Joel 2:16 - La'aqtaqa Ñim Lo'onatac 'Enauacna 2013

¹⁶ nache qauauo'oi ca laponaxac na nhuo' le'ecpi maye lalamaxat Ñim Lo'onatac 'Enauacna, qataq nqui'itaxatta qanqa'eñi qome namayepi, qataq qauỹaxañiuga na nqueroxonecpi, ñaqpiolec qataq nam ñaq qaillepaxaatacpi, qataq qaupa'axañiiuec cam cheta'ague da huaron nataqa'en acam lhua!

Toba del Oeste

¹⁶ ¡Auemachiya'a't jena'me lec'oqo'tepi joñe'me Jaliaĝanec, qama'le aueñi niyola'ajalo jogaa'me! Aviyaĝañiyalo jogaa'me 'yaĝaicachidi, nataq'aen jogaa'me 'najodolqa, ¡chayovida'alo jogaa'me jo'ne maliaĝa uanoque'tape! Chayovida'alo jogaa'me yemta uo'n, ¡'noota qom queda'e naa'me 'lemaqa!

Joel 2:16 Iomraidhean Croise

2 Crónicas 20:13

Qaq nache 'enauac so Judá le'ecpi, nachatto'ot Ñim Nataxala', ỹalectauo so 'alpi, so llalaqpi, qataq so qapio'olecpi ñaqpiolec.

2 Crónicas 29:5

nache 'enapega somayepi, 'eeta': «¡Ñaq aỹem qana'axaỹañiỹa qami' leviitapi! Qanqui'itaxache nagui, qataq qauqui'itaxache qome añi atamnaxaqui maye lalamaqte Ñim Nataxala' maye Natamnaxala' so hua'au qarta'ailpi. Qataq qanqacheeuec qome 'enauac nam saishet da qui'itta maye huetaigui añi atamnaxaqui.

2 Crónicas 30:17

Qaq cha'aye so ỹalecta'a't shiỹaxauapi, qalota co'ollaxa so saishet da nqui'itaxat, qaq souaxat somayepi nache so leviitapi qalota so ỹalauat qagueta llalaqpi huaigui qanqa'en so Lapascua, da yaqto' qoỹanot Ñim Nataxala'.

2 Crónicas 30:19

'Am Nataxala', maye 'Am Natamnaxala' so hua'au lta'alpi namayepi, na'aictoxo' da saishet da nqui'itaxat namayepi, da ipaqueelec som nanettañi lataxac da qotaua'a añi atamnaxaqui.»

2 Crónicas 35:6

Qauavigaxache qome ca qagueta llalec que'eca Lapascua, qataq qanqui'itaxache qataq qauo'oche cam qaiuen, da yaqto' nam qarqaỹaipi ipaqueelec da damaxasoxoolec co'ollaxa Ñim Nataxala', chegoqchigui naqa'en so Moisés.»

Da na'aqtaguec so Job 1:5

Qaq naxa da ime' soua na'axa'te da nquia'axac, nache so Job iỹaxaneuga so llalaqpi, qataq no'ottasheguem ye nte'etom, nache ỹo'ot ana lachetaqtaxanaqte qaỹavigaxatta ñi 'oonolec somayepi, da yaqto' qaỹapalaxat na lasouaxashetpi. Qaq de'era nache 'eetai' naxa da 'eeta'ac so Job, souaxat da lhuennataxac da saiuena'a da huo'o ca 'oonolec somayepi da lquiyaqteỹaxac isheueetac Ñim Lo'onatac 'Enauacna.

Salmos 19:5

Qaq aña'añi nala' 'eeta'am naxa ca auonaq da nnoxonec chegoqtoigui ca nỹec maye laronqa', ỹataqta machiguiñi 'eeta'am ca qomitaxaic da ivita da quegue so nqa'aic.

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Éxodo 19:15

Nache so Moisés 'enapeco': «Qanaỹamaxacheetai' qome, yaqto' qami' lhuotte' qonte', qataq ca lỹa na'a'q, qataq saishet qome da huo'o ca hue'eguet aca 'alo».

Éxodo 19:22

Nataqa'en ye ntaxaỹaxanaxanecpi da aỹem naua'a, qalaq ỹataqta nỹota. ¡Ten qom selaxachigui yemayepi!»

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

Mateo 21:16

Nache somayepi 'enapega So Jesús, 'eeta': –¿'Am peta'a 'aua'aqtega dam 'eetega nam ñaqpiolec? Nache So Jesús 'enapeco': –Aja', sa'aqtega. Qalaxaye qami' ¿saishet peta'a da qautaxaỹaxañi naxa da 'enapec naua ñiyigui'she la'aqtaqa Ñim Lo'onatac 'Enauacna maye, 'eeta'?: «Nam ñaqpiolec maye ñaq qapio'olecpi, qataq nam ñaq lleptacpi, do'onaxaatac 'am ỹo'oxoreetac.»

Mateo 9:15

Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.

1 Corintios 7:5

Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.

Josué 7:13

Qaq ỹoqo'oye qoñisheguem nagui, nache qonapega na nhuo' le'ecpi da naỹamaxat, qataq ỹataqta nqui'itaxatta namayepi yaqto' Aỹem nachaateua'a qoyo'oxoñi. Cha'aye aỹem Nataxala' maye Natamnaxala' na Israel le'ecpi, 'era da ỹa'aqtac, 'eeta': ‹'Am Israel, 'auacona co'ollaxa nam iuen da ỹataqta 'enauac da qailaxachigui, qaq ỹoqo'oye qom saishet da 'aulaxachigui qataq da sa 'auasaxauec namayepi, nache sa 'aushet qome da 'auataỹa'aguet na 'ampa'aguenaxauapi.›

Josué 8:35

Qaq saishet da huo'otaq 'oonolec ca na'aqtac naua damaxasoxooleguete co'ollaxa so Moisés da sa itaxaỹaxa'n so Josué, da yaqto' hua'aqchigui naqa'en 'enauac so lapoota'a't Israel le'ecpi, qataq so ỹalectauo 'alpi, qataq so ñaqpiolec, qataq so chegaqauec shiỹaxauapi maye ỹalectaigui somayepi.

1 Samuel 16:5

Nache so Samuel 'enapeco': Aja', qaica cara. Aỹem ñanac da sanot aca ỹachetaqtaxanaqte Ñim Nataxala'. Qaq ỹoqo'oye qanỹoi qome, nache qauanaqui da qaualliquiitaua'a ca savigaxat ỹachetaqtaxanaxat. Ime, nache so Samuel nqui'itaxat naqa'en so Yesé qataq soua llalqa, nache 'enapega da ỹalectaua'a som ỹo'ot lachetaqtaxanaxat.