Josué 10:4 - La'aqtaqa Ñim Lo'onatac 'Enauacna 2013

⁴ Nache da la'aqtac somaye, 'eeta': «Ña qauanaqui qome. Aỹem qautauañi da seloquiaxai' ye Gabaón le'ecpi, cha'aye yemayepi mashe naỹamaxate' ñi Josué qataq ye Israel le'ecpi.»

Josué 10:4 Iomraidhean Croise

Josué 9:15

Huaña nache so Josué naỹamaxateto soua Gabaón lashe', nache ỹan so la'aqtac da saishet da huo'o ca 'ena'aque qataq da ichoxore'n da nachaalataxa'c. Nataqa'en se'eso lataxala'pi so Israel le'ecpi ỹaỹamaxareeta de'era aỹamaxataxac.

Josué 10:1

Qaq so Adonisédec, maye nta'a ye Jerusalén co'ollaq ỹaỹaten da so Josué loxonec ye Ai, qataq ỹataqta nlachiguiñi naqa'en 'eeta'am co'ollaxa da 'eetec ye Jericó, qataq da 'eetec nataqa'en so nta'a yemaye, qataq co'ollaq ỹaỹaten da so Gabaón le'ecpi mashe naỹamaxate' so Israel le'ecpi, qataq nache ỹalectaigui somayepi,

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

1 Pedro 4:4

Qalaxaye nagui qami' mashe saishet da qaualliquiitaigui namayepi, ỹoqo'oye namayepi saishet da qami' iyacna'ape da qami' detaqtegalo.

Santiago 4:4

Qami' saishet da qauauochec Ñim Lo'onatac 'Enauacna qataq saishet da qaualaqaiguet. Cha'aye ca ỹauotec na huetalec ana 'alhua, nache camaye ỹe'eguelaxa da ipa'agueetac Ñim Lo'onatac 'Enauacna. ¡Qaq damaye nache 'eetec! Da qami' qauauochec na qauem maye huetalec ana 'alhua, nache qavi'eguelaqaỹa da qapa'agueñiitac Ñim Lo'onatac 'Enauacna.

2 Timoteo 3:12

Qaq ỹataqta 'eesa da 'enauac na nshetaique da nañanot da quetague' So Cristo Jesús, nataqa'en nque'etaxangui qome da ncanaguec.

Hechos 21:28

Nache ỹa'alaqtalec somaye, 'eeta': –¡Qami' Israel le'ecpi, ña qomi' qautauañi'! 'Ena nam ỹale maye ỹataqta nmatte' 'enauaque naua 'aleu' da ỹapaxagueetapeguec na shiỹaxauapi, da yaqto' npa'aguene' na qarhuo' le'ecpi, qataq na namaxasoxonaxacpi maye chegoqo'ot so Moisés, qataq anam qaro'onaxanaxaqui. Qaq namaye nagui qataq huenoxonoigui naqa'en ana qaro'onaxanaxaqui ne'enaua ỹale't Grecia lashe', qaq ỹataqta ishepaxanaqche't ne'ena no'onaxanqa' maye qui'itta.

Juan 15:19

Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Josué 10:5

Qaq huaña nache se'esoua cinco lta'al so amorreopi, som nta'a ye Jerusalén, qataq so nta'a ye Hebrón, Jarmut, Laquis, qataq ye Eglón, soomaye huaxaỹa't, qataq lỹatec so nalleppi nache naña ye nalotta ye Gabaón da yaqto' iloquiaxan yemaye.