Jonás 2:9 - La'aqtaqa Ñim Lo'onatac 'Enauacna 2013

⁹ Qalaxaye aỹem, nache shecto'ot da 'am sho'oxoreetac, qataq 'am saatacot qome aca ỹachetaqtaxanaqte, qataq sepacchigui qome da so'ot na 'am sachaxanapeguempi. ¡Cha'aye nache 'amta 'Am Nataxala', da 'am chegoqo'ot da nca'alaxa!»

Toba del Oeste

⁹ Qalaĝaja da'me jayem nach'e eta't da'me am 'ñonaĝachigui, nataq'aen da'me am ja'aĝatem da'me ja'uo ga'me yajaqajec; jen yepaquichigui da'me jo'ne joote am 'ñaĝatetapecot. ¡Am Jaliaĝanec, jo'ne am onolec da'me aua'uo da'me nec'alaĝac!»

Jonás 2:9 Iomraidhean Croise

Génesis 35:3

nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»

2 Samuel 15:7

Qaq co'ollaq inoxoorec soua cuatro vi'iye, nache so Absalón 'enapega so nta'a, 'eeta': 'Am nta'a, 'onaxaictaxa da aỹem 'auasheeta da ñeqo'ona ye Hebrón, da yaqto' sepacchigui da ỹa'aqtac maye sanot co'ollaxa Ñim Nataxala'.

Da na'aqtaguec so Job 22:27

Nache da 'anatamnot Ñimaye, qalaq ishet qome da 'am hua'axaỹa, qataq ishet da 'aupacchigui ca 'aỹa'anot 'ara'aqtac.

Salmos 107:22

Qataq qaỹa'añiỹot ca qarachetaqtaxanaxache da qavio'oyiñi Ñimaye, qataq qauamaichiguiñi da qaua'axacheeuec na ỹo'otpi Ñimaye.

Salmos 27:1

Ñim Nataxala', nacheñi ñi aỹem icoỹattalec qataq nacheñi ñi ica'alaxaqui, ỹoqo'oye ¿negue'tom ca she'etaique? ye Ñim Nataxala' nacheñi ñi mpaxattalec da ñachaalataxac, ỹoqo'oye ¿negue'tom ca aỹem icolanaqchet?

Salmos 3:8

'Am Nataxala', nache 'am maye 'auca'alaqtaxan, ñaq 'anamaxa qome ca 'archoxonnataxanaxa na 'aralamaxat nhuo' le'ecpi.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Salmos 50:23

Ca Aỹem ỹanot da na'achecỹaxac, camaye Aỹem ỹo'oxoren. Qataq ca ỹaỹamaxatchiguiñi da lataxac, nache sachaxana da ica'alaqtaxanaxac.»

Salmos 68:20

Ñim Nataxala', maye Qanatamnaxala' Ñimaye Lo'onatac 'Enauacna maye deca'alaqtaxan, qataq ishet da qomi' nca'alaxateeguesopa da nleuaxa.

Salmos 95:2

Ñeqo'onaxaua'a Ñimaye da sanqot da qana'achec, qataq so'onaq na no'onecpi da sho'oxorenaq Ñimaye.

Isaías 45:17

Qalaxaye Ñim Nataxala' nca'alaxatec qome na Israel le'ecpi, irolec da chochaq tatec lca'alaqtaxanaxac, qaq nache saishet qome da ỹe'eguelaxa da huetaigui da la'aloxo, qataq da qaica ca la'amaqchec.

Jeremías 33:11

ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Juan 4:22

Qami' Samaria lashe', qami' saishet da qauauattoñiita cam qavio'oxoyiñiitac. Qomi', qalaxaye ỹataqta saỹaanaqta ñim sho'oxorenaqtac. Cha'aye ca Nta'a Nca'alaxaqui camaye chegoqtoigui na judiopi.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

Deuteronómio 23:18

Qataq saishet da qoỹanot Ñim Nataxala' maye Qanatamnaxala'ai aca chegaqaigui da quisheguetaxac, qataq saishet da qaisheetenaxana acamaye da huo'o ca qoỹan na'aqtac, cha'aye damaye ỹataqta deqaiga Ñim Nataxala'.

Hebreos 13:15

Da qarachetaqtaxanaxat maye samiaxai' Ñim Lo'onatac 'Enauacna, nachera da qana'achecỹaxac maye chochaq tatec da sanaqtacot Ñimaye, chegoqchigui So Jesucristo cha'aye mashe sasataxaguet da nacheso so 'oonolec Qarataxala'.

Apocalipsis 7:10

Qaq somayepi ỹa'alaqtagui, 'eeta': «Qomi' nca'alaxatre'c Ñim Qarta'a maye Lo'onatac 'Enauacna, maye nso'ootangui añi so'onaxaqui, qataq Ñim Qagueta Llalec.»

1 Samuel 12:21

Saishet qome da qoquiigue na saq'en atamnaxala'pi maye saishet da detaunaxan huo'otaq da deca'alaqtaxan, cha'aye namayepi qaica ca naigui.