Joel 2:1 - La'aqtaqa Ñim Lo'onatac 'Enauacna 2013

¹ Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Toba del Oeste

¹ ¡Yataqata auajediiye jana'me najeede, ami jo'ne ovi'ta na'me qajoĝonaĝa jo'ne Sión! ¡Aueñi yejam jana'me najeede da'me 'uo ga'me ta'ta jona'me qajoĝonaĝa ja 'nalegue, mach'e loĝot joñe'me Jaliaĝanec! ¡Adiviloĝolii, da'me ami jo'ne ovita'ña na'me aleua jo'ne Judá, qa'a na'taquena ga'me nolo' qom nac joñe'me Jaliaĝanec!

Joel 2:1 Iomraidhean Croise

1 Crónicas 15:28

Qaq 'era da 'eetec da 'enauac so Israel le'ecpi ỹachetac aso laỹe' soua lqataxaco Ñim Nataxala', nache ỹa'alaqtai' da ntonaxac, qataq do'onaxaata'ai' da l-lamaxa ana peenaq lcouepi, qataq ana trompeetapi, qataq na natoviaxanatacpi lcat, qataq ana salteeriopi, qataq ana arpapi.

Salmos 119:120

Da ỹo'ocỹaxac ỹataqta iviloxol souaxat da icolanaxa da qoneta, cha'aye huo'o naq 'enec ñaqa'en naua 'arqataxaco.

Salmos 87:1

So lo'oxonaxala' ye huaqta'a't nỹecpi maye lalamaxat Ñim Lo'onatac 'Enauacna, na'attalec añi qui'itta qasoxonaxa.

Éxodo 10:14

Nache 'enauac ye Egipto ỹataqta nlaqchigui ana shiiquioxoipi. Soua hua'au' vi'iye ỹataqta sa qaỹauanapega da nache 'eetec de'era, da ỹataqta qalota ana shiiquioxoipi, qaq saq 'ena'am se'eso na'a'q.

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Isaías 13:9

Mashe anacta ca na'a'q maye lviraxaqui Ñim Nataxala', na'a'q maye chaqaic qataq nactaigui da nnogoxonaxac, qataq da 'ettaigui layeloxo Ñimaye nache ỹo'ot qome da toolec ana 'alhua, qataq imeuo naqa'en nam 'etaxaloxoicpi maye huetalec anamaye.

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Jeremías 16:10

Qaq qom 'aua'aqtaxanem ne'ena nhuo' le'ecpi de'era na'aqtaxanaxac, nache 'am qainat qome: ¿Ta'ainco' Ñim Nataxala', da ỹa'axata'a da qomi' taleguete qome de'era ỹataqta lta'araic qauem? ¿Negue'to' cam qauem maye so'otaq? ¿Negue'to' cam qarasouaxashet maye hueto'ot Ñim Nataxala' maye Qanatamnaxala'?

Jeremías 16:7

Qataq qaica qome ca ỹo'ot ca lquia'axac da deque'elec cam leuaxaicpi da yaqto' ỹa'añaqchet ca lauo' le'ecpi camayepi qaq na'aictaxa da huo'otaq l-leuaxa ca nta'a huo'otaq aca nate'e.

Jeremías 4:5

Qaua'aqtaxañim de'era ye Jerusalén qataq ye Judá, qauoita'a ana qarasheerei da qaua'aqtaxañim 'enauac na hueta'a yi'iye 'alhua, qataq ỹataqta qana'axanñic qome da qara'alaxaqui qoñeeta': ¡Qalaỹoñiỹa't qome, nache senoxonaxaua'a nam huaqta'a't nỹecpi maye ỹotta'a't naua nañalo maye qampaxatteua'a!

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Ezequiel 12:23

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem so'ot qome da saishet da qaltaq qaỹe'eguelaxalec de'era na'aqtac ne'ena Israel.› Qataq nataqa'en 'aua'aqtaxanem qome da mashe nayeetai' ca na'a'q maye huaigui da ipacchigui qome 'enauac nam ỹa'axatta'a co'ollaxa so nloxocpi.

Ezequiel 21:12

Qaq 'am shiỹaxaua, ¡'aua'alaq qome qataq 'anỹen souaxat da 'anqui'ic, cha'aye ca ỹeelonec taỹa'a da ỹalauat na ỹalamaxat nhuo' le'ecpi, qataq 'enauac na nta'alpi ye Israel! Namayepi taỹa'a da qaỹalauat, lỹangui' na ỹalamaxat nhuo' le'ecpi, qaq ỹoqo'oye 'anhuaxaata'a qome ana 'artogue souaxat da 'anqui'ic.

Ezequiel 30:3

maye mashe nayeetai', ¡Mashe nayeetai' ca na'a'q maye lalamaxat Ñim Nataxala'! ¡Cam na'a'q maye ỹataqta napalñi, qataq chaqaic maye talec qome na ỹotta'a't shiỹaxauapi!

