Juan 1:13 - La'aqtaqa Ñim Lo'onatac 'Enauacna 2013

¹³ Qaq namayepi nagui ỹataqta llalaqpi Ñim Lo'onatac 'Enauacna, chegoqchigui da maiche lhuennataxa Ñimaye, qaq saishet da nachera da maiche lhuennataxa na shiỹaxauapi.

Nuevo Testamento Toba Sur

¹³ Qaq namayipi sa ishit da 'eeta'am da lañoxoc na llalaqpi na yi'oqchigui shiÿaxauapi. Mayi da ñiguiñi, qalaq chigoqchigui da lqopitaxanaqtaic, huo'otaq da lhuennataxac namayipi, cha'ayi namayipi ÿataqta llalaqpi ñi Dios.

Nuevo Testamento Toba Sombrero Negro

¹³ Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

Juan 1:13 Iomraidhean Croise

Génesis 25:22

Qalaxaye soua llalqa, deloctega't co'ollaq ñaq huetraigui na lauel aso late'e'. Nache asomaye 'enapeco': «Da nache 'eeta'ac de'era, ¡qaq shaco' da nache queta da ñeca'altauec!» Qaq huaña, nache jec da inat Ñim Nataxala',

Génesis 25:28

Qaq so Isaac ỹataqta lauotaxat co'ollaxa so Esaú, souaxat da chectac naxa na ne'epet somaye. Qaq aso Rebeca, qalaq ỹataqta lauotaxat so Jacob.

Génesis 27:33

Nache so Isaac ỹataqta ỹe'elaq, nache iviloxo'l naua la'aqtaqa co'ollaq 'enapec: «Qaq ¿negue'to' qone' som ne'epe co'ollaxa, som aỹem ndoua'a so lhuoshec? Qaq aỹem mashe ime dam iquia'axac, co'ollaq saxanaxa da 'anvireuo, qataq mashe sasaxalec somaye so ichoxonnataxanaxa, qaq nagui somaye mashe huo'o da nchoxonnataguec.»

Génesis 27:4

Qaq ime qome, nache 'auo'ot ca 'arhuoshec, ỹataqta ama 'anqa'en, cam ỹataqta ñaman naxa, nache aỹem 'andoua'a qome da sachec. Qaq nache huaña qome da 'am sanem da ichoxonnataxanaxa, nagui da saxanaxa da seleu.»

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Juan 3:3

Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

1 Corintios 3:6

Aỹem qami' sa'axatema da no'on na'axaỹaxac maye na'aqtaguec So Jesucristo, qaq so Apolo qalaq qami' ỹapaxagueneque da lataxac da qoquiito'ot da qaua'amaqchiñiitac Somaye. Qalaxaye Ñim Lo'onatac 'Enauacna nacheñi Ñim qami' ỹo'oteque da qanquiquiita'aguet da ỹataqta qauauattoñiita So Cristo.

Filipenses 2:13

Cha'aye Ñim Lo'onatac 'Enauacna, nacheñi ñi qami' ỹanema cam ỹaỹamaqchiguiñi maye qoñiitapeguec, qataq qami' itaua'n da ña qaumacheeta 'enauac camaye. Qaq damaye maiche chegoqchigui Ñimaye.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

1 Pedro 1:23

Qaq Ñim Lo'onatac 'Enauacna naralaxat da qarataxaqui, 'eeta'am da ỹe'eguelaxalec da nañiguiñi ñi 'oonolec da qoñiita. Qalaxaye de'era qarañoxoqui saishet da chegoqchiguilo caua yo'oqchiguilo qarta'alli' maye taỹa'alo da imereuo. Nachaqrata da huo'o da qana'achec, cha'aye de'era chegoqchigui da la'aqtaxanaxac Ñim Lo'onatac 'Enauacna. Qaq de'era na'aqtaxanaxac ỹachaxan da nca'alaxa maye qaica ca ishet da ilaxachigui.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

1 Pedro 2:2

Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,

1 Juan 3:9

Qaica ca llalec Ñim Lo'onatac 'Enauacna da queto'ot da ỹo'ottac na lasouaxashetpi, cha'aye dam achaalataxac maye hueto'ot, chegoqo'ot Ñimaye. Qaq ỹoqo'oye que'eca shiỹaxaua saishet da queto'ot da ỹo'ottac da lle'etaxaloxo, cha'aye ỹataqta llalec Ñim Lo'onatac 'Enauacna.

1 Juan 4:7

Qami' ỹauotaqa'ate ỹalqolqa, iuen da ñi 'oonolec da shenaqta ỹataqta ỹauotec ca lỹa, cha'aye de'era nauotaxanaqtaic chegoqo'ot Ñim Lo'onatac 'Enauacna. Qaq 'enauac nam huo'o da lauotaxanaqtaic, namayepi llalaqpi Ñim Lo'onatac 'Enauacna, qataq ỹauatton Ñimaye.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

1 Juan 5:18

Saỹatenaq da nam llalaqpi Ñim Lo'onatac 'Enauacna saishet da ỹo'ot ca lasouaxashet, cha'aye So Jesucristo maye Llalec Ñim Lo'onatac 'Enauacna ntela'a namayepi, qaq som pa'aguenataxanaxaic saishet da ishet da huo'o ca ỹo'otec qauem namayepi.

1 Juan 5:4

Qaq ỹoqta 'eesa da 'enauac nam llalaqpi Ñim Lo'onatac 'Enauacna, namayepi nauec nam qauemsat maye huetalec ana 'alhua, qataq 'enauac nam pi'iỹa'a So Jesucristo, namayepi dauegaxan.