Joel 1:2 - La'aqtaqa Ñim Lo'onatac 'Enauacna 2013

² Qami' nqueroxonecpi, ña qana'axaỹaxañiỹa de'era, qataq 'enauac qami' maye qoñiitalec ne'ena 'alhua. ¿Peta'a huo'o co'ollaxa ca na'a'q da qauauañiichigui ca 'eeta'am de'era, nam qoviitaiguilo na'axa'te huo'otaq soua na'axa'te maye huetaiguilo so hua'au qarta'ailpi?

Toba del Oeste

² Ami 'yaĝaicachidipi, cha'li yataqata anaquiaĝañiya jenjo', nataq'aen yema da'me ami jo'ne oñita'ña jenjo' aleua. ¿Qo'li 'uo ga'me joote auañiya ta'le ena'am jena'me jenjo' jo'ne 'uo qomle, uotaĝa ta'le qoyauana ca'li uo'oe dia'me adet'aldi'?

Joel 1:2 Iomraidhean Croise

Da na'aqtaguec so Job 12:12

Na ỹa'axaiquipi huo'o na laỹaanecpi, cha'aye da qaỹoqtec nachaalataxac namayepi, nachera da ỹo'ot da laỹaanataxanaxac.

Da na'aqtaguec so Job 15:10

¡Qomi' mashe qomi' ỹa'axaiqa, qataq ỹapaga'q naua qarqaigo, qataq huo'o na napacalec da llaxa so 'aralamaxat 'arta'a!

Da na'aqtaguec so Job 21:7

¿Ta'ainco' da queta da nca'altauec nam qauemaicpi, qataq ivitta'a da lqueroxo, qataq nquictauec da lsallaxa?

Da na'aqtaguec so Job 8:8

Qataq 'aunataxanec qome som hua'au shiỹaxauapi, qataq 'auchemaxata qome na mashe nmate' lataxac so lta'alpi somayepi.

Salmos 49:1

Qana'axaỹaxañiichigui qome de'era, qami' ỹotta'a't nhuo' le'ecpi qataq qana'axaỹaxañiichiguiñi 'enauac qami' maye qoñiitalec ana 'alhua,

Isaías 34:1

Ña qanquiquiiuo qami' ỹotta'a't shiỹaxauapi nache qana'axaỹaxañi, qataq qami' nhuo' le'ecpi ỹataqta qana'axaỹaxañiichiguiñi qome. Ña na'axaỹaxan qome ana 'alhua qataq na huetalecpi anamaye, anam 'alhua qataq 'enauac nam ñaxattalecpi anamaye.

Isaías 7:17

Ñim Nataxala', anacot qome da yaqto' 'am talec, qataq na 'arhuo' le'ecpi qataq nam llalaqpi so 'arta'a, caua qauema na'axa'te maye saqaỹauanapegalo, chegoqta'a co'ollaq so Efraín nỹoteeguesop ye Judá, cha'aye Ñimaye anac naqa'en qome ñi nta'a ye Asiria.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Daniel 12:1

Qaq qom ivita ca laloqo' nache nachaxan so Miguel, som 'amaqtaqaic namaxashec piguem le'ec maye mpaxattalec nam 'arhuo' le'ecpi. Qaq que'eca na'a'q huo'o qome ca lta'araic naquicoxo, qaq camaye saỹauanego' da huo'o ca 'eeta'am, chegoqta'a co'ollaq cheta'ague da huo'o 'enauac na ỹotta'a't shiỹaxauapi. Qom ivita que'eca laloqo', nache nca'alec qome 'enauac cam 'arhuo' le'ecpi maye nanettalec ca le'enaxat aca nere.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

Joel 2:2

nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Amós 5:1

Qami' Israel le'ecpi, ña qana'axaỹaxañiỹa da ỹa'aqtac, qataq qana'axaỹaxañiỹa de'era ñachoxonnaxac, maye qami' taleguete ñaqa'en.

Miqueas 1:2

Ñaq qana'axaỹaxañiỹa de'era, 'enauac qami' nhuo' le'ecpi, qataq 'enauac qami' shiỹaxauapi maye qoñeetalec ne'ena 'alhua, Ñim Nataxala', maye netaña añi lalamaqte qui'itta atamnaxaqui, nacheñi ñim da'aqtaxan qome da qami' dataỹa'agueta.

Miqueas 3:1

Qaq ime, nache sheeta': Ña qana'axaỹaxañi nagui qami' lataxala'pi qataq lta'alpi na Israel le'ecpi, cha'aye nache qami' maye iuen da qauaỹachiñi dam no'on lataxac.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Mateo 13:9

¡Qaq qami' da ỹoqta 'eesa da huo'oi naua qartelai lauacolli', nache no'on da qana'axaỹaxañi!»

Mateo 24:21

cha'aye que'eca na'a'q na shiỹaxauapi ỹataqta qalota qome da nque'eenaxac. Saishet da huo'o ca 'eeta'am que'eca que'eenaxac dam qaỹachegoqta'ague co'ollaq cheta'ague da ỹo'ot ana 'alhua Ñim Lo'onatac 'Enauacna, qataq saishet da qaltaq qanauane' qome de'era que'eenaxac.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»