Josué 10:8 - La'aqtaqa Ñim Lo'onatac 'Enauacna 2013

⁸ nache Ñim Nataxala' 'enapego' somaye, 'eeta': «Saishet qome da 'añe'etega yemayepi, cha'aye aỹem 'am sanem qome da 'oxonecpi, qaq yemayepi qaica ca ishet da 'am dataỹa'aguet.»

Josué 10:8 Iomraidhean Croise

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Deuteronómio 3:2

Qalaxaye Ñim Nataxala' aỹem 'enapega 'eeta': «Saishet qome da 'añi'iỹa namayepi, cha'aye 'am sami' da 'oxonec namaye qataq na nalleppi qataq ye na'alhua. Qaq 'avi'inaxatchigui da qonetec co'ollaxa so Sijón maye lta'a so amorreopi maye netaña co'ollaxa ye Jesbón.»

Josué 11:6

Qalaxaye Ñim Nataxala' 'enapego' so Josué, 'eeta': «Saishet qome da 'añi'iỹa yemayepi, cha'aye qoyo'oxoñi qom ivita ye ñichiguiña nagui añi nala', nache 'enauac yemayepi qauauañiichigui da ileu. Qaq qami' qauchiquiiguilo qome naua lchel ye lalo caipi, qataq qauavigaxache qome aye nalaataxaquipi laigonapi.»

Josué 8:1

Ñim Nataxala' 'enapego' co'ollaxa so Josué, 'eeta': «Saishet qome da 'añi'i, qataq da 'auqalvi. 'Alaỹona't qome na 'analleppi, nache qojec da 'auotaxanec ye huaqta'a't nỹecpi ye Ai, cha'aye aỹem 'am sanem da 'oxonec qome ñi lta'a na netaña ye Ai, nataqa'en 'enauac na nalleppi, qataq ye huaqta'a't nỹecpi qataq ye na'alhuapi, nache imauec qome da 'aralamaxat.

Deuteronómio 7:24

Qaq qami' ỹanema da qoroxoñiqui ye lta'alpi yemayepi, ivitta'a da ỹataqta pal qanqa'eñi na le'enaxatpi yemayepi, cha'aye saishet da qami' nalo'ogueta qome da qami' deloguito.

Josué 10:9

Nache so Josué palom da queta se'eso pe chegoqchiguiña ye Gilgal, nache ỹataqta ique'elaxatta da iloquiaxan se'eso amorreopi.

Josué 10:25

huaña nache so Josué, 'enapeco': «Saishet da qayi'iitac, qataq da qauqaulleetac, qataq saishet da leuapigui ye qarvilỹaxaqui, nacherata da ỹataqta qami' qaramchiguilo qome qataq da qami' 'añaxaiqa, cha'aye 'era da 'eetec qome Ñim Nataxala' 'enauac na qampa'aguenaxauaipi.»

Jueces 7:9

Nache se'eso pe Ñim Nataxala' 'enapega so Gedeón, 'eeta': «Qoñisheguem, nache 'anqo'ooña ye madianiitapi da yaqto' 'auloquiaxan, cha'aye aỹem 'am sanem da 'oxonec yemayepi.

Jueces 6:16

Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»

1 Samuel 17:47

Qaq 'enauac ne'ena lapoota'a'tpi maye hueta'a ne'ena, ỹaỹaten qome da Ñim Nataxala' saishet da iuen ca ỹeelonec huo'otaq aca taquiaxai da deca'alaqtaxan. Cha'aye de'era alaataxac maiche lalamaxat Ñim Nataxala', qaq nacheñi ñi qomi' ỹanema qome da qoñeeta da qami' qoroxonqa.

1 Reyes 20:13

Qaq huo'o co'ollaxa so na'aqtaxanaxanec da taua'a so Ajab, maye lta'a so Israel le'ecpi, nache 'eeta': «Ñim Nataxala', 'eeta' da la'aqtac: ‹¿Peta'a 'aulota'a ne'ena qalota shiỹaxauapi? Namayepi 'am sanem da 'oxonec nagui, yaqto' 'auaỹateeta da nachaỹem Nataxala'.›»