Joel 1:5 - La'aqtaqa Ñim Lo'onatac 'Enauacna 2013

⁵ ¡Qaq qami' taxaicpi, ñaq qanloiuec! ¡Ñaq qanỹeñi qami' maye qanỹomiitapigui na lataxa, cha'aye na lli'i ana uva, taỹa'a qome da qaỹacona!

Toba del Oeste

⁵ ¡Ami yomaĝayaqa, male aneloyiye nayi! ¡Ami jo'ne lataĝa lete', yataqata anoyeñitac qomle, yajouaĝat da'me yataqata qaya'te 'niyoĝot! ¡Qa'a male qodeuodaĝanec ga'me li'i jana'me uva!

Joel 1:5 Iomraidhean Croise

Jeremías 4:8

Qaq ỹoqo'oye qaỹa'añiiyiñi qome naua qo'ogolli' maye sansattegueta, qanỹeñi qataq qana'alaqaitapiguiñi souaxat da qanqui'iqui, cha'aye dam 'ettaigui layeloxo Ñim Nataxala' saishet da qomi' ca'aisalo.

Ezequiel 30:2

«'Am shiỹaxaua 'auachegoxotchigui da ỹe'enaxat da 'aua'aqtaxan, nache qoneta': Da la'aqtac Ñim Nataxala', 'eeta': Qana'alaqaiñi qome souaxat ca na'a'q

Joel 1:11

Qaq qami' maye qauo'ocheetac na nanaxanaqa'pi, ña qanỹeñi qome, qataq qami' maye qauo'ocheetac na uva lma'pi, qauaquicoita qome, souaxat da deqat na ala na nañiguishecpi, qataq deqat na trigo qataq na cebada.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 3:3

Qataq nallechigui co'ollaxa na ỹalamaxat nhuo' le'ecpi, qataq imen na ñaqpiolec naiguet naqa'en ana quisheguetaxaipi, qataq ana nogotolepi, naiguet naqa'en na lataxa.

Lucas 16:19

Huo'o co'ollaxa so ỹale ỹataqta sallaxanec, somaye ỹaatrañi naua no'oñi anogo, qataq qaica ca 'ena'ama. Qaq somaye ỹo'ottac 'enauaque naua na'axa'te da lta'araic lquia'axac.

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.