Jonás 1:2 - La'aqtaqa Ñim Lo'onatac 'Enauacna 2013

² «'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

Toba del Oeste

² «Oc nayi, auec'ata di'me noic let'adaic 'me Nínive, qaedi a'uaqataĝanem da'me qomle qama'le jolaĝachigui, qa'a chayovida'a da'me jayem novidaje'ma da'me 'naqataĝanaĝac, da'me ya'uo jo'ne ja no'en.»

Jonás 1:2 Iomraidhean Croise

Génesis 10:11

Qaq nache chegoqchiguiña co'ollaxa yi'iye 'alhua da nqo'ona ye Asiria. Qaq nache huaña yemaye da no'oxoosheguem so Nínive, Rejobot, Calaj,

2 Reyes 19:36

Huaña nache so Senaquerib, maye nta'a ye Asiria, nqat so lpe'l, nache ỹe'eguelaxa ye Nínive.

2 Crónicas 28:9

Qalaxaye huo'o so la'aqtaxanaxanec Ñim Nataxala', le'enaxat Obed, maye ca'ata'aguet so alleppi co'ollaq mashe inoxooteua'a ye Samaria, nache 'enapega, 'eeta': Ñim Nataxala' maye Natamnaxala' so hua'au qarta'ailpi, dalemataỹa na Judá le'ecpi, ỹoqo'oye ỹaneguet namayepi da qarhuaqỹaxaqui, qalaxaye qami' qaualauache, qauroilec da ỹataqta lta'araic qarayeloxoi maye iviro'ot na piguem.

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Isaías 37:37

Qaq huaña nache so Senaquirib maye nta'a ye Asiria, nqat so lpe'l, nache jec ỹe'eguelaxa ye Nínive qaq nache naña yemaye.

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Ezequiel 2:7

Qalaxaye 'am, 'aua'aqtaxanem qome namayepi naua ỹa'aqtaqa, saiuena'a da 'am ỹalaxaguet huo'otaq saishet, cha'aye namayepi ỹataqta saỹalaq.

Oseas 7:2

Nache saishet da tagui lauel da Aỹem ñetoueeta'ac 'enauac nam qauem maye ỹo'otpi. Qaq nagui qalaq coleesop nam maiche ỹo'ottacpi maye qauem, nam nache 'eetai' naxa da semeteetac.

Jonás 3:2

«'Aue, 'anqo'ona ye 'amaqtaqaic huaqta'a't nỹecpi ye Nínive, nache 'aua'axat da ỹa'aqtac maye 'am sanem qome.»

Jonás 3:3

Nache so Jonás taỹa ye Nínive, ỹalaxaguet da la'aqtac Ñim Nataxala'. Qaq ye huaqta'a't nỹecpi ye Nínive, yemaye ỹataqta qalochiguiñi, ỹoqo'oye da qanayiigui nache ivi' naua tres na'axa'te, nache ishet da qaiviraxatec.

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

Miqueas 3:8

Qaq aỹem Miqueas, ỹataqta aỹem nlaqchigui so Saqcha'a La'añaxac Ñim Nataxala', Ñimaye aỹem ỹanem da ỹa'añaxac, qataq da nalochiguiñi lataxac, nache saishet da leetapigui ye iuel da seviraxato'ot na Israel le'ecpi, souaxat na lasouaxashetpi qataq da sa ỹalaq.

Nahúm 1:1

Ana nere maye huetalec da lauanaqchec so Nahúm maye lma' ye Elcos. Qaq 'era da na'aqtac maye taỹa'a ye huaqta'a't nỹecpi ye Nínive.

Nahúm 3:19

¡Qataq qaica ca lata' da 'aracagaxa, qataq saishet da qanataren da 'arque'emaxa! Qaq 'enauac nam ỹaỹaten de'era qauem maye qouaigui, namayepi ỹataqta iuaxana't naua lhua'q da ntonaxac, cha'aye, ¿negue't cam sa nque'etaxangui nam chochaq tatec qauem maye 'auo'ottacpi co'ollaxa?

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Mateo 12:41

Qaq qom ivita da qanmit 'enauacna, nache so shiỹaxauapi maye lma' ye nỹecpi ye Nínive nachaañi qome da detaqa da qami' dataỹa'agueta, yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' na'aictaxa da qaua'aqaitega da ỹa'aqtaxanaxac, qalaxaye saishet da qanaralaxache da qarataxaqui, na'aictaxa da ỹactec da ỹa'amaqchec saq shena'am so Jonás.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Apocalipsis 18:5

Cha'aye ỹataqta qalota da lle'etaxaloxo, iviro'ot na piguem. ¡Qaq Ñim Lo'onatac 'Enauacna saishet da huo'o ca icoua'ai na lasouaxashetpi namayepi!