Jonás 1:4 - La'aqtaqa Ñim Lo'onatac 'Enauacna 2013

⁴ Qalaxaye Ñim Nataxala', anacot so la'at lta'araic ỹasheerelec naqa'en aso auaxai, qaq cha'aye ỹataqta lta'araic se'eso la'at, nache 'eeta'am da huotaique dolagui naqa'en aso notaxaqui.

Toba del Oeste

⁴ Mane'e da'me male joote tañgui joga'me ñache let'a jaga'me licota, qama'le joñe'me Jaliaĝanec en yajediñe jo'me layat jo'ne vichaĝaguet. Chane'eja male ne'uojeguem jena'me noĝop, qama'le yamta'le yolaĝachigui jaga'me licota.

Jonás 1:4 Iomraidhean Croise

Salmos 135:6

Ñim Nataxala', maichiñi da ỹo'ot co'ollaxa 'enauac nam huotaique da ỹo'ot, nam hueto'ot na piguem qataq nam huetalec ana 'alhua, qataq na huetangui aso auaxai, qataq na ỹataqta qaỹoqchiguiña asomaye.

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Salmos 148:8

Qataq na nqashelgaxa, lache, aloñi qataq na sheue, qataq na lta'araic la'at maye ỹalaxaguet da namaxasaguec.

Éxodo 10:13

Nache so Moisés, ỹachaxaasheguem aso lashelte, naloqteetelec naqa'en ye Egipto. Nache Ñim Nataxala' anacot so la'at, chegaqa'ague da nala' lliguisheguem, nache anactac se'eso na'a'q qataq imauec so 'oonolec pe. Qaq so lỹa na'a'q, nache se'eso la'at maye chegaqa'ague da nala' lliguisheguem, anacot aso shiiquioxoipi.

Éxodo 10:19

Nache Ñim Nataxala' ỹashaxanec so la'at, chegaqa'ague naqa'en da avit so la'at lta'araic. Nache ỹache naqa'en aso shiiquioxoipi, ỹasaxangui aso auaxai togaxarai. Nache saishet da no'onañi naqa'en aca 'oonole shiiquioxoi 'enauac ye Egipto.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Éxodo 15:10

Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Jeremías 51:16

Ñimaye da detaqa, nache ỹo'ot da dellimigui na 'etaxat na piguem, qataq naỹoxoosheguem naqa'en na lo'oc na piguem chegoqchiguiña naqa'en naua loga'te ana 'alhua, qataq ỹo'ot na nqashelgaxa da huetaigui naqa'en na auot qataq anacot na la'at ỹachegoxotchiguiña cam laponqa' namaye.

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

Números 11:31

Ñim Nataxala' anac naqa'en so la'at lta'araic, chegaqangui aso auaxai, nache nactaigui naqa'en so ỹataqta qalota dachemipi. Nache talec naqa'en so saqaỹapeque so nanataqa', qaq ye lcachiguiñi so huaña so dachemipi ivi', 'oonolec na'a'q da qanayectalec, nache so dachemipi lapootasheguem, ivi' ye un metro ye loquitcheguema.