Joel 3:2 - La'aqtaqa Ñim Lo'onatac 'Enauacna 2013

² nache llaỹona't qome 'enauac na ỹotta'a't shiỹaxauapi, nache sauega ye ca'amegue Josafat, yem huaña da ñemit qome namayepi, souaxat nam ỹo'otecpi co'ollaxa nam ỹalamaxat nhuo' Israel le'ecpi, da ilagaxaalec nam ỹotta'a't 'alhuapi, qataq namayepi nalogui na ña'alhuapi.

Toba del Oeste

² Male japotena't yema jogaa'me noyaqa, qama'le jaueguelo di'me c'ama'ague jo'ne lenaĝat da'me Josafat. Qama'le ua'a da'me ja'uo yec'atenaĝanaĝac, yajouaĝat ca'li joga'me 'yeteque jena'me yalaqapi jo'ne Israel laje'pi: ua'a ca'li male nelagaĝa, laguedelegue jena'me aleua; chayovida'a da'me necolaĝachidegui di'me mach'e 'ñaleua.

Joel 3:2 Iomraidhean Croise

2 Crónicas 20:26

Qaq co'ollaq ivita so na'a'q cuatro, nache somayepi laỹonqa' co'ollaxa ye ca'amegue ye Beraca, qaq nache huaña yemaye da ỹanot da llo'oxonnataxanaxac Ñim Nataxala', qaq ỹoqo'oye yemaye nache qoỹanagui da le'enaxat ca'amegue Beraca, qaq de'era le'enaxat nache ivitta'a nagui.

Isaías 66:16

Qaq ỹoqta 'eesa da Ñim Nataxala', huota'a qome ca norec qataq ca ỹeelonec da nmit imauec na shiỹaxauapi, nache qalota qome ca ilem da lhuaqỹaxac Ñim Nataxala'.

Isaías 66:18

Cha'aye aỹem ỹataqta saỹateeta nam ỹo'ottacpi qataq nam lhuennataxacpi. Qalaxaye mashe ivita yem laloqo' da llaỹona't nam ỹotta'a't shiỹaxauapi qataq nam ỹotta'a't naua la'aqtaqa, qaq namayepi anac qome nache ỹauaachigui da ỹo'oxoyec.

Jeremías 12:14

Ñim Nataxala' 'eeta' da la'aqtac: «'Enauac na qauemaicpi lauoreuapi na Israel le'ecpi maye ilaxachigui nam 'alhua maye Ñim Nataxala' ỹanem da lalamaxat na nhuo' Israel le'ecpi, Aỹem ñeqateeguesop qome namayepi na netalec 'alhuapi, qataq ñeqateeguesop namayepi nam chegoxoguet so Judá.

Jeremías 25:31

Da l-llimiaxa da lavilỹaxac, qalaq ivira'alo naua loga'te ana 'alhua, cha'aye Ñim Nataxala' lapaxañi qome ca ltaxaỹaxac da dataỹa'aguet na ỹotta'a't shiỹaxauapi, nache iỹaxaneuga qome da nmit 'enauac na shiỹaxauapi, da yaqto' ỹaneguet da l-leuaxa nam qauemaicpi. Qaq 'era da la'aqtac Ñim Nataxala'.›»

Jeremías 49:1

Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Ezequiel 25:8

Aỹem Nataxala', shenapec: Ye Moab qataq ye Seír, 'eetega 'eeta'am naxa na laỹepi ỹotta'at shiỹaxauapi ye Judá.

Ezequiel 34:6

Anamayepi laguelec 'enauac ana qasoxonaxapi, qataq ana qaỹoqotcheguemec lcomaraxalatepi, laguelec 'enauac ana 'alhua, nache qaica ca qochetega da nmittaique.

Ezequiel 35:10

'Am qonapec co'ollaxa: Na 'alhua ye Israel qataq naua dos nta'al yeemaye ỹalamaqa'ate qome, aỹem nachaỹem da ỹalamaqa'ate qome. Qaq na'aictaxa da Aỹem Nataxala' soota'a co'ollaxa yemaye.

Ezequiel 36:1

Qaq 'am shiỹaxaua, 'aua'axata'a dam talec qome aye qasoxonaxapi ye Israel, nache qonapega da na'axaỹaxanalo naua ỹa'aqtaqa.

