Jonás 1:3 - La'aqtaqa Ñim Lo'onatac 'Enauacna 2013

³ Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.

Toba del Oeste

³ Qalaĝaja ñe'me Jonás da'me ja jetaque yoqo'cha da'me jo'ne qoyamaĝalegue, qama'le yelaque ga'me jo'ne jetaque ta'ya da'me male dajo'yem joñe'me Jaliaĝanec. Chane'eja yec'ata di'me noic jo'ne Jope 'me nedapi'ña gaa'me licotal. Qama'le naqaedi 'me ua'a da'me male yauana jaga'me licota jo'ne male yovita da'me laloqo' da'me jetaque ec, dajoyi di'me noic jo'ne Tarsis. Chane'eja ñe'me Jonás da'me yem da'me ecot jajo'me lenotaĝaiqui, qama'le nañgui jajo'me licota da'me male ec, qaedi yec'ata jodi'me Tarsis, qa'a etapega naq'aeta da'me dajo'yem joñe'me Jaliaĝanec.

Jonás 1:3 Iomraidhean Croise

Génesis 3:8

Qaq so ỹale qataq aso 'alo, co'ollaq hua'axaira'aguet Ñim Lo'onatac 'Enauacna da coleetapeguelec so nanqa' ana nañiguishepi, quetaigui so la'at atomteguet so avit, nache soomaye nqañoxooyiñi co'ollaxa, taroigui so qo'oipaqsat se'eso nanaxanaqa'.

Génesis 4:16

Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

1 Reyes 19:3

Qaq so Elías co'ollaq ỹaỹaten de'era, nache ỹataqta ñi'i, nache datauec taỹa ye Berseba maye huaigui ye 'alhua Judá, qaq huaña yemaye nache icotanaña so lamaxashec.

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

2 Crónicas 2:15

Qaq ỹoqo'oye nagui 'am ỹataxala', 'anamaxa qome na 'aramaxashecpi ca trigo, cebada, aceite qataq cam lataxa maye 'auachaxanapec.

2 Crónicas 2:16

Qaq qomi' nache sechegaq qome ana 'epaqpi ye Líbano, maiche acam lcata acam 'auen nache 'am seroxota, sachaqangui qome ana notaxaqui maye quiguingui na 'etaxat da tateua'a ñaqa'enaq ye Jope. Qaq 'am, maiche qouapegue' da qaira'a ye Jerusalén.»

2 Crónicas 9:21

Cha'aye aso notaxaquipi da qanayiguingui 'etaxat maye lalamaqtepi so nta'a Salomón, maye taỹa naxa ye Tarsis, nache netangui so lamaxashecpi so Jirán, nache 'oonolec naxa da nvi' da inoxoorec yeua tres vi'iye, nache nachetac na oro, plata, marfil, huoỹempi, qataq na polalopi.

Esdras 3:7

Ime, nache qoỹanem aso nsheetenaqte so nỹec lo'opi qataq so qo'oipaq lo'opi. Qaq so lma' ye Sidón qataq ye Tiro qalaq qoỹanem so nallec, qataq so nỹomaxat lataxa qataq so aceite, da yaqto' ndoi' so qo'oipaqpi cedro da ỹachangui aso nnotaxaquipi da quetangui aso auaxai, ỹachegoxotchiguiña ye Líbano, nache nvitta'ata naqa'en so notaqa' maye le'enaxat da Jope, cha'aye nachera da la'aqtac so Ciro, maye nta'a ye Persia.

Da na'aqtaguec so Job 1:12

Nache Ñim Nataxala' 'enapego' so Pa'aguenataxanaxaic, 'eeta': «Hua', ỹaỹamaqchiguiñi, maiche 'oiqueetac qome ca qoneta'ac 'enauac na hueto'otpi ca Job, qalaxaye saishet qome da huo'o ca 'auo'otec sa ỹaỹamaxañi da nachaalataxac camaye.» Huaña nache so Pa'aguenataxanaxaic, ca'ai Ñim Nataxala'.

Da na'aqtaguec so Job 2:7

Nache so Pa'aguenataxanaxaic ca'ai Ñim Nataxala', nache namaxa so Job, so nalolaxa maye nchega naqa'en na lo'oc, nache ỹataqta imoota 'enauac da lo'ocỹaxac.

Salmos 107:23

Qataq huo'o co'ollaxa so ỹo'ot ana nnotaxaquipi da quiguingui aso auaxai, da yaqto' imen na lmenec da huetangui na qalota 'etaxat,

Isaías 2:16

qataq dataỹa'aguet 'enauac nam 'eetega 'eeta'am ana notaxaquipi da qanayiguingui na 'etaxat maye chegaqa'a ye Tarsis, huo'otaq ana notaxaquipi maye ỹataqta huo'o da lyac.

Isaías 23:1

Da na'aqtac da qaỹa'axata'a dam talec qome ye Tiro. Ña qanỹeñi qami' notaxaquipi ye Tarsis, cha'aye mashe nlaguiñi na nỹecpi qataq yem ñegueta. Qataq chegoqchiguiña ye Chipre da qara'axaỹaxaqui maye qami' nvitalo.

Isaías 23:10

Qami' nhuo' le'ecpi maye qarma'ai ye Tarsis qauo'oche qome na qana'alhuai, cha'aye mashe qaica so no'onataqa' ana notaxaquipi maye quelec naxa na 'etaxat.

Isaías 23:6

Nache 'enapec qome: «Qanqo'oñiỹa qome ye Tarsis, yaqto' qanỹeñi, qami' maye qoñiitaña na loigue.»

