Jonás 2:2 - La'aqtaqa Ñim Lo'onatac 'Enauacna 2013

² nache 'eeta': «Co'ollaq sootapoigui da ñeque'eenaxac, nache 'am seỹaxanot 'Am Nataxala', nache aỹem 'auasateguet, co'ollaq sootangui añi huachiqui, qaq 'am ñachoxonnot nache aỹem 'aua'axaỹa.

Toba del Oeste

² qama'le enaac: «Male am ñachoĝodetapecot, am Jaliaĝanec, da'me 'uo da'me yachoĝodec, qama'le jayem auomachiya. Jeda'me joueta'ña di'me 'lachaqa' da'me neleuaĝa, jo'ne qaya'añgui, chane'eja da'me am jiyaĝana qama'le ua'a da'me jayem alecochiya.

Jonás 2:2 Iomraidhean Croise

2 Crónicas 33:12

Qalaxaye somaye co'ollaq huo'o da lhuogoxo, nache iỹaxanot Ñim Nataxala' maye Natamnaxala', nache ỹataqta nmanot Ñim Natamnaxala' som hua'au lta'alpi.

Salmos 116:3

So lcoñetaxanaxat da nleuaxa qalaq mashe aỹem lpachigui, qataq mashe aỹem loxonec da ỹachetataic souaxat añi huachiqui, qataq sevireguet da icolanaxa qataq da ñiqui'ic.

Salmos 120:1

Co'ollaq souaigui da iuogoxo, nache seỹaxanot Ñim Nataxala', nache Ñimaye aỹem ỹasateguet.

Salmos 16:10

cha'aye da ñachaalataxac saishet da 'ano'onaxatangui aca huachiqui, qataq saishet da 'aualatangui aca nshere ne'ena 'aramaxashec.

Salmos 22:24

Cha'aye Ñimaye saishet da huo'o ca ỹo'otan, huo'otaq da sa iqocha'a da nque'eenaxac ca choxoraq, qataq saishet da nqañoxocheesop camaye, nda'a't da hua'axaỹa camaye da iỹaxanaique ca ntaunaguec.

Salmos 34:6

Qaq ne'ena choxoraq deỹaxan co'ollaxa, nache Ñim Nataxala' hua'axaỹa, nache isoueeguesop 'enauac da laquicoxo.

Salmos 4:1

'Am Ñatamnaxala' qataq 'am ipaqtaxanaxat, ñaq aỹem 'auasateguet da 'am seỹaxanot, cha'aye co'ollaq huo'o so ñiqui'ic nache aỹem 'aỹa'anem da sasattec, ñaq aỹem 'auchoxoren qome qataq 'aua'axaỹa da ñatamnaxac.

Salmos 61:2

Aỹem soota'a na pa'atec ana 'alhua da seỹaxaatac, cha'aye añi iquiyaqte mashe qaica ca la'añaxac, qaq aỹem 'anca'alaxatec qome, nache aỹem 'aỹa'analec aca qaỹoqotcheguemec coma',

Salmos 65:2

cha'aye 'aua'axaỹa da qouagaxaunaxac. 'Enauac na huetalec ana 'alhua 'am natapegueua'a.

Salmos 86:13

Cha'aye ỹataqta lta'araic da 'arauotaxanaqtaic da sheeta, ỹoqo'oye aỹem 'anca'alaxateeguesop añi huachiqui.

Isaías 14:9

Nam pa'aguiñi qalaq ỹe'elaxa't na leuaxaicpi, nache nnoxoosheguem da 'am ca'atta'aguet. Na lpaqal na leuaxaicpi qalaq nlouec, nam nataxala'pi co'ollaxa ana 'alhua qalaq ñesheguem da 'am ca'atta'aguet, qataq 'enauac nam lta'alpi co'ollaxa na nhuo' le'ecpi ñesheguem ca'ai ana nso'onaxaquipi.

Lamentaciones 3:55

Aỹem seỹaxana da 'are'enaxat 'Am Nataxala', co'ollaq sootaña na pa'aguiñi añi ỹataqta qaỹoqchiguingui nshere,

Ezequiel 26:20

nache 'aviraña cam hueta'a nam leuaxaicpi, maye nacheso som hua'au shiỹaxauapi. 'Am sasaxaña qome cam ỹataqta pa'aguiñi ana 'alhua, cam 'alhua maye chochaq tatec da toolec, nache 'aualectaigui qome som mashe ileupi co'ollaxa. Nache saishet qome da 'avi'eguelaxa da qaltaq 'am qanayeetalec, qataq saishet da qaltaq 'am qano'oxoosheguem, da qouetalec na na'alhua nam nca'altauecpi.

Ezequiel 31:14

Qaq huaña nache qaca aca qo'oipaq da nquictasheguem da lañaxataxac, na'aictaxa da hueto'ot na loigue ca 'etaxat qataq na'aictaxa da qaicottalec, qalaxaye saishet da ishet da iviro'ot na lsheenec na lo'oc na piguem. Cha'aye 'enauac da taỹa'a da ileu, nache taña na ỹataqta pa'aguiñi na 'alhua, da yaqto' ỹalecta'aguet na mashe huetangui ana huachiqui.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Lucas 11:10

Cha'aye cam pi'iỹa'a Ñim Lo'onatac 'Enauacna, nache ỹaconeguet cam iỹaxaataique, qataq ỹanata cam nmittaique, qataq da deỹaxan qalaq qaiqoche'eguet.

Lucas 22:44

Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Hechos 2:27

Cha'aye 'am saishet da Aỹem 'aualataña cam laponqa' na leuaxaicpi, qataq saishet da 'auasheetem da nlaguiñi da lo'ocỹaxac nam 'aramaxashec maye 'arauotaxat.

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

1 Samuel 1:16

Qaq 'am saishet qome da 'arhuennataxac da aỹem 'etaxaloxoi, cha'aye aỹem ñeqouagaxaueetacot Ñim Nataxala', cha'aye aỹem ỹataqta lta'araic da ỹaquicoxo qataq da iuogoxo.»

1 Samuel 30:6

Qaq so David ỹataqta huo'o da lhuogoxo co'ollaxa, cha'aye so nalleppi huotaique da imalec somaye da irolec na coma' da ỹasaq, cha'aye ỹataqta lta'araic da nqui'ic, souaxat de'era huaigui so llalaqpi ỹalleppi qataq so 'alpi. Qalaxaye somaye huo'o da la'añaxac chegoqo'ot Ñim Nataxala' maye Natamnaxala',