Joel 3:6 - La'aqtaqa Ñim Lo'onatac 'Enauacna 2013

⁶ qataq qaumiñi na Judá le'ecpi, qataq na Jerusalén le'ecpi, nache l-latacpi qanqa'eñi na griegopi nache ca'ai qanqa'aiñi na na'alhua.

Toba del Oeste

⁶ Nataq'aen ca'li aueñi qaya'alo joga'me jiyaĝadipi jo'ne Judá lec'oqo'tepi, chayovida'alo ga'me Jerusalén laje'pi, qama'le auemeñi' jogaa'me qaedi qoye'n ne'uaqa, auañema ca'li gaa'me Grecia laje'.

Joel 3:6 Iomraidhean Croise

Ezequiel 27:13

Qaq nataqa'en ye Grecia, Tubal qataq ye Mesec, 'am nmeetague' co'ollaxa, nache nmeneguet naqa'en na 'armenecpi na l-latacpi qataq na nhuenecpi maye bronce.

Joel 3:3

Qataq nallechigui co'ollaxa na ỹalamaxat nhuo' le'ecpi, qataq imen na ñaqpiolec naiguet naqa'en ana quisheguetaxaipi, qataq ana nogotolepi, naiguet naqa'en na lataxa.

Joel 3:8

Nache na qaỹa'alquipi qataq ana qaỹa'allipi, semenot qome na Judá le'ecpi yaqto' namayepi imenot qome namayepi na sabeopi, maye chegaqa'a cam ỹataqta qaỹoqta 'alhua. Qaq 'era da ỹa'aqtac, Aỹem Nataxala'.

Zacarías 9:13

Cha'aye mashe sechegaxaalec na ichecnec da ñalat, maye nachena na Judá, qataq mashe sanagui ana ichecna, maye nachena na Efraín. Qaq 'am Sión, nache 'am qome da 'am ỹainec, qataq sanem qome, na 'aỹa'alaqpi da dataỹa'aguet na llalaqpi ye Grecia.»

Deuteronómio 28:32

Qataq 'auauachigui qome ca 'aỹa'alaqpi ỹalleppi qataq 'alpi da qoỹanem ca ỹaqa'a shiỹaxauapi, nache choche 'anasamchiguiñi qome da 'anmittaique, qalaxaye saishet da 'auanata.

Deuteronómio 28:68

Qaq na'aictaxa Ñim Nataxala' da 'am ỹachaxanapecot co'ollaxa da saishet da qaltaq 'avi'eguelaqtegue so nqa'aic da 'aigue da Egipto, qalaxaye Ñimaye 'am ỹe'eguelaxategue qome damaye, qonetangui naqa'en aca notaxaqui maye quiguingui na 'etaxat, qaq huaña qome yemaye nache 'am imenot ca 'ampa'aguenaxauapi, qalaxaye qaica qome ca 'am desheenaxana.