Isaías 60:9

Qomye nachana anam notaxaquipi da qanayiguingui na 'etaxat anam nnaictega'tpi, na'autec ana nnotaxaqui na lma' ye Tarsis, nachetac na 'aỹa'alaqpi maye ỹachegoxota'a cam qaỹoqta, qataq na lcat oro qataq na lcat plata, da yaqto' ỹo'oxoren Ñim 'Arataxala' maye Qui'itta Natamnaxala' na Israel le'ecpi maye ỹo'ot da 'ayo'oxoyec.

Jeremías 10:9

Nam natamnaxala'pi qalaq nda'a't na lcat plata maye ỹachegoxota'a ye Tarsis qataq na oro maye ỹachegoxota'a ye Ufaz, nam lo'onatacpi nam ne'enaqtac lo'opi qataq na lcat lo'opi, qataq ỹaatañi qanqa'en ana npoto maye imalaqalec qataq togaxaraic, qaq 'enauac namayepi lo'onatac nam sa nqalaate' da huo'o na ỹe'enaxat.

Ezequiel 2:8

Qaq ỹoqo'oye 'ana'axaỹaxaachigui dam ỹa'aqtac, qaq saishet qome da sa 'aualaq da qoneta'am namayepi. Ñaq 'auauachigui na 'ap nache qollec nam 'am sanem.»

Ezequiel 27:12

Qaq ỹataqta logosheguem co'ollaxa so 'arsallaxa, nache ye Tarsis 'am nmeetague' co'ollaxa, qaq nmeneguet naxa na 'armenecpi ana alom plata, lcat, estaño, qataq na plomo.

Ezequiel 3:14

Qaq huaña nache da la'añaxac Ñim Nataxala' aỹem nachaalataxaañi, nache aỹem nqateeguesop yemaye, qaq aỹem ashec qalaxaye ỹataqta saquico, qataq qaica ca ỹamaic, qaq Ñim Nataxala' nache queto'ot da aỹem nllechiguiñi na lhuaq.

Jonás 1:10

Qaq co'ollaq hua'axaỹa de'era so notaxaqui lo'opi nache nquictec da lli'iỹaxa, souaxat de'era la'aqtaxanaxac so Jonás, da ỹa'axattac da dataueeguesop Ñim Nataxala', nache 'enapego' somaye, 'eeta': «¿Ta'ainco' da 'auo'ot de'era?»

Jonás 4:2

Ỹoqo'oye natamnot Ñim Nataxala', 'eeta': «¡Aicoue, 'Am Nataxala'! 'Era da sheetega co'ollaq soota'a ye ña'alhua, ỹoqo'oye huac da satauec da saỹa ye Tarsis, cha'aye saỹaten da 'Am maye 'Aro'onatac 'Enauacna, qaỹoqchiguinguit da 'aralemataic, cha'aye 'am soxoraic, choxonnataxanaxaic, huotaxanaqtaqaic, qataq ishet da 'anaralaxat ca 'arhuennataxac da sa 'aupaguelec cam qauem maye 'autaxaỹa da 'auo'ot.

Lucas 9:62

Nache So Jesús 'enapego' 'eeta': –Saishet da ỹaỹamaxañi da qanayeetaigui da lo'onataxanaxac Ñim Lo'onatac 'Enauacna, nache qaỹe'enaxat dam qauem lataxac ca ỹale maye ỹo'ottac na 'alhua. Cha'aye ca na'ayisheguem ca na'alhua da namata'ague na l-laq, nache ca lo'onatac camaye ỹataqta namaxagui.

Hechos 15:38

Qalaxaye so Pablo sa ỹaỹamaxaren da ỹoltaq ỹauec somaye, cha'aye mashe no'onaxatchiguilo co'ollaq huaña ye Panfilia, cha'aye saishet da ỹaỹamaxaren da queto'ot da lo'onataxanaxau'.

Hechos 26:19

Qaq ỹoqo'oye, 'am ita'a Agripa, aỹem saishet co'ollaxa da sa salaxaguet de'era ỹauanaqchec maye chegoqo'ot na piguem.

Hechos 9:36

Qaq se'eso ñegaxasom ye nỹecpi ye Jope, huo'o aso ỹa'amaqten So Jesús, asomaye naua judío la'aqtaqa le'enaxat Tabitá, qaq naua griego la'aqtaqa Dorcas. (De'era ne'enaxat naigui da ñi'imshe.) Asa'aso 'alo ỹataqta no'on da lo'onataxanaxac, qataq itauaatac na choxoraqpi.

Hechos 9:38

Qaq yi'iye Jope, nache saqaỹapeque ye Lida yem hueta'a so Pedro. Nache som 'amqaanataxanaxaicpi co'ollaq la'axaỹaxac somaye da hueta'a yemaye, nache qaỹamaxalo soua dos ỹale't da 'enapega, 'eeta': –Qomi' 'anqouagueque da sa 'anaỹaloxon da 'ananaỹa na nỹecpi na Jope.

Hechos 9:42

Qaq de'era 'enauac nam netaña ye nỹecpi ye Jope ỹaỹaten, nache ỹataqta qalota na ỹa'amaqten So Qarataxala'.

Hechos 9:43

Nache so Pedro ỹataqta huo'oi soua na'axa'te da hueta'a ye Jope, netaña ca lma' so le'enaxat Simón, lo'oc lo'o.

1 Corintios 9:16

Da sa'axattac da no'on na'axaỹaxac, qaq saishet da sauotaique da aỹem ỹo'oxoraq. So'ot damaye, cha'aye aỹem ỹamaxalec Ñim Lo'onatac 'Enauacna. Qaq ¡choxoraicolec aỹem da saishet da so'ot damaye!

2 Ts 1:9

Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

Josué 19:46

Mejarcón qataq ye Racón, nataqa'en so 'alhuapi maye nalotta ye Jope.