 'oonolec da shenaqta da ỹataqta ỹauotec ca lỹa, nache 'eesa da Ñim Lo'onatac 'Enauacna qomi' netaiguilo, qataq nataqa'en da lauotaxanaqtaic Ñimaye qomi' do'onataxaatapoiguilo.

1 Juan 4:20

Qaq da shenaqtega da sauotaxac Ñim Lo'onatac 'Enauacna, qalaxaye ñequiỹaqta'a't, nache qomi' tenataxanaxaiqa. Cha'aye da saishet da sauotaxac ca qarqaỹa maye seloqta'a, nache hua'aguectoxo' da ishet da sauotaxac Ñim Lo'onatac 'Enauacna maye saishet da selaqa'a.

1 Juan 4:9

Ñim Lo'onatac 'Enauacna qomi' ỹachaxanalo da lauotaxanaqtaic co'ollaq namaxalec ana 'alhua So Jesucristo, som 'oonolec Llalec, yaqto' chegoqchigui Somaye da 'enauac da shenaqta huo'o da qarca'alaxa chochaq tatec.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.