Ezequiel 33:3

Qaq que'eca nauanaxanaxanec, da ila'aguet ca alleppi maye pa'aguenaxauapi da nayeetaua'a que'eca 'alhua, nache camaye ỹashiiyigui aca lasheere da yaqto' icoyeguen na shiỹaxauapi.

Ezequiel 33:6

Qalaxaye ca nauanaxanaxanec da ila'aguet ca alleppi maye pa'aguenaxauapi, qaq camaye da saishet da ỹashiiyigui aca lasheere da yaqto' icoyeguen na shiỹaxauapi, qaq da nvireuo ca pa'aguenaxauapi, nache da huo'o ca ỹalauat, qaq cam qaỹalauat, ileu qome souaxat ca lasouaxashet, qalaxaye Aỹem ñemaxalec qome ca nauanaxanaxanec, da l-leuaxa camaye.

Ezequiel 7:10

¡Qaq 'ena nam na'a'q mashe nvi'! ¡Mashe nvi' na qami' ilaxachiguilo! Da qauem qalaq dauegaxaatai' 'enauaque naua pa'aiguelo ana 'alhua, qaq ỹataqta qalota da 'amqaanaxac.

Ezequiel 7:12

Mashe ivita ye laloqo', mashe nvi' na na'a'q. Imeuo qome da lamaicỹaxac nam huo'o na imeetac qataq cam desheenaxatega na nmenecpi. Cha'aye Aỹem serolec qome da inogoxonaxac da sauo'o ca nhuaxanaguec da na'amqaanaxac na Israel le'ecpi.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Daniel 9:16

'Am Nataxala', qomi' saỹatenaq da 'am choxonnataxanaxaic. Ñaq qomi' 'anqouagueque taxa da ca'ai 'anqa'en ye Jerusalén da 'arayeloxo, cha'aye yi'iye huaqta'a't nỹecpi qataq añi qui'itta qasoxonaxa maiche 'aralamaqte. 'Enauac na ỹotta'a't shiỹaxauapi maye lauoreuapi ye Jerusalén, ỹataqta ỹe'eetac yemaye, qataq na 'aralamaxat nhuo' le'ecpi, souaxat nam qarasouaxashetpi, qataq nam lasouaxashetpi som hua'au qarta'alpi.

Daniel 9:20

Qaq aỹem nache shecto'ot da ñatameetac, qataq da sa'axattac nam ỹasouaxashetpi, qataq na lasouaxashetpi na ihuo' Israel le'ecpi, qataq saatacot da ñachoxonnaxac Ñim Nataxala' maye Ñatamnaxala', seỹaxaateguelec añim qui'itta nqasoxonaxa.

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Joel 1:15

¡'Agai que'eca na'a'q! ¡Cha'aye mashe nayeetai' ca na'a'q maye lviraxaqui Ñim Nataxala'! ¡Que'eca na'a'q ỹataqta chaqaic, cha'aye Ñim Qaica ca Ỹaqalanapec nlaxaañi qome 'enauacna!

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Joel 2:15

¡Ña qauashiiyigui qome ana nasheerepi da huaña na Sión, ña qauauo'oi ca qaraponaxaqui qataq qanqouaqchichi qome,

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Joel 3:14

Qaq ỹataqta qalota nam nhuo' le'ecpi maye hueta'a ye ca'amegue Nasataxac, cha'aye mashe nayeetai' cam na'a'q maye lviraxaqui Ñim Nataxala'.

Joel 3:17

Huaña qome, nache qauaỹachiñi da aỹem Nataxala' maye Qanatamnaxala'ai, soota'a na Sión, anam ỹataqta qui'itta ñeqasoxonaxa, nache na Jerusalén ỹataqta qui'itta qome, qataq saishet da ỹe'eguelaxa da loxonec nam chegaqauecpi.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Amós 5:18

¡Choxoraicpiolec qome nam ỹayeeta'aguet ca na'a'q maye lviraxac Ñim Nataxala'! ¿Qaq peta'a qauaỹachiñi ca 'eetec qome que'eca na'a'q? Cha'aye que'eca na'a'q, nda'a't qome na napalaxa, nache qaica ca yo'oqchiguiñi.

Amós 8:2

nache Ñimaye aỹem inat, 'eeta': Amós, ¿negue't na 'aulota'a? Nache aỹem sheeta': Qomye selota'a añi npaqta maye huetagui ana mashe ỹeta ala ana nañiguishe. Nache Ñimaye 'eeta': Na Israel le'ecpi, mashe ỹoqta ỹe, ỹoqo'oye aỹem saishet da qaltaq she'eguelaxa da sechoxoreetac qome.

