Joel 3:16 - La'aqtaqa Ñim Lo'onatac 'Enauacna 2013

¹⁶ Nache qom ivita da qaỹa'axaỹa ca lavilỹaxac Ñim Nataxala', da chemaqteguisheguema añi qasoxonaxa Sión, qataq da dellimigui da lavilỹaxac da huaña ye Jerusalén, nache na piguem qataq ana 'alhua cholaxa'n qome. Qalaxaye Ñim Nataxala', nacheñi ñim lle'eguenaxala' qataq npaxattalec nam Israel le'ecpi maye maiche lalamaxatpi.

Toba del Oeste

¹⁶ Ga'me ua'a qama'le joñe'me Jaliaĝanec da'me lajamaĝa ena'am jaga'me qajoĝonaĝa nale ne'uaĝanaĝatapiñi, chimaqapi'ña di'me Sión, jo'ne nach'edi di'me noic Jerusalén, qama'le jena'me piyem nataq'aen jena'me aleua yataqata deda'y qomle. Qalaĝaja joñe'me Jaliaĝanec naqaeñe 'me nañoĝotaqa' ga'me Israel laje'pi mach'e lec'oqo'tepi.

Joel 3:16 Iomraidhean Croise

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Salmos 29:11

Ñim Nataxala' ỹanem da la'añaxac na lalamaxat nhuo' le'ecpi, qataq ỹanem da nqouagaxa na lalamaxatpi qataq lactapiguiñi naqa'en.

Salmos 61:3

cha'aye nache 'am maye 'am ỹe'eguenaxala'. 'am 'eeta'am ñaqa'en aca nalloxolate qaramta, maye mpaxateguet na ñepa'aguenaxauapi.

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Isaías 33:21

Qaq nache huaña qome yemaye da Ñim Nataxala' qomi' ỹachaxanalo da la'añaxac. Nache huo'o qome nam talapi qataq nam qalotegue la'auaxacpi, qalaxaye saishet qome da quegue na qampa'aguenaxauapi da netangui ana nnotaxaquipi nllocta qataq anam nnotaxaquipi maye ỹataqta huo'o da la'añaxac.

Isaías 42:13

Ñim Nataxala' qom inoxonec nache 'eeta'am ca alaataxaic, qaq qom deloqui nache 'eroigui da layeloxo 'eeta'am ca alaataxaic, qataq nlamaxaren qataq ỹa'alaqtalec da nalaataxac, nache nauec qome na npa'aguenaxauapi.

Isaías 51:16

Naua ỹa'aqtaqa qalaq sanaiguilo na 'ap, qataq 'am ỹapotalec ñaqa'en na lpaqal na ihuaq, Aỹem selagaxaañi co'ollaxa na piguem, qataq so'ot ana 'alhua, qataq shenapega ye Sión sheeta': ‹'Am maiche 'am ỹalamaxat.›»

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Jeremías 17:17

Saishet qome da aỹem 'anlaxatchigui da icolanaxa, cha'aye nache 'am maye 'am ỹe'eguenaxala' naxa da huo'o ye lchec.

Ezequiel 38:19

Qaq nache huaigui qome ca le'eraxa da ỹayeloxo, da san ca ỹa'aqtac, da que'eca na'a'q huo'o qome ca lta'araic nacholaxanaxa ye Israel.

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.

Amós 1:2

Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Amós 3:8

Qaq ¿negue'tom ca saishet da iviloxol da hua'axaỹa da desoqo ca llon? qataq da damaxasoxon Ñim Nataxala', nache ¿negue't cam saishet da ỹa'axat cam ỹa'axata'a Ñimaye?

Nahúm 1:7

Ñim Nataxala' soxoraic, Ñimaye ñe'eguenaxala' da qaivireguet ca nhuogoxo, qataq npaxaalec nam pe'etecot Ñimaye,

Hageo 2:6

Cha'aye mashe sa qaỹaloq da sacholaxan qome na piguem qataq ana 'alhua, aso auaxai qataq na deqaqaalec 'alhua.

Hageo 2:7

Qataq cholaxan ñaqa'en 'enauac na ỹotta'a't shiỹaxauapi, huaña qome nache namayepi ndouo 'enauac da lsallaxa, nache añi atamnaxaqui maye ỹalamaqte ỹataqta nlaqchigui qome da llo'oxoyec.» Qaq Ñim Nataxala' maye Qaica ca Ỹaqalanapec 'enapec:

Zacarías 10:12

Aỹem sa'añaqchet qome namayepi, qaq namayepi nache quetaigui qome da ỹe'enaxat. Qaq 'era da ỹa'aqtac Aỹem Nataxala'.»

Zacarías 10:6

Qaq «Aỹem sa'añaqchet qome nam chegoxoguetpi so Judá, qataq ñeca'alaxatec nam chegoxoguetpi so José. Nache saueca'aguet da she'eguelaxata ye maiche na'alhua. Cha'aye huo'o da ichoxonnataxanaxa namayepi. Nache ỹe'eguelaxa qome, da 'eeta'am da saỹauano' da so'orauec co'ollaxa, qaq cha'aye Aỹem Nataxala', maye Natamnaxala' namayepi, sa'axaỹa qome da natamnaxac.

Zacarías 9:12

¡Qami' ncoñeteguishecpi maye ñaqauo'o da qanaquitaxaqui, qavi'eguelaqaỹa qome ye maiche qarpaqtaxanaxache! Cha'aye nagui qami' sa'axatema da qami' sanema qome ca qana'achecỹaxaqui, napacalec ñaqa'en som qoviỹaigui co'ollaxa qanque'eenaxaqui.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Apocalipsis 16:18

Nache huo'o so nqashelgaxa, qataq so nvilỹaxac, qataq so nalataxa qataq huo'o so lta'araic qalagoxoñi 'alhua, somaye ỹataqta napacalec 'enauac nam nacholaxanaxapi maye huo'o co'ollaq cheta'ague da huo'o na shiỹaxauapi ana 'alhua.

1 Samuel 15:29

Cha'aye Ñim Lo'onatac 'Enauacna nacheñi ñi llo'oxoraxat na Israel le'ecpi, Ñimaye sa datenataxan, qataq saishet da huo'o ca ntogottague'. Cha'aye Ñimaye saishet da choche shiỹaxauatto da huo'otaq ntogottac.