Joel 1:7 - La'aqtaqa Ñim Lo'onatac 'Enauacna 2013

⁷ Nache ỹataqta nlaxatchiguiñi ana ỹañiguishe uvapi, qataq ilaxachigui ana ỹañiguishe hiigopi, nache ỹataqta qui'itta'ague naqa'en ana lcouepi, ivitta'a da ỹapagaqta'aguelo naqa'en naua lpi'ineqa ana lcouepi qataq ỹataqta hua'axañi.

Toba del Oeste

⁷ Yataqachiñe en c'oetetelo q'aen ga'me te'me qadanec jo'ne uva lichidijat, nataq'aen e'n 'uaĝadiñe gaa'me e'epa jo'ne higuera; yataqata yapalaĝa't jogaa'me, nataq'aen da'me 'nojola, e'n yapaga't gaa'me te'me lepeel.

Joel 1:7 Iomraidhean Croise

Salmos 105:33

Qataq nlaxaañi aso nañiguishe uva qataq aso higo, qataq huacac naqa'en aso qo'oipaqpi yi'iye 'alhua.

Éxodo 10:14

Nache 'enauac ye Egipto ỹataqta nlaqchigui ana shiiquioxoipi. Soua hua'au' vi'iye ỹataqta sa qaỹauanapega da nache 'eetec de'era, da ỹataqta qalota ana shiiquioxoipi, qaq saq 'ena'am se'eso na'a'q.

Éxodo 10:15

Cha'aye ỹataqta nlaqtelec se'eso 'alhua, ivitta'a da saishet da yo'oxolec. Nache ỹauta 'enauac ana nañiguishe qataq 'enauac ana nañiguishe ala maye lli'iỹoqte aso lache. Ỹataqta qaica ca no'onañi nam darala ye Egipto, ivira'a na no'onaxa qataq ana qo'oipaqpi.

Isaías 24:7

Na lataxa qalaq imeuo, nam nanaxanaqa'pi qalaq deqaqa, nam huetaigui co'ollaxa da lamaicỹaxac qalaq nlaxagui da laquicoxo.

Isaías 32:12

Ña qauachaxañi qome da qanqui'iqui souaxat nam huo'o da lyac no'onaxapi, qataq anam ỹataqta no'on nañiguishe uvapi.

Isaías 5:6

Nache so'otec qome da qanayeca'ai, qataq saishet da qaichec ana lcouepi ana uvapi, qataq saishet da qaimettacot, nache ñaxaalec aca ỹaxat. Qataq shenapega na lo'oc na piguem da saishet da naañi naqa'en ca auot da talec yemaye.

Jeremías 8:13

Ñim Nataxala' 'enapec: «Aỹem sechec qome nam ỹalamaxat nhuo' le'ecpi 'eeta'am ñaqa'en ca trigo. Qataq qaca qome aca no'onañi ala ana uva, qataq aca 'oonole ala ana hiigo. Nachaqanata ana lauepi lqaxaỹaxai da no'onañi.»

Oseas 2:12

Qataq qaiquesoq ñaqa'en ana lañiguishe uva qataq ana higo, maye da detaxaỹa naxa, nache 'enapec: «Ne'enapi maiche ñesheetenaxatpi, maye aỹem ỹanem nam ñequishishaxauapi.» Nache so'otec da ñaxaalec ñaqa'en ana huoue, yaqto' chec na shiguiỹacpi maye huauec.

Joel 1:12

Qataq deqaqa ana nañiguishe uvapi qataq ana hiigopi, nataqa'en ana nañiguishe granadapi, chaicpi qataq ana manzaanapi. Qataq 'enauac anam nañiguishepi na no'onaxa deqaqa. Huaña nache qaica ca l-lagaxayec nam llalaqpi na shiỹaxauapi.

Amós 4:9

Qataq qami' seroleguete so lta'araic la'at maye ỹataqta dapaqa qataq na qoche'l, qataq aso shiiquioxoipi da yaqto' ỹauta 'enauac aso qa'añiguishe, uvapi, higopi, qataq aso olivopi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Habacuc 3:17

Qaq na'aictaxa qome da saishet da dasovi ana higos, qataq da qaca aca ala ana uva, qataq da qaca aca ala ana olivo, qataq da saq ñaxat nam qoỹaalec na nanaxanaqa'pi, qataq da qui'itchigui ana laỹe' ana qaguetapi, qataq da qui'itchigui ana laỹe' anam huacapi,

Malaquías 3:11

Qataq na ala na qa'añiguishequi sa sashenem qome, da nlaxaañi na lalaxat, qataq na lma' ana qa'añiguishe uvapi.