Joel 1:12 - La'aqtaqa Ñim Lo'onatac 'Enauacna 2013

¹² Qataq deqaqa ana nañiguishe uvapi qataq ana hiigopi, nataqa'en ana nañiguishe granadapi, chaicpi qataq ana manzaanapi. Qataq 'enauac anam nañiguishepi na no'onaxa deqaqa. Huaña nache qaica ca l-lagaxayec nam llalaqpi na shiỹaxauapi.

Toba del Oeste

¹² Male yataqata qaqate' jogaa'me uva lichidija'chi, nataq'aen yele'u gaa'me e'epa jo'ne higuera, nataq'aen ga'me granado chaqaga'me chaic, chayovida'a jaga'me epaq jo'ne manzano, nataq'aen yemeda jogaa'me e'epa jo'ne ueteda'a ga'me 'nonaĝa. Qama'le nayi yataqata qaya'te namaic jena'me jiyaĝadipi.

Joel 1:12 Iomraidhean Croise

Salmos 4:7

'Am 'auachaigui co'ollaxa añi iquiyaqte da ỹamaicỹaxac, qaq saq 'ena'am ca hueto'ot na chochaq huañi trigo qataq na lataxa.

Salmos 92:12

Qaq ca no'on da lataxac qalaq dasovi 'eeta'am ana chaic, qataq nquictasheguem da lañaxataxac 'eeta'am ana cedro ye Líbano.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Cantares 4:13

Qataq qoneta'am ca nañiguishe lma' maye ñaxaalec ana granada maye qaica ca 'ena'am da lamaic ana ala, nañiguishe lma' maye nlaqtelec ana lauoxo ana alheña.

Isaías 16:10

Da tonaxac qataq da namaicỹaxac, maye huaña naxa nam no'onaxapi qalaq imeuo qome qataq qaica qome ca ỹa'alaqtai' souaxat da ntonaxac, qataq ca do'onaxaatai' da huaña na nanaxanaqa'pi, qataq qaica ca qanlom ana uva da ỹo'ot ca lataxa, huaña nache imeuo qome 'enauac da na'alaxac.

Isaías 24:11

Na shiỹaxauapi qalaq netanguilo naua nqa'aico da nỹeetac, souaxat da qaica ca lataxa, qaq 'enauac da namaicỹaxac imeuo, qataq ca'ai ana 'alhua.

Isaías 24:7

Na lataxa qalaq imeuo, nam nanaxanaqa'pi qalaq deqaqa, nam huetaigui co'ollaxa da lamaicỹaxac qalaq nlaxagui da laquicoxo.

Isaías 9:3

'Am Nataxala', 'anache co'ollaxa da lta'araic namaicỹaxac, qataq da ỹataqta lta'araic tonaxac. Nache 'enauac na shiỹaxauapi machiguiñi da 'Am nachatto'ot, 'eeta'am da ivita da qanqat ca ala ca nañiguishec qataq 'eeta'am da qantootalec da qancolaxachigui ca nhuotaxanaxatpi.

Jeremías 48:3

Qaq ye Joronayin qalaq chegoqchiguiña qome ca na'alaxac, 'eeta': ‹¡Ỹataqta imauec da qanlaxatchiguiñi!›

Jeremías 48:33

Mashe saishet da qaỹa'aqtega ca na'alaxac souaxat da namaicỹaxac, yem nanaxanaqa'pi ye Moab. Nam naỹamaqtaxaquipi na lataxa qalaq mashe qui'itchigui. Qataq mashe qaica ca pigui ana uvapi da yaqto' ỹo'ot na lataxa, qataq qaica ca do'onaxaatac souaxat da machiguiñi.

Joel 1:10

Qaq na no'onaxapi ỹataqta toolec qataq na 'alhuapi deqaqta, nache qaica na trigo qataq na lataxa qataq imeuo na aceite.

Joel 1:16

Qataq ỹataqta sauanaqchigui da qaiuotaxanec na qonoq, nache qaica ca tonaxac añi atamnaxaqui maye lalamaqte Ñim Lo'onatac 'Enauacna.

Jonás 4:7

Qalaxaye so nte'etom so lỹa na'a'q, nache Ñim Lo'onatac 'Enauacna, ỹamaq so qoche'l da chec se'eso nshe'ela, nache deqaqa naqa'en.

Hageo 2:19

Qaq no'on da qauloichigui, da nache chegoqchiguiña nagui da saishet qome da qui'itchigui na laỹe'pi na nañiguishec. Qaq nagui na'aictaxa da saxanaxa da ỹe ana ala ana uva, qataq ana hiigo, qataq ana granado, qataq ana oliivo, qalaxaye nache chegoqchiguiña nagui da sanem da no'on lañaxataxac.›»

Malaquías 3:11

Qataq na ala na qa'añiguishequi sa sashenem qome, da nlaxaañi na lalaxat, qataq na lma' ana qa'añiguishe uvapi.

Números 13:23

Qaq co'ollaq ivitalo so la'auaxac ye Escol, nache soomaye icheguerec aso lcoue maye netagui ana ala ana uva, nache ỹo'o't so 'epaq da yaqto' lachoxola' da qaỹache, nache dos ỹale't soua nallaguishe'n asomaye, nataqa'en qaỹache aso granada qataq higos.