Jeremías 8:2 - La'aqtaqa Ñim Lo'onatac 'Enauacna 2013

² nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Jeremías 8:2 Iomraidhean Croise

2 Reyes 17:16

Nache ca'ai 'enauac na lamaxasoxonaxacpi Ñim Nataxala' maye Natamnaxala'. Nache ỹo'o't soua dos le'enaqtaqa huaca llalqa maye chegaqaigui na lcat nqachilliguishec, qataq so lqui'i aso Aserá, qataq nataqa'en natamnot 'enauac ana huaqaañipi late'eraipi maye neto'ot na piguem, qataq so Baal.

2 Reyes 21:3

cha'aye qaltaq no'oxoosheguem so qaỹoqotcheguema atamnaqa'pi maye nlaxaañi co'ollaxa so Ezequías maye lta'a somaye, qataq no'oxoosheguem aso nca'atoxonaxalatepi da yaqto' qanatamnot so Baal, qataq ỹo'ot aso le'enaqta lqui'i aso Aserá, qaq nache 'eeta'am da 'eetec co'ollaxa so Ajab, maye nta'a ye Israel, nataqa'en natameetacot 'enauac ana huaqaañi late'eraipi maye neto'ot na piguem,

2 Reyes 21:5

Qataq no'oxoosheguem aso laỹepi nca'atoxonaxalatepi, nañalo naqa'en se'esoua dos nqasoxoco aso atamnaxaqui maye lalamaqte Ñim Nataxala', da yaqto' qaỹo'oxoren ana huaqaañi late'eraipi maye neto'ot na piguem.

2 Reyes 23:5

Qataq nqateeguesop da lo'onataxanaxac so ntaxaỹaxanaxanecpi maye ỹaneuo co'ollaxa so nta'alpi ye Judá, som ỹavigaxattac naxa na nchenaxanaxat da huaña so qaỹoqotcheguema atamnaqa'pi maye nañalo som huaqta'a't nỹecpi maye ỹotta'a't naua nañalo ye Judá, qataq naua loiguiye ye Jerusalén, qataq som ỹo'ottac na nchenaxanaxat da ỹanot añi nala', ca'agoxoic, qataq ana huaqaañi late'eraipi maye hueto'ot na piguem.

Salmos 53:5

Qaq na'aictaxa da qaica ca ỹo'ot da lcolanaxa, qalaq namayepi iviloxolaqchet da lli'iỹaxa, cha'aye Ñim Lo'onatac 'Enauacna ilagaxattac na lpi'inecpi na depa'aguenataxaatacpi. Nache huo'o da la'aloxo cha'aye Ñim Lo'onatac 'Enauacna, saiuooneguet namayepi.

Salmos 83:10

soua nlachiyiñi co'ollaq huaña ye Endor, nache 'eeta'am na huaca la'atec da ỹaleeguet na 'alhua.

Salmos 83:11

Qaq nache qonetec qome na nalleppi 'amaqtaqaicpi, da qonetec co'ollaxa so Oreb qataq so Zeeb, qataq 'enauac na llalaqpi na nta'alpi, 'aue'enaxatteguet da qonetec co'ollaxa so Sébah qataq so Salmuná,

Eclesiastés 6:3

Ca ỹale ishet da ivi' cien ca llalaqpi, qataq qaỹoqtrec naua vi'iye da nachaalataxac, qaq na'aictoxo' da qaỹoqtec da nachaalataxac, qalaxaye da saishet da nque'etaxaachigui da no'on, qataq da saishet da qaỹaỹamaxatchiguiñi aca nhuachiqui, qaq aỹem shenapec da cam nogotolec maye nleuauec da ñeguiñi ỹactec ñaqa'en da ỹaỹamaqchiguiñi, qaq saq 'ena'am que'eca shiỹaxaua.

Jeremías 14:16

Qaq na shiỹaxauapi maye ỹa'axattapeguem de'era, nataqa'en ileuaigui qome ca alaataxac qataq ca nqouaxa, l-llañe' ana lhuapi, qataq na llalaqpi ỹalleppi qataq ana llalepi. Nache da lo'ocỹaxac qaỹasaxauga qome na nqa'aicpi ye Jerusalén, nache qaica qome ca ilayiñi. Qaq 'era da 'eetec da isheeten ñaqa'en nam qauem maye ỹo'otpi.

