Joel 1:10 - La'aqtaqa Ñim Lo'onatac 'Enauacna 2013

¹⁰ Qaq na no'onaxapi ỹataqta toolec qataq na 'alhuapi deqaqta, nache qaica na trigo qataq na lataxa qataq imeuo na aceite.

Toba del Oeste

¹⁰ Naa'me nanaĝanaqa'te yataqata netap, qoyala't jogaa'me nanaqa; jena'me aleua yataqata totapega't. Joga'me trigo jala yataqata qaya, qoyen pal; naa'me lichidijat jaga'me uva male qaqate' q'ae'n, qama'le naa'me e'epa jo'ne olivo nataq'aen qaqate'.

Joel 1:10 Iomraidhean Croise

Génesis 4:12

Qaq na'aictoxo' da 'auo'onataxaalec na 'alhua, qalaxaye qaica qome ca ala ca 'añiguishec. Qataq chochaq tatec qome da 'aucoleeteguelec ana 'alhua, nache saishet da 'anmatec.»

Isaías 15:6

Na 'etaxat lma'pi ye Nimrín qalaq deqaqa, na 'auaqpi qalaq nataqa'en deqaqa, qataq ileu 'enauac na hueta'a ana qo'oipaqpi, nache qaca aca 'oonole laue da darala.

Isaías 24:11

Na shiỹaxauapi qalaq netanguilo naua nqa'aico da nỹeetac, souaxat da qaica ca lataxa, qaq 'enauac da namaicỹaxac imeuo, qataq ca'ai ana 'alhua.

Isaías 24:7

Na lataxa qalaq imeuo, nam nanaxanaqa'pi qalaq deqaqa, nam huetaigui co'ollaxa da lamaicỹaxac qalaq nlaxagui da laquicoxo.

Jeremías 12:11

Ỹataqta nlachiguiñi qataq toolec naqa'en, qaq aỹem selota'a da daquicota. 'Enauac ne'ena 'alhua ỹataqta toolec qalaxaye qaica ca qochetega namaye.

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Jeremías 48:33

Mashe saishet da qaỹa'aqtega ca na'alaxac souaxat da namaicỹaxac, yem nanaxanaqa'pi ye Moab. Nam naỹamaqtaxaquipi na lataxa qalaq mashe qui'itchigui. Qataq mashe qaica ca pigui ana uvapi da yaqto' ỹo'ot na lataxa, qataq qaica ca do'onaxaatac souaxat da machiguiñi.

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Oseas 9:2

Qaq saishet qome da qaucomachec na trigo qataq ana uva, qataq qaica qome ca lamaic na dalaxaic lataxa.

Joel 1:12

Qataq deqaqa ana nañiguishe uvapi qataq ana hiigopi, nataqa'en ana nañiguishe granadapi, chaicpi qataq ana manzaanapi. Qataq 'enauac anam nañiguishepi na no'onaxa deqaqa. Huaña nache qaica ca l-lagaxayec nam llalaqpi na shiỹaxauapi.

Joel 1:5

¡Qaq qami' taxaicpi, ñaq qanloiuec! ¡Ñaq qanỹeñi qami' maye qanỹomiitapigui na lataxa, cha'aye na lli'i ana uva, taỹa'a qome da qaỹacona!

Joel 2:19

Nache Ñim Nataxala', 'enapec: «Aỹem samaxa qome namayepi na trigo, lataxa qataq na aceite, nache ivitta'a ñaqa'en da ỹataqta comaraxaicpi namayepi, qaq nam ỹotta'a't shiỹaxauapi saishet qome da sashenem da ỹe'eetac namayepi.

Levítico 26:20

Qataq shaco' da qana'añaxachiitac da qauo'ocheetac ca qana'alhuai, ye camaye qaica ca lañaxataxac, qataq aca qo'oipaqpi ca no'onaxa qaca aca ala.

Habacuc 3:17

Qaq na'aictaxa qome da saishet da dasovi ana higos, qataq da qaca aca ala ana uva, qataq da qaca aca ala ana olivo, qataq da saq ñaxat nam qoỹaalec na nanaxanaqa'pi, qataq da qui'itchigui ana laỹe' ana qaguetapi, qataq da qui'itchigui ana laỹe' anam huacapi,

Hageo 1:11

Aỹem maye nachaỹem so'otec da deqaqa na no'onaxapi, qataq ana qasoxonaxapi, qataq na trigo lma'pi, qataq na uva lma'pi, qataq na oliivo lma'pi, qataq 'enauac nam ñaxaalec na 'alhua, qataq na shiỹaxauapi, qataq na shiguiỹacpi, qataq 'enauac nam no'onatacpi.»

Malaquías 2:3

Qataq nataqa'en, seuotaxanec da qara'añaxaqui, qataq secoroiguilo naua qarashegolle', na la'atec na shiguiỹacpi maye Aỹem qaỹa'añeetacot naxa. ¡Qataq qoquiỹaueegue' ñaqa'en nam la'atec na shiguiỹacpi da qami' sequelogore'c!