Joel 3:4 - La'aqtaqa Ñim Lo'onatac 'Enauacna 2013

⁴ Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Toba del Oeste

⁴ Ami noyaqa Tiro choqodi'me Sidón, nataq'aen yema ga'me aleua jo'ne Filistea: ¿jach'e ga'me ami je'eteque ca'li? ¿Qo'li jetaque auauoyi lajo'vi ga'me ami je'eteque ca'li? Qalaĝaja qom naq'aeta qama'le paja'a da'me ami janema joga'me mach'e ane'uaĝanaguequi.

Joel 3:4 Iomraidhean Croise

2 Crónicas 21:16

Huaña, nache Ñim Nataxala' ỹo'ot da so filisteopi qataq so arabeopi, maye lauoreua so cusiitapi ỹataqta dalemata, nache dataỹa'aguet so Jorán,

Isaías 14:29

Qami' Filistea le'ecpi saishet qome da qantoñiitapigui', da qoñeetega mashe huacaigui so pon maye qami' qairotegalo naxa da qami' qaiuaxaata'ape, cha'aye yem chegoqchiguiña so na'araxanaq, nache chegoqchiguiña qome ca lỹa na'araxanaq, qaq camaye ỹactec qome, cha'aye camaye huaỹo qome.

Isaías 34:8

Cha'aye que'eca na'a'q huetoigui qome da Ñim Nataxala' ipalaique lvi', cam vi'i maye huaigui da ỹe'eguelaxateguet qome nam qauempi maye qaỹo'otec co'ollaxa ye Sión.

Isaías 59:18

Ñim Nataxala' ỹanem qome ñi 'oonolec cam naigui nam ỹo'ottacpi, qataq ỹauo'o ca nhuaxanaguec nam mpa'aguenaxauapi. Qataq nam nquiỹatega Ñimaye, ỹanem qome ca nsheetenaguec, ivira'a nam shiỹaxauapi maye netalec ana ỹaqauga 'alhuapiolec aso auaxai.

Jeremías 47:1

Qaq 'era da la'aqtac Ñim Nataxala' maye ỹanem so na'aqtaxanaxanec Jeremías, da ỹa'axata'a dam 'eetec qome na filisteopi, co'ollaq so faraón saxanaxa da iloquiaxan ye Gaza, 'eeta':

Jeremías 47:4

Cha'aye ivita ca na'a'q da qailaxachigui na filisteopi, qataq da qaỹacona da ntaunaguec maye ñaqauo'o yem Tiro qataq ye Sidón.» Aja', Ñim Nataxala' ilaxachigui qome na filisteopi qataq nam netalec añi ỹaqa'ata 'alhua maye le'enaxat Creta.

Jeremías 51:6

¡Qoquiỹa'ai ye Babilonia! ¡Qananeltaxañi yaqto' qarca'alleeuec! ¡Saishet qome da qaullivi, souaxat na lasouaxashet yemayepi! Cha'aye mashe ivita ye laloqo' da sauo'o ca ivi', nache sesheeten qome ipacchigui ñaqa'en dam naigui nam ỹo'otpi.

Joel 2:10

Nache da nvi' namayepi nache cholaxan ana 'alhua, qataq cholaxan na piguem, qataq 'om añi nala' qataq ñi ca'agoxoic, qataq ana huaqaañipi qaica ca le'eraxa.

Joel 2:2

nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Mateo 11:22

Qaq ỹoqo'oye qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, saq 'ena'am nam netaña ye Tiro qataq ye Sidón.

Lucas 10:13

So Jesús nataqa'en, 'eeta': «Qami' maye qoñiitaña na nỹecpi Corazín ¡ỹataqta qauem da qa'aita'ague! ¡Nataqa'en qauem da tata'ague na shiỹaxauapi maye netaña ye nỹecpi Betsaida! Cha'aye nam so'otpi maye sa qaỹauanapega maye qami' huaiguilo, taxa da so'ot da huaigui ye nỹecpi ye Tiro qataq ye Sidón, nache salcoshe'eguectaxa da yeemaye naralaxa't da lataxa'c. Qataq ỹaayiñi naua alogo maye qaica ca lya'c qataq imeeleguete naua lqaigo da ỹachaxan da ntogotaxac.

Lucas 10:14

Qaq ỹataqta 'eesa de'era qami' sa'axatema da que'eca na'a'q qom qanmit 'enauacna, qalaq qami' ỹactec ca qauacoñiiguet qanhuaxanaguiiqui, saq 'ena'am yeemaye.

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

2 Ts 1:6

Cha'aye nache lataxac da Ñim Lo'onatac 'Enauacna ỹauo'o qome ca nque'eenaxac na ỹo'ottac da qanque'eenaxaqui.

Jueces 11:12

Huaña co'ollaxa nache so Jefté, huo'oi soua ỹamaxalo so lta'a so 'amoniitapi da yaqto' inat, 'eeta': «¿Negue't cam sasouaxat da 'anshetaique da 'auanac da 'auloquiaxan nam netalecpi na ña'alhua?»