Jeremías 16:11

Nache 'am 'auasateguet qome, qoneta': Ñim nataxala' 'eeta' da la'aqtac: De'era huo'o souaxat da som hua'au qarta'ailpi Aỹem ỹalat, nache ca'ategue na laỹepi atamnaxala'pi, da yaqto' ỹo'oxoren qataq natamnot, qaq Aỹem qalaq aỹem ca'ai somayepi, qataq sa ipaguelec nam ỹapaxaguenataxanaxacpi maye sanem co'ollaxa.

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

Jeremías 16:6

Na 'amaqtaqaicpi qataq na qaica ca la'amaqchec 'enauac ileu qome huaña ne'ena 'alhua, nache qaica qome ca ilayiñi, qataq qaica ca nỹeelec, qataq qaica qome ca ỹachaxan da nqui'ic souaxat namayepi, da ique'emaqchet da lo'ocỹaxac qataq namarec na lqaic.

Jeremías 19:13

Na nỹecpi na Jerusalén, qataq na lta'araic lma'pi na nta'alpi ye Judá, qataq na l-laq na nỹecpi maye huaña naxa da qaỹauo'o na nchenaxanaxat da qoỹanot ana huaqaañipi qataq da qaicorec na lataxa da nachetaqtaxanaxat da qoỹanot na laỹepi atamnaxala'pi, namayepi qaỹamata'ac qome da nshepaxan, 'eeta'am ye Tófet.›»

Jeremías 22:19

'Am qaỹauogonnauga qome na pa'auec ye Jerusalén, nache 'am qailareñi qome qoneta'am ca 'ashena.»

Jeremías 25:33

Qaq da lo'ocỹaxac qome cam ileupi naqa'en Ñim Nataxala' qaue'eca na'a'q, camayepi laguelec qome 'enauac ana 'alhua. Nache qaica qome ca nỹeelec camayepi, qataq qaica ca laỹona't qome da lo'ocỹaxac camayepi da yaqto' ilayiñi, qataq laguelec qome ana 'alhua 'eeta'am ca shiguiỹac la'atec.

Jeremías 31:40

Qaq imauec qome yem ca'amegue maye nlaraqa' naxa nam leuaxaicpi qataq qaỹasaxauga naxa na alo qataq 'enauac yem no'onaxapi maye hueto'ot na loigue so la'auaxac Cedrón, nache ivitta'a ñi lasom maye le'enaxat Nasom na Caipi, maye pa'aigue da yo'oxoñi, 'enauac qome da ỹalamaxat, qaq 'enauac qome namayepi saishet da ỹe'eguelaxa da qaỹamaxañi qataq qailaxachigui.»

Jeremías 36:30

Qaq ỹoqo'oye aỹem Nataxala', 'am shenapega 'am Joaquím maye 'am nta'a na Judá, na 'am chegoxoguetpi qaica qome ca nso'ongui añi nso'onaxaqui so David. Da 'aro'ocỹaxac qalaq hueta'aguet qome na ntap ye na'a'q, qataq ana aloñi ye pe,

Jeremías 9:20

Qami' 'alpi, ñaq qana'axaỹaxañiỹa da la'aqtac Ñim Nataxala', ñaq qana'axaỹaxañiichigui da la'aqtaxanaxac Ñimaye. Ñaq qauapaxaguiñic da nnoinaxac ana qaỹa'alepi qataq ana nauochaxauapi ỹapaxaguenec da laquicoxo, 'eeta':

Jeremías 9:21

«Da nleuaxa nvitalo naua qarma'ate, qataq taigui na qarma' lta'araicpi, qataq huangui naqa'en na nqa'aic da ỹalauat na ñaqpiolec qataq huaña naqa'en na nlagaqa'pi da ỹalauat na nsoxoppiolec.

