Joel 3:7 - La'aqtaqa Ñim Lo'onatac 'Enauacna 2013

⁷ Qalaxaye aỹem ñe'eguelaxat qome namayepi, sachegoxotchiguiña nam 'alhuapi maye taỹa co'ollaxa da qaumiñi, nache da nque'eenaxac na Israel le'ecpi 'eeta'am qome da qanque'eenaxaqui.

Toba del Oeste

⁷ Qalaĝaja yitaĝa jeuodaĝaneque jo' qomle, jachiyoĝoteda'ague ga'me te'me aueñi neda'ña, qama'le ami jene'tema qomle da'me adachoĝodequi jo'ne ena'ama ca'li jogaa'me.

Joel 3:7 Iomraidhean Croise

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Isaías 11:12

Qataq nauaxaỹaxaasheguem qome aca la'anaxanaqte da yaqto' nam ỹotta'a't shiỹaxauapi ila'a, nache laỹona't na Israel le'ecpi maye qaỹauega co'ollaxa ye ỹaqa'a 'alhuapi, qataq chegoqchiguiña naqa'en 'enauaque naua laỹel ana 'alhua, na Judá le'ecpi maye nlagaxattac co'ollaxa.

Isaías 49:12

¡Ñaq qauloỹa! Namayepi chegaqa'a cam ỹataqta qaỹoqta, huo'o na chegaqa'ague da sheu' qataq huo'o na chegaqa'ague da nala' lliguiñi qataq huo'o na chegaqa'a ye 'alhua Asuán.»

Isaías 66:6

Huo'o da nvilỹaxac chemaqtegueua'a ye huaqta'a't nỹecpi, qataq huo'o da nvilỹaxac chemaqtegueua'a añi atamnaxaqui, damaye nachera da lavilỹaxac Ñim Nataxala' da ỹanem da nsheetenaguec nam npa'aguenaxauapi.

Jeremías 23:8

nacherata da ỹan ca la'aqtac, 'eeta': ‹Nca'altauec Ñim Nataxala' maye nqateeguesop co'ollaxa nam chegoxoguetpi so Israel, yem 'alhua maye pa'aigue da sheu', qataq 'enauac nam laỹepi 'alhuapi maye taỹa naqa'en co'ollaxa, da yaqto' ỹe'eguelaxa da hueta'a na maiche lalamaxat na'alhua.›»

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Jeremías 30:16

Qaq 'enauac qome nam 'am chec, namayepi nataqa'en qanallec qome, qataq 'enauac qome nam 'ampa'aguenaxauapi qaỹauega ca ỹaqa'a 'alhua da ncoñeteguishecpi, qataq so'otec da qanhuotta qome nam 'am nhuotta, qataq qaicachiỹot qome nam 'am decachiỹot.

Jeremías 31:8

Aỹem ñe'eguelaxat qome sachegoxotchiguiña ye 'alhua maye pa'aigue da sheu', qataq llaỹona't qome sachegoxota'a cam pa'atec loga't ana 'alhua. Qaq namayepi nache nnaictague' qome na qanamaicpi qataq na sa da'añiiguelo naua lchel, qataq na 'alpi maye hualaxaipi qataq ana mashe deco'opi, ¡nache qalota qome na ñe'eguelaq!

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Ezequiel 36:24

Aỹem qami' ñeqateeguesopa qome 'enauac ne'ena ỹotta'a't shiỹaxauapi, qataq nam 'alhuapi, nache qami' llaỹona't qome, nache qami' she'eguelaxatalo yem maiche qana'alhuai.

Ezequiel 38:8

Cha'aye qom huo'oi caua inoxoorec vi'iye, nache 'am samaq da 'auloquiaxan yem 'alhua maye huetaigui co'ollaxa da nloquiaxac, qalaxaye mashe qaltaq ỹe'eguelaxa da na'ayiñi, yem nhuo' le'ecpi maye nlagaxattac co'ollaxa, nache ỹalecta'aguet na qalota ỹotta'a't shiỹaxauapi, qataq qailaxachigui co'ollaxa, qalaxaye qaltaq ỹe'eguelaxa da laỹona't da hueta'a aye qasoxonaxapi ye Israel. Yem chegoqta'a co'ollaxa na qalota 'alhuapi, qaq nagui qalaq ỹe'emaqtac.

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Zacarías 9:13

Cha'aye mashe sechegaxaalec na ichecnec da ñalat, maye nachena na Judá, qataq mashe sanagui ana ichecna, maye nachena na Efraín. Qaq 'am Sión, nache 'am qome da 'am ỹainec, qataq sanem qome, na 'aỹa'alaqpi da dataỹa'aguet na llalaqpi ye Grecia.»

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

2 Ts 1:6

Cha'aye nache lataxac da Ñim Lo'onatac 'Enauacna ỹauo'o qome ca nque'eenaxac na ỹo'ottac da qanque'eenaxaqui.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.