Jonás 1:9 - La'aqtaqa Ñim Lo'onatac 'Enauacna 2013

⁹ Nache so Jonás, 'enapeco': «Aỹem hebreo le'ec, qaq huo'o naq 'enec ñaqa'en Ñim Nataxala', maye lo'onatac na piguem, auaxai qataq ana 'alhua.»

Toba del Oeste

⁹ Jonás 'yategueta jogaa'me jo'ne yenatetedac, qama'le enaac: «Jayem hebreo le'ec, nataq'aen da'me naqayem ja'uo nemaĝac jo'ne chiyaqayi joñe'me Jaliaĝanec, ñe'me Ñedios jo'ne na'ague di'me piyem, ñe'me jo'ne 'lonatac jena'me aleua, choqona'me noĝop; ñe'me jo'ne te'me jajo'yem.»

Jonás 1:9 Iomraidhean Croise

Génesis 1:10

Nache Ñim Lo'onatac 'Enauacna na lqaxaỹaxa le'enaxat naqa'en da «'alhua», qaq na laponqa' na 'etaxat le'enaxat naqa'en «auaxai.» Qaq Ñimaye ila'a da 'enauac ỹaỹamaqchiguiñi.

Génesis 14:13

Qalaxaye huo'o so ỹale maye qoỹet co'ollaxa, somaye da'aqtaxanem co'ollaxa 'enauac de'era so Abram som hebreo le'ec, maye netaña yem huaña aso qo'oipaqpi le'enaxat encina, maye lalamaxat so Mamre, som amorreo le'ec. Qaq so Mamre nache lqaỹa so Escol, qataq so Aner, qaq soomaye nache huaqtapeegueta naxa so Abram.

Génesis 24:7

Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.

Génesis 39:14

nache asomaye iỹaxaneuga so namaxashecpi maye hueta'a se'eso nma', nache 'enapego', 'eeta': «Ña qauloỹa som hebreo maye nauegueuo so ihua, somaye anac da qomi' ỹi'inai'salo. Somaye aỹem nnoxoneua'a, nache huotaique da aỹem lauañi', qalaxaye aỹem ña'axannec da ỹa'alaxac.

2 Reyes 17:25

Qalaxaye souaxat da se'eso shiỹaxauapi saishet da natameetacot Ñim Nataxala' co'ollaq nalec yi'iye 'alhua, nache Ñim Nataxala' namaxa somayepi so llonpi, nache se'eso shiguiỹacpi huo'o co'ollaxa so ỹalauat somayepi.

2 Reyes 17:28

Nache huo'o som 'oonolec som ntaxaỹaxanaxanecpi maye qaỹachegoxota'a co'ollaxa ye Samaria, somaye jec, nache naña ye Betel, nache ỹapaxaguenec co'ollaxa da lataxac da qanatamnot Ñim Nataxala'.

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Esdras 5:11

Nache qomi' ỹasategueta, 'eeta': ‹Qomi' lamaxa'she Ñim Lo'onatac 'Enauacna maye ilotague' na piguem qataq ana 'alhua, qaltaq ño'oxonaqtapiguisheguem ana atamnaxaqui maye mashe qaỹoqtegue so vi'i da no'oxoosheguem co'ollaxa so ỹataqta 'amaqtaqaic lta'a so Israel le'ecpi.

Nehemías 1:4

Qaq can sa'aqchigui de'era nache ñeso'ooñi da ñeỹen, nache huo'oi soua na'axa'te da huo'o da ỹaquicoxo qataq ñeqouaqchet, qataq ñatameetacot Ñim Lo'onatac 'Enauacna maye ilotague' na piguem.

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

Nehemías 9:6

Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.

Da na'aqtaguec so Job 1:9

Qalaxaye som Pa'aguenataxanaxaic, 'enapeco': «Qaica ca choche vichiguiñi da ỹataqta 'Am ỹalaxaguet.

Salmos 136:26

Qaỹa'añiỹot qome da qana'achecỹaxaqui Ñim Lo'onatac 'Enauacna maye neto'ot na piguem, cha'aye da lauotaxanaqtaic chochaq tatec.

Éxodo 1:15

Qaq yi'iye 'alhua Egipto nataqa'en huo'oi soua dos 'alo hebreo lashe maye itauaatrac naxa ana Israel lashepi da ivita da deco'o nache nvigoqtrapiguiñi, qaq da le'enaxat aso 'oonole Sifra qaq aso lỹa Púa. Qaq so nta'a iỹaxanalo co'ollaxa nache 'enapegalo', 'eeta':

Éxodo 2:13

Qaq so lỹa na'a'q qaltaq ỹe'eguelaxauec, nache ilaleguete soua dos hebreo lashe' da maiche nhuaxaatega't. Nache inattaco' som iuaxaatac so lỹa, 'eeta': «¿Ta'ainco' ye 'auaxaatac da maiche 'aralamaxat 'arhuo' le'ec?»

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Hechos 27:23

Shecpe aỹem nachaxana so chegaqasheguem lamaxashec Ñim Lo'onatac 'Enauacna maye sooto'ot qataq so'onataxaatacot.

Filipenses 3:5

Cha'aye aỹem co'ollaq mashe sevi' soua ocho na'axa'te da ñañiguiñi, nache qaỹauo'o so la'anaxat na ỹo'oc, cha'aye aỹem ỹataqta ỹalamaxat ihuo' na Israel le'ecpi, sachegoxoigui na llalaqpi so Benjamín, aỹem hebreo le'ec, ñapacalec nam ỹataqta qalota maye 'eetega naxa da hebreo le'ecpi. Da ỹataxac aỹem fariseo le'ec, cha'aye shecteguelo naua nqataxaco maye chegoqo'oto so Moisés.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»