Jeremías 9:22

Qataq huetaiya' naqa'en da lo'ocỹaxac na shiỹaxauapi, 'eeta'am na la'atec na shiguiỹac da huetalec na no'onaxa, qataq 'eeta'am na nañiguishec ala da naañi naqa'en cam deqataxaatac, nache qaica ca ishet da laỹona't.» Qaq 'era da la'aqtac Ñim Nataxala'.

Ezequiel 29:5

Qaq ime, nache 'am sasaxauga ye toolec 'alhua, 'arỹaueegue' na nỹaqpi maye chegaqangui so 'aralamaxat tala, nache qouetalec qome ye ỹasattalec no'onaxa, nache qaica ca 'am ỹacoosop da 'am ilayiñi. Qataq so'ot qome da 'am chec na shiguiỹacpi maye huauec qataq na maỹopi maye chec na lapat.

Ezequiel 39:5

Qaq nache qoviitalec qome yem no'onaxa, cha'aye Aỹem ỹa'aqtac. Qaq 'era da ỹa'aqtac Aỹem Nataxala'.

Ezequiel 6:5

Ime, nache sasaxauec na leuaxaicpi na Israel le'ecpi ỹauaachigui ñaqa'en na lqolacpi namayepi, qataq na lpi'inecpi namayepi secoroto qome naua loiguiye ana lca'atoxonaxalatepi.

Ezequiel 8:16

Qaq ime nache qaltaq aỹem ỹauegueua'a so pa'aỹauo nqasoxoc añi atamnaxaqui maye lalamaqte Ñim Nataxala', nache netangui na laiñi so ñegueuo aso atamnaxaqui qataq aso nca'atoxonaxalate so veinticinco ỹalleppi, somayepi qosheta'ague da pa'aỹa'ague aso atamnaxaqui, qaq datata'ague da nala' lliguisheguem ỹa'attrañi naua l-llecte nache iviraxata'aguet na latap na 'alhua da natameetacot aso nala'.

Sofonías 1:17

Ñim Nataxala' 'eeta', da la'aqtac: Ñelaxatchigui qome da nque'eenaxac na shiỹaxauapi, nache namayepi da queuotapigui' qalaq 'eeta'am na qanamaicpi, cha'aye souaxat da huo'o da lasouaxashet Aỹem hueto'ot. Nam ltago'q, qalaq qailagaxattac qome 'eeta'am qanqa'en na namoxoỹaxa, qaq na lapat qalaq lapoosheguem qome, 'eeta'am na la'atec na shiguiỹac.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Hechos 7:42

Huaña, nache Ñim Lo'onatac 'Enauacna ca'ai somayepi, nache hua'aqta'a da yaqto' natamnot ana huaqaañipi maye neto'ot na piguem. Cha'aye nachera dam 'eetec da nanettañi la'aqtac Ñim Lo'onatac 'Enauacna maye huetalec ana lere so la'aqtaxanaxanecpi, maye 'eeta': Qami' Israel le'ecpi, co'ollaq qoquiitalec so toolec 'alhua se'esoua cuarenta vi'iye, qaq ¿peta'a co'ollaq qaualauacheetac na shiguiỹacpi da qauauo'oi qarachetaqtaxanaqche, qaq peta'a Nachaỹem da Aỹem qaỹa'añiitacot?

Deuteronómio 17:3

da ca'ata ca laỹe atamnaxala'pi da ỹa'aroto naua l-llecte da natamnot, huo'otaq añi nala', ca'agoxoic, huaqaañipi, maye neto'ot na piguem maye saishet da damaxasoxoolec Ñim Nataxala'.

Deuteronómio 4:19

Cha'aye sa iuena'a da qauamachiỹo'ot na piguem, nache qauloỹa'a añi nala', ca'agoxoic, huaqaañi, qataq ana laỹepi maye neto'ot na piguem, nache ishet da qauauochiỹa'ac da qanatamñiỹot. Cha'aye Ñim Nataxala' ỹo'ot co'ollaxa anamaye da yaqto' icoỹarelec 'enauac na ỹotta'a't shiỹaxauapi maye netalec ana 'alhua.