Jonás 3:3 - La'aqtaqa Ñim Lo'onatac 'Enauacna 2013

³ Nache so Jonás taỹa ye Nínive, ỹalaxaguet da la'aqtac Ñim Nataxala'. Qaq ye huaqta'a't nỹecpi ye Nínive, yemaye ỹataqta qalochiguiñi, ỹoqo'oye da qanayiigui nache ivi' naua tres na'axa'te, nache ishet da qaiviraxatec.

Toba del Oeste

³ Chane'eja joñe'me Jonás yoqo'cha joñe'me Jaliaĝanec qama'le ec, da'me yec'ata di'me noic jo'ne Nínive, nach'edi jo'ne noic let'adaic joca'li, chane'eja nalo'taguet tres naa'me noloqo'ote qom yema qodiquetaye.

Jonás 3:3 Iomraidhean Croise

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Génesis 30:8

nache aso Raquel 'enapeco': «Ne'ena nogotolec le'enaxat qome da Neftalí, cha'aye saqalota da iloquiaxac da seloctague' añi ỹaqaỹa, qaq nagui mashe ñauec.»

Salmos 36:6

Qataq da nalochiguiñi 'arataxac, 'eeta'am ana qaỹoqotcheguemec qasoxonaxapi, qataq naua 'alapaxayiñi lataxaco 'eeta'ama aso auaxai late'erai maye qaỹoqchiguingui. Qataq ỹataqta 'antela'a na shiỹaxauapi qataq na shiguiỹacpi 'Am Nataxala'.

Salmos 80:10

Qaq na lpaqal ivira'a da ỹapolec ana qasoxonaxapi, qataq ana lcouepi napacalec ana qo'oipaqpi maye ỹataqta logorai.

Isaías 37:37

Qaq huaña nache so Senaquirib maye nta'a ye Asiria, nqat so lpe'l, nache jec ỹe'eguelaxa ye Nínive qaq nache naña yemaye.

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

2 Timoteo 4:11

Nachaqñita ñi Lucas ñaq aỹem hueta'aguet. Qaq qom 'auanac, nache 'ananaỹalec ca Marcos da 'anauec, cha'aye camaye ishet da aỹem itauan da qaro'onataxanaxac.