Joel 3:9 - La'aqtaqa Ñim Lo'onatac 'Enauacna 2013

⁹ Qaq ỹataqta qaua'aqtaxañim qome de'era nam ỹotta'a't shiỹaxauapi, qataq qaua'axache qome da huo'o ca alaataxac, nache qoñiỹapega da anac qome na 'añaxaicpi, qataq naỹamaxat qome da yaqto' nalat 'enauac nam ỹalleppi maye ỹataqta alaataxaicpi.

Toba del Oeste

⁹ Nach'ena jenjo' a'uaĝachitapema yema jena'me aleua laje'pi: ¡A'uaĝachi da'me qoya'uo qomle joga'me nalada't! ¡Aviyaĝañiyalo jogaa'me yataqata 'uañaĝayaqa: 'noota qom niyamaĝate'tape, qama'le natequena qomle!

Joel 3:9 Iomraidhean Croise

Salmos 96:10

Qataq qaua'aqtaxañim qome na ỹotta'a't shiỹaxauapi da: «Ñim Nataxala' nacheñi ñi Nta'a.» Ñimaye ỹa'ayiñi co'ollaxa ana 'alhua, da yaqto' saishet da deraỹai', qataq 'eeta'a't naqa'en da nmit na nhuo' le'ecpi.

Isaías 34:1

Ña qanquiquiiuo qami' ỹotta'a't shiỹaxauapi nache qana'axaỹaxañi, qataq qami' nhuo' le'ecpi ỹataqta qana'axaỹaxañiichiguiñi qome. Ña na'axaỹaxan qome ana 'alhua qataq na huetalecpi anamaye, anam 'alhua qataq 'enauac nam ñaxattalecpi anamaye.

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Jeremías 50:2

«Qaua'axachem qome de'era nam ỹotta'a't shiỹaxauapi. Qanauaxaỹaxañiisheguem qome aca la'anaqte, qaua'axacheeuec saishet da qo'oxocheetañi, nacherata da qoñeeta': ‹¡Ye Babilonia noxonec qome! ¡Ñi atamnaxala' Bel qalaq huo'o qome da la'aloxo, qaq ñi atamnaxala' Marduc qalaq nlaqchigui da lcolanaxa! ¡Nam lqolacpi qataq na saq'en natamnaxala'pi qalaq qane'eetapigui qataq nlaqchigui da lli'iỹaxa!›

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Jeremías 51:27

Qaỹa'añiỹasheguem aca qara'anaxanaxache ne'ena 'alhua. Qauashiiyigui ana qarasheerei, qataq naỹamaxat qanqa'eñi 'enauac na ỹotta'at shiỹaxauapi da yaqto' qauloquiaxañi ye Babilonia. Qom qauloquiaxañi yemaye nache qauauaqaiguet na nta'alpi ye 'alhua Ararat, ye Mini, qataq ye Asquenaz. Qataq qauauoi ca nataxala' da ilo'ogue da alaataxac. Qataq qoquiỹot qome na caipi 'eeta'am qanqa'eñi aca qauemai shiiquioxoipi.

Jeremías 6:4

Nache 'enapec qome: «¡Qanaỹamaxache da yaqto' seloquiaxai' namayepi! ¡Qauanaqui qome yaqto' seloquiaxanaq namayepi qom na'a'q laiñi! Qalaxaye, ¡aicoue! Ye mashe avit, qataq na lpaqal mashe qaỹoqteueegue.

Ezequiel 38:17

Aỹem Nataxala', shenapec: Nache 'am da 'am setaqtega co'ollaxa soua hua'au' vi'iye, co'ollaq sa'aqtaxaatac, chegoqchigui som ỹamaxashecpi maye ỹa'ataxanaxanecpi ye Israel, qaq se'eso na'a'q, somayepi ỹa'axattac co'ollaxa da Aỹem taỹa'a da 'am ñanacot da yaqto' 'auloquiaxan na Israel.

Ezequiel 38:7

Ñaq 'anaỹamaxat qome, 'ana'achigui na 'aro'ogoxonaxatpi, 'am qataq 'enauac na alleppi maye 'am hueta'aguet, nache 'aulo'ogue qome namayepi.

Miqueas 3:5

Da la'aqtac Ñim Nataxala', 'eeta': Ne'ena ỹalamaxat nhuo' le'ecpi isomapec da llecỹaxac, souaxat da latenataxanaxac nam saq 'en na'aqtaxanaxanecpi, cha'aye nda'a't nam iquia'axan namayepi da da'aqtaxanem da nlagaxayec, qaq nam saishet da iquia'axan namayepi nache nda'a't da npa'aguene'.

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Zacarías 14:2

Qaq que'eca na'a'q Ñim Nataxala', laỹona't qome 'enauac na ỹotta'a't shiỹaxauapi da yaqto' iloquiaxan na Jerusalén. Nache loxonec qome na huaqta'a't nỹecpi, qataq nqatec na huetaigui na nma'pi, qataq ncat nam 'alpi, nache tachiguingui na laiñi qome ca ỹauec namayepi, qalaxaye cam no'onañipi, qalaq nache netalec qome ne'ena 'alhua.

Zacarías 14:3

Qalaxaye qom ime, nache anac Ñim Nataxala' da delogui' que'eca ỹotta'a't shiỹaxauapi, 'eeta'am naxa da deloctac da huo'o da alaataxac.