Jonás 1:16 - La'aqtaqa Ñim Lo'onatac 'Enauacna 2013

¹⁶ Qaq co'ollaq ỹauaachigui de'era somayepi, nache ỹataqta lta'araic naqa'en da 'enec Ñim Nataxala', nache ỹauo'o aso lachetaqtaxanaqte da ỹanot Ñimaye, qataq ỹan da la'aqtac da nache 'eetai' da natameetacot.

Toba del Oeste

¹⁶ Ca'li yauata jogaa'me licota lo'ol, qama'le male 'uo da'me let'adaic da'me nometeguet da'me 'nonaĝachedigui joñe'me Jaliaĝanec. Qama'le yauote ga'me lajaqaje'j jo'ne 'yaĝadetem queda'me en laloĝoqui da'me male 'uo da'me leuataqataĝanaĝa'j joñe'me Jaliaĝanec, nataq'aen 'naĝatetedapecot.

Jonás 1:16 Iomraidhean Croise

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

2 Reyes 5:17

Nache so Namán 'enapeco': Ña 'auasheetem taxa ne'ena 'aramaxashec da ỹache ca 'alhua laỹolec, maye sachegoxotaña na 'alhua na Israel, cam nalota'agueta da ỹache' naua dos mola. Cha'aye nache chegoqchiguiña nagui da ne'ena 'aramaxashec, da saishet qome da ỹe'eguelaxa da ỹaneuo aca lachetaqtaxanaqte ỹavigaxatta, huo'otaq ana laỹe nachetaqtaxanaqtepi da ỹanot na laỹepi atamnaxala'pi, maye nachaqñita qome Ñim Nataxala' da ỹanot.

Da na'aqtaguec so Job 37:24

Qaq ỹoqo'oye na shiỹaxauapi ỹataqta ñi'iỹa Ñimaye, cha'aye qaica ca naigui naqa'en, na 'eetega ỹaanaxanaxaicpi.»

Salmos 107:22

Qataq qaỹa'añiỹot ca qarachetaqtaxanaxache da qavio'oyiñi Ñimaye, qataq qauamaichiguiñi da qaua'axacheeuec na ỹo'otpi Ñimaye.

Salmos 116:14

Qataq sepacchiguilo qome naua ỹa'aqtaqa maye sanoto co'ollaxa Ñim Nataxala', ỹauaachigui ñaqa'en so nhuo' le'ecpi maye lalamaxatpi Ñimaye.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Eclesiastés 5:4

Da huo'o ca 'auachaxanapecot Ñim Lo'onatac 'Enauacna, qaq sa 'anaỹaloxon da 'aupaqueelec, cha'aye Ñimaye saỹaỹamaxaren nam qaica ca ỹaỹaanapec. Qaq 'aupaqueelec qome cam 'auachaxanapec,

Isaías 26:9

Qaq ỹataqta imauec ye pe da 'am seuennatega, qataq yem ỹataqta pa'auo ivilỹaxac 'am nmittaique. Qaq qom 'anmit ana 'alhua, nache na shiỹaxauapi ỹaỹaten qome da nalochiguiñi lataxac.

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Jonás 1:10

Qaq co'ollaq hua'axaỹa de'era so notaxaqui lo'opi nache nquictec da lli'iỹaxa, souaxat de'era la'aqtaxanaxac so Jonás, da ỹa'axattac da dataueeguesop Ñim Nataxala', nache 'enapego' somaye, 'eeta': «¿Ta'ainco' da 'auo'ot de'era?»

Jonás 1:14

Nache somayepi nachoxonnot Ñim Nataxala', 'eeta': «'Am Nataxala', 'am ñachoxonnaqot nagui da saishet da qomi' 'aualaua't, da sasouaxalec de'era shiỹaxaua, qataq saishet da qomi' 'aumataleguete da l-leuaxa damaye da qaica ca ỹasouaxat. Cha'aye 'Am Nataxala', nache 'am maye 'aro'onatac de'era.»

Marcos 4:31

Damaye, 'eeta'am aca ala ana mostaza da ỹaañi cam ỹo'ottac na 'alhua. Qaq na'aictaxa da acamaye ỹataqta qaica ca la'amaqchec, saq 'ena'am ana laỹepi nañiguishe ala ana 'alhua,

Hechos 5:11

Nache 'enauac nam shiỹaxauapi maye ỹa'amaqten So Jesús qataq 'enauac na laỹepi shiỹaxauapi co'ollaq ỹaỹaten de'era, nache ỹataqta qalota da lcolanaxa.

Jueces 13:16

Qalaxaye so nale piguem le'ec Ñim Nataxala', 'enapec: Na'aictoxo' da soua'a ne'ena, qalaxaye sa seshet da sachec cam nallec maye 'auo'ot. Qalaxaye ishet da 'arachetaqtaxanaxat 'auavigaxatta que'eca quetaq llalec, da 'aỹa'anot Ñim Nataxala'.