Jeremías 7:3 - La'aqtaqa Ñim Lo'onatac 'Enauacna 2013

³ Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi maye, 'eeta': Qano'onaxache da qarataxaqui qataq dam qaro'onataxanaxaqui, nache Aỹem qami' sa'aqta'alo qome da qoñiitalec ne'ena 'alhua.

Jeremías 7:3 Iomraidhean Croise

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

Esdras 10:11

Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

Jeremías 17:25

Qaq da qoñiitec de'era, qalaq nache 'eetai' qome da huo'o ca nta'alpi da nso'ongui añi nso'onaxaqui so David, qataq da tatoigui ne'ena lasompi ne'ena huaqta'a't nỹecpi, huota'a ana naigonapi, qataq na caipi, nnaictague' na lataxala'pi, qataq na shiỹaxauapi lma' ye Judá, qataq ye Jerusalén. Qaq ye Jerusalén nache 'eetai' qome da huo'o na hueta'a shiỹaxauapi.

Jeremías 18:11

Qaq nagui 'aua'aqtaxanem na shiỹaxauapi na Judá, qataq na lma' na Jerusalén, da aỹem Nataxala', shenapega namayepi, sheeta': ‹Mashe huo'o dam llapaqtegueñi da yaqto' qami' sataỹa'agueta, Aỹem mashe iuennataxa da qami' seuaxa'n. Ñaq qoquiỹa'ai qome som qauem nqa'aic, nache qano'onaxache da qarataxaqui qataq da qaro'onataxanaxaqui.›»

Jeremías 18:8

Qalaxaye que'eca ỹotta'a't shiỹaxauapi da ca'ai na qauem, nache saishet da ñamaxa ca nhuaxanaguec maye mashe seqataxaatai'.

Jeremías 26:13

Qaq ỹoqo'oye qano'onaxache da qarataxaqui qataq da qaro'onataxanaxaqui, nache qaualaqaiguet Ñim Nataxala' maye Qanatamnaxala'ai, yaqto' Ñimaye saishet qome da qami' namaxalo cam qauem maye ỹa'axatta'a.

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 35:16

Nam chegoxoguetpi so Jonadab som llalec so Recab, ỹalaxaguet dam la'aqtac co'ollaxa som hua'au lta'a, qalaxaye nam llalaqpi so Israel saishet da Aỹem ỹalaxaguet.

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Santiago 4:8

Qanquiquiỹot Ñim Lo'onatac 'Enauacna, qaq Ñimaye nataqa'en qami' nquiigueta. ¡Qami' 'etaxaloxoicpi, qaỹa'axañiiñi da qauo'ocheetac na qauem! Qami' maye qauauoitaique da qauauochec Ñim Lo'onatac 'Enauacna, qalaxaye nataqa'en qauauoitaique da qauo'ocheetac na qauem, qami' iuen da qauauo'oi ca qarasataxaqui: da nacheñi Ñim Lo'onatac 'Enauacna da qoquiigue huo'otaq qoquiigue da ñe'etaxaloxo.