Abdías 1:15

Qalaxaye mashe sa qaỹapeque ca na'a'q da Ñim Nataxala', nmit na ỹotta'a't shiỹaxauapi. Qaq dam 'auo'ot nataqa'en 'am qaỹo'otec qome, nache 'am talec ca 'ansheetenaguec.

Sofonías 1:14

¡Mashe sa qaỹapeque na lta'araic na'a'q maye lviraxaqui Ñim Nataxala'! ¡Mashe sa qaỹa'aguet, ỹataqta huo'o da lỹalaxa! Ỹataqta chaqaic da l-llimiaxa ca lviraxac Ñim Nataxala': ¡ỹoqo'oye ivira'a qome na ỹataqta 'añaxaicpi da ỹa'alaq!

Sofonías 1:16

Que'eca na'a'q qaỹa'aqtega qome da l-lamaxa ana nasheerepi qataq da na'alaxac, da qailoquiaxan ye huaqta'a't nỹecpi, maye huo'o na lpaqtaxat qataq ana qaỹoqotcheguemec nalloxolatepi.

Sofonías 1:7

¡Ñaq qañe'emaxache da qauataito'ot Ñim Nataxala', cha'aye da lviraxac Ñimaye mashe nayeetai'! ¡Ñim Nataxala' mashe iqataxaatai' cam lachetaqtaxanaxat, qataq mashe iqui'itaxat na lcoyeguenatacpi!

Sofonías 3:11

Qaq que'eca na'a'q nache qaica qome ca 'am ỹa'aloqchettac, nam 'auo'otpi maye ỹo'ot co'ollaxa da Aỹem 'auataỹa'aguet, cha'aye 'am ñeqateeguesop qome na na'amqaanaxaicpi qataq na ño'oxonnaxaicpi, nache saishet da qaltaq ỹachaxaatac dam ño'oxonnaxac da hueta'a añim qui'itta ñeqasoxonaxa.

Zacarías 14:1

'Am Jerusalén, mashe anata ca na'a'q maye lalamaxat Ñim Nataxala', qaq huangui qome na 'anqa'aicpi da qanalogui nam no'onañi 'aralamaxatpi.

Zacarías 8:3

Qaq Aỹem ñe'eguelaxa qome ye Jerusalén da qaltaq sonaña. Qaq huaña nache ye Jerusalén, qaỹamata'ac qome da Huaqta'a't Nỹecpi maye hueta'a da Nalaxayec, qaq añi qasoxonaxa maye lalamaqte Ñim Nataxala', qalaq qaỹamata'ac qome da Qasoxonaxa maye Qui'itta.

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Números 10:2

«'Auo'o't qome caua dos nasheerel 'auachegoxotaiguilo na lcat plata. Ime, nache 'auo'ogoxonalo caamaye da 'auỹaxaneuga da 'alaỹona't na shiỹaxauapi, qataq da ivita da jec 'anqa'en namayepi.

Números 10:3

Nache da qaỹashiiyiguilo que'ecaua nasheerel, nache 'enauac ne'ena nhuo' le'ecpi laỹona't da 'am naua'a, huaña ca ñegueuo ca npe'l maye naỹonqa'.

1 Corintios 14:8

Qataq da huo'o ca alaataxac da huo'otaq saishet da ỹataxague da l-lamaxa aca nasheere maye ỹa'axat da huo'o ca alaataxac, nache qaica ca ishet da naỹamaxat da taỹa ca alaataqa'.

Filipenses 2:12

Qaq ỹoqo'oye qami' ñauochaxau' ỹaqaỹa't, cha'aye qami' nache 'eetai' naxa da aỹem qaualaqaiguet da qami' soota'agueta, qaq nagui da aỹem qaỹoqtaique, qalaq iuen da ỹactec da aỹem qaualaqaiguet. Ỹataqta qauo'onataxañiilec qome da qarca'alaqai, qataq ỹataqta qaualaqaiguet qataq ỹataqta lta'araic da 'enec qanqa'eñi Ñim Lo'onatac 'Enauacna.

1 Ts 5:2

Cha'aye qami' mashe qauaỹaañita que'eca na'a'q maye lviraxaqui So Qarataxala'. Camaye huetoigui ca na'a'q da sa qaỹauapeque, 'eeta'am ca cachaxaic da quetagui ye pe.

1 Pedro 4:7

Mashe nayeeta'a ye loga't 'enauacna. Qaq ỹoqo'oye ỹataqta qanloitec, qataq ỹataqta sa qauasaguiyi da qanqouagaxauñiitac.

Apocalipsis 6:17

Cha'aye mashe ivita ye laloqo' da Ñim Lo'onatac 'Enauacna qataq Ñi Qagueta Llalec da ỹauo'o ca qanhuaxanaguec, qaq qaica ca ishet da dataỹa'aguet da nhuaxanaguec.»