Ezequiel 36:5

Da la'aqtac Ñim Nataxala', 'eeta': Naua ỹa'aqtaqa 'ettaiguilo souaxat da ỹayeloxo da sataỹa'aguet na laỹepi shiỹaxauapi, qalaxaye ỹactec da salamaqchigui 'enauac ye Edom, cha'aye yemayepi lta'araic co'ollaxa da ntonaxac co'ollaq ỹauo'o lalamaxat ye ña'alhua, qataq lta'araic da le'enaxanaxac co'ollaq deuotaxanec ye no'onaxapi maye hueta'a yemaye.

Ezequiel 38:22

'Am Gog, qataq na 'analleppi, qataq na qalota alleppi maye 'antaueetague', sauo'o qome ca qanhuaxanaguiiqui, qami' seroleguete ca napiina, qataq qaicorec qome na ntago'q, qataq so'ot qome da naañi ca lta'araic auot, qataq aca lache, qataq ca norec, qataq ca quiquiaxaraic.

Ezequiel 39:11

«Qaq qom nvi' que'eca na'a'q, nache so'ot aca laỹe' ye Gog naña ñaqa'en ye Israel, nache huaña da selayiñi, yem pa'aỹa'ague da yo'oxoñi aso auaxai yem Ca'amegue le'enaxat Queuoxoicpi. Qaq souaxat da ỹapogui som llec nam natapeugueyi, nache qaỹamata'ac qome da le'enaxat Ca'amegue Gamón Gog, cha'aye huaña qome yemaye da qailareñi ye Gog qataq 'enauac ca nalleppi.

Joel 3:12

Qataq naỹamaxat qome nam ỹotta'a't shiỹaxauapi da taỹa yem ca'amegue Josafat, cha'aye nache huaña yemaye da Ñim Nataxala' nmit qome 'enauac nam ỹotta'a't shiỹaxauapi maye qareuoreuapi.

Joel 3:14

Qaq ỹataqta qalota nam nhuo' le'ecpi maye hueta'a ye ca'amegue Nasataxac, cha'aye mashe nayeetai' cam na'a'q maye lviraxaqui Ñim Nataxala'.

Amós 1:11

Qaq Ñim Nataxala', 'eeta': Na Edom le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da ỹataqta sa ichoxonnai' da irolec na lainec, co'ollaq icaatac na maiche lqaỹañecpi Israel le'ecpi. Qataq ỹataqta lta'araic da lalemataic, qataq da lquiỹaxa namayepi.

Miqueas 4:12

Qalaxaye ne'ena ỹotta'a't shiỹaxauapi, sa ỹauatton na lhuennataxacpi Ñim Nataxala', qataq sa ỹaỹaten nam lapaxañipi lataxacpi Ñimaye, nache sa ỹaỹaten da Ñimaye laỹona't qome namayepi, 'eeta'am da laỹona't aca naqta ala na nañiguishecpi da huaña ca nchegoxosoxonqa'.

Sofonías 3:8

Qaq ỹoqo'oye qauachiỹa'aguet qome que'eca na'a'q maye huaigui da qami' sataỹa'agueta. Aỹem Nataxala' 'era da ỹa'aqtac. Cha'aye mashe iuennataxa da llaỹona't na ỹotta'a't shiỹaxauapi, qataq na nta'alpi, da yaqto' talec ñaqa'en da ỹayeloxo, qataq dam ỹataqta 'eroigui ỹalemataic. ¡Qaq ỹataqta 'enauac qome ana 'alhua da nlachiguiñi souaxat cam le'eraxa da ỹayeloxo!»

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Apocalipsis 16:16

Nache se'esoua saq cha'alo na'añaxaco maye qauemaiqa lapona't na nta'alpi, huaña naqa'en ye 'alhua maye na hebreo la'aqtaqa le'enaxat Armagedón.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Apocalipsis 20:8

Nache nnoxoosheguem da yaqto' ỹatenachet na shiỹaxauapi maye hueta'a ye Gog qataq Magog maye naigui 'enauac na ỹotta'a't shiỹaxauapi ana 'alhua. Nache so pa'aguenataxanaxaic laỹona't na nalleppi ne'ena ỹotta'a't shiỹaxauapi da yaqto' nalat naqa'en; qaq namayepi saishet da qaivi' da qanaloqten, 'eeta'am da 'eetec da saishet da ishet da qanaloqten na lsoche na delec maye hueto'ot na loigue aso auaxai.