Jonás 2:7 - La'aqtaqa Ñim Lo'onatac 'Enauacna 2013

⁷ Qaq co'ollaq ñanomteguet da seleetapigui', nache tachigui iuel da qoneta 'Am Nataxala', nache da ñachoxonnaxac 'am iviro'ot, co'ollaq qoneta'a añi qui'itta 'aralamaqte atamnaxaqui.

Toba del Oeste

⁷ Chane'eja da'me male janomeguet da'me jetaque jayem ca'e da'me lec'alaĝa da'me ñejiyaĝauayaĝac, qama'le yitaĝa am ñetouenec, am Jaliaĝanec; qa'a da'me ñetamenaĝac joote am yovidaje'ma, da'me am jo'ne ouetaue ga'me anetamenaĝaiqui jo'ne ja 'nalegue.

Jonás 2:7 Iomraidhean Croise

2 Crónicas 30:27

Ime co'ollaxa nache so ntaxaỹaxanaxanecpi, qataq so leviitapi, nachaañi nache talec naqa'en so no'on la'aqtac so shiỹaxauapi, nache Ñim Nataxala' hua'axaỹa somayepi, cha'aye se'eso natamnaxac iviro'ot na piguem, yem ỹataqta qui'itta lanataqa' Ñim Lo'onatac 'Enauacna.

Salmos 11:4

Qaq Ñim Nataxala' qalaq hueta'a añi qui'itta lalamaqte atamnaxaqui, Ñim Nataxala' qalaq netaña ca nso'onqa' na piguem, nache saishet da nqachegoxoyiñi naqa'en naua la'ai'te, da nauaatac na shiỹaxauapi.

Salmos 142:3

Naxa da mashe qaica ca ỹa'añaxac, qalaq 'Am Nataxala', aỹem 'auachaxana so nqa'aic, cha'aye so nqa'aic maye shectague' qoỹanangui aso nqoinapi.

Salmos 143:5

Qaq tachigui iuel soua hua'au' vi'iye, nache seuennataxaateguelec 'enauac nam 'auo'otpi co'ollaxa, qataq 'enauac na lo'onatacpi naua 'arhua'q.

Salmos 18:6

Qaq co'ollaq souaigui da iuogoxo nache seỹaxana Ñim Nataxala', seỹaxanot da aỹem itauan Ñim Lo'onatac 'Enauacna, qaq Ñimaye aỹem hua'axaỹa co'ollaq huaña añi atamnaxaqui maye lalamaqte, cha'aye da ỹa'alaxac ishet da ivira'a da hua'axaỹa Ñimaye.

Salmos 20:7

Huo'o na pe'etega ana nnotaxaqui maye nalaataxaqui, qataq huo'o na pe'etega na lalo caipi, qomi' qalaxaye sepia'aqtega Ñim Nataxala' maye Qanatamnaxala'.

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Salmos 27:13

Cha'aye aỹem ỹataqta saỹateeta da ñauane' qome da lchoxonnataxanaxa Ñim Nataxala' da ñaq soota'a ana 'alhua maye netalec nam huo'o da lca'alaxa.

Salmos 42:11

Qaq ¿ta'ainec taxa da seqalvi? Qataq ¿ta'ainec taxa da huo'o da iuogoxo? Ye da ñaquitaxac mashe sacheto'ot Ñim Lo'onatac 'Enauacna, qaq Ñimaye nache shecto'ot da sho'oxoreetac. Ñim Ñatamnaxala' qataq ica'alaxaqui.

Salmos 42:5

Qaq ¿ta'ainec taxa da seqalvi? Qataq ¿ta'ainec taxa da huo'o da iuogoxo? Ye da ñaquitaxac mashe sacheto'ot Ñim Lo'onatac 'Enauacna, qaq Ñimaye nache shecto'ot da sho'oxoreetac. Ñim Ñatamnaxala' qataq ica'alaxaqui.

Salmos 43:5

Qaq ¿ta'ainco' taxa da seqalvi? ¿Ta'ainco' taxa da huo'o da iuogoxo? Cha'aye da ñaquitaxac mashe sacheto'ot Ñim Lo'onatac 'Enauacna, qaq Ñimaye ñaq shecto'ot da sho'oxoreetac. Ñimaye maye Ñatamnaxala' qataq ica'alaxaqui.

Salmos 65:4

Ỹataqta machiguiñi ca shiỹaxaua maye 'arca'aguishec, nache 'anauegueuo da yaqto' 'am saqaỹapeque naqa'en, hueta'a ca nanataqa' aca atamnaxaqui. Nache qaica ca seuenaqtac da souaqta'a ye 'arma', yem qui'itta atamnaqa'.

Isaías 38:17

Dam sootaigui co'ollaxa lta'araic ñequi'icỹaxac qalaq nmeneguet nagui da huo'o da ilagaxayec. 'Am aỹem 'anca'alaxateeguesop añi huachiqui maye nlaxaañi 'enauacna, cha'aye 'auapalaxat 'enauac na ỹasouaxashetpi.

Isaías 50:10

Qaq qami' maye huo'o naq 'enec qanqa'aiñi Ñim Nataxala' qataq qana'axaỹaxañiitega dam lavilỹaxac nam lamaxashec Ñimaye: da qoquiitaigui na napalaxa maye qaica ca le'eraxa maye ỹo'ot da yo'oqchiguiñi, qaq no'on da qauauo'oi ca qarpi'iỹaxaqui Ñim Nataxala' qataq qoviilec Ñim Lo'onatac 'Enauacna.

Jonás 2:4

Nache tachigui iuel da mashe aỹem 'aualat, qataq sepeta'a da saishet da she'eguelaxa da sootaigui añi 'aralamaqte atamnaxaqui.

Miqueas 1:2

Ñaq qana'axaỹaxañiỹa de'era, 'enauac qami' nhuo' le'ecpi, qataq 'enauac qami' shiỹaxauapi maye qoñeetalec ne'ena 'alhua, Ñim Nataxala', maye netaña añi lalamaqte qui'itta atamnaxaqui, nacheñi ñim da'aqtaxan qome da qami' dataỹa'agueta.

Habacuc 2:20

Qalaxaye Ñim Nataxala' qalaq netaigui añim qui'itta lalamaqte atamnaxaqui. ¡Qaq de'enaxaatai' qome da datato'ot Ñimaye, 'enauac nam netalec ana 'alhua!

Hebreos 12:3

Qaq ỹoqo'oye qami' qauennataxañiilec da lataxac So Jesús. Qalota so shiỹaxauapi 'etaxaloxoicpi nquiỹa qataq ỹauo'o da nque'eenaxac, qalaxaye Somaye nache queta. Qaq ỹoqo'oye qami' saishet da qanañañi qataq saishet da qaica ca qara'añaxaqui,

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',