Joel 3:12 - La'aqtaqa Ñim Lo'onatac 'Enauacna 2013

¹² Qataq naỹamaxat qome nam ỹotta'a't shiỹaxauapi da taỹa yem ca'amegue Josafat, cha'aye nache huaña yemaye da Ñim Nataxala' nmit qome 'enauac nam ỹotta'a't shiỹaxauapi maye qareuoreuapi.

Toba del Oeste

¹² ¡'Noota qom aniyamaĝacheta't, ena'uac ami jo'ne noyaqa laqaya'! ¡Auec'achiya jodi'me c'ama'ague 'me lenaĝat da'me Josafat! Qa'a male ua'a da'me ya'uo lec'atenaĝanaĝac joñe'me Jaliaĝanec, qaedi ye'uaĝa'n qomle yemeda naa'me noyaqa jo'ne neje'gue.

Joel 3:12 Iomraidhean Croise

2 Crónicas 20:26

Qaq co'ollaq ivita so na'a'q cuatro, nache somayepi laỹonqa' co'ollaxa ye ca'amegue ye Beraca, qaq nache huaña yemaye da ỹanot da llo'oxonnataxanaxac Ñim Nataxala', qaq ỹoqo'oye yemaye nache qoỹanagui da le'enaxat ca'amegue Beraca, qaq de'era le'enaxat nache ivitta'a nagui.

Salmos 7:6

¡Ña 'anachaañi, 'Am Nataxala', ña 'aualemata, nache 'auataỹa'aguet da lalemataic na ñepa'aguenaxauapi! ¡Ñaq 'anlouec 'Am Ñatamnaxala', nache 'auo'ot ca ỹaỹamaqchiguiñi lataxac!

Salmos 96:13

Qauo'onaxañiitac qome cha'aye mashe anacta Ñim Nataxala', Ñimaye mashe anacta da nmit qome ana 'alhua, nache irolec da nalochiguiñi lataxac da nmit ana 'alhua, qataq da 'eesa lataxac da yaqto' nmit na nhuo' le'ecpi.

Salmos 98:9

qataq do'onaxaato'ot Ñim Nataxala', cha'aye mashe anac da nmit ana 'alhua, irolec qome da nalochiguiñi lataxac qataq ỹaỹamaqchiguiñi lataxac da nmit na nhuo' le'ecpi.

Isaías 2:4

Ñim Nataxala', nmit qome 'enauac na ỹotta'a't shiỹaxauapi, nache ỹaỹamaxaañi na ncotaxacpi nam qalota nhuo' le'ecpi, nache namayepi qome nlaxaañi na lainecpi nache ỹo'ot na'arau, qataq nlaxaañi qome ana lataquiaxaipi nache ỹo'ot ca lchegaxanaxatpi. Nache na nhuo' le'ecpi qaica qome ca ỹe'eguelaxa da ỹacona ca lo'ogoxonaxat da delogui' ca laỹepi shiỹaxauapi, qataq saishet qome da napaxagueetega da nalaataxac.

Isaías 22:1

Da na'aqtac da qaỹa'axata'a so ca'amegue maye huaña so nauanaqchec: ¿Ta'ainco' ye 'enauac da qoñeeta da qa'aisheguema na l-laq na nỹecpi?

Isaías 3:13

Qaq Ñim Nataxala', mashe naỹamaxat da nmit namayepi, da yaqto' nmit na lalamaxat nhuo' le'ecpi.

Ezequiel 30:3

maye mashe nayeetai', ¡Mashe nayeetai' ca na'a'q maye lalamaxat Ñim Nataxala'! ¡Cam na'a'q maye ỹataqta napalñi, qataq chaqaic maye talec qome na ỹotta'a't shiỹaxauapi!

Ezequiel 39:11

«Qaq qom nvi' que'eca na'a'q, nache so'ot aca laỹe' ye Gog naña ñaqa'en ye Israel, nache huaña da selayiñi, yem pa'aỹa'ague da yo'oxoñi aso auaxai yem Ca'amegue le'enaxat Queuoxoicpi. Qaq souaxat da ỹapogui som llec nam natapeugueyi, nache qaỹamata'ac qome da le'enaxat Ca'amegue Gamón Gog, cha'aye huaña qome yemaye da qailareñi ye Gog qataq 'enauac ca nalleppi.

Joel 3:14

Qaq ỹataqta qalota nam nhuo' le'ecpi maye hueta'a ye ca'amegue Nasataxac, cha'aye mashe nayeetai' cam na'a'q maye lviraxaqui Ñim Nataxala'.

Joel 3:2

nache llaỹona't qome 'enauac na ỹotta'a't shiỹaxauapi, nache sauega ye ca'amegue Josafat, yem huaña da ñemit qome namayepi, souaxat nam ỹo'otecpi co'ollaxa nam ỹalamaxat nhuo' Israel le'ecpi, da ilagaxaalec nam ỹotta'a't 'alhuapi, qataq namayepi nalogui na ña'alhuapi.

Miqueas 4:3

Ñim Nataxala', nmit qome na ỹotta'a't shiỹaxauapi, qataq ỹaỹamaxaañe na ncotaxacpi na qalota shiỹaxauapi, qataq nam hueta'alo nam qaỹoqtalo 'aleu'. Huaña, nache namayepi nlaxaañi na lainecpi nache ỹo'ot na'arau, qataq nlaxaañi ana lataquiaxaipi nache ỹo'ot lchegaxanaqtepi. Ime qome nache qaica ca ỹacona ca lo'ogoxonaxat da yaqto' delogui' ca lỹa shiỹaxaua, qataq qaica qome ca ỹaconeguet ca napaxaguenataxanaxac da qaỹapaxaguenec da alaataxac.

Zacarías 14:4

Qaq que'eca na'a'q, nache Ñim Nataxala' petalec qome añi qasoxonaxa maye huaña ana oliivo, maye pa'aỹa'ague da nala' lliguisheguem ye Jerusalén. Qaq huo'o qome ca lta'araic ca'amegue taỹa'ague da nala' lliguisheguem qataq da nala' lliguiñi, maye colaxagui naqa'en añi qasoxonaxa maye huaña ana oliivo. Qaq ca 'oonolec laỹe añi qasoxonaxa pa'aỹa'ague qome da sheu', qaq ca lỹa pa'aỹa'ague da tagueñi,

Apocalipsis 19:11

Ime, nache sela'a na piguem da nauatoigui, nache sela'a so caaỹo lapagaxaic. Qaq som netalec le'enaxat «Ipacchiguilo naua la'aqtaqa» qataq «'Eesa», cha'aye somaye ỹataqta ỹaỹamaqchiguiñi da lo'onataxanaxac da nta'a huo'otaq da taỹa ca alaataxac.