Jeremías 41:2 - La'aqtaqa Ñim Lo'onatac 'Enauacna 2013

² nache so Ismael qataq soua diez ỹale't maye nnaictagueto nachaayiñi nache iroleguete so ỹeelonec da ỹalaua't so Gedalías, maye so nta'a ye Babilonia co'ollaxa da ỹanagui da nta'a da ilo'ogue na lma' ye Judá.

Jeremías 41:2 Iomraidhean Croise

2 Samuel 3:27

Qaq co'ollaq nvireua'a ye Hebrón so Abner, nache so Joab ỹauegueuga ye 'oonolec laỹe ye ñegueuo so huaqta'a't nỹecpi, cha'aye 'eetega huotaique da ndote' da na'aqtaxane' nache huaña co'ollaxa yemaye da ipalaique lvi' so Joab, nache ỹa'attoiguilo naua lchishe'ete so Abner nache ỹalauat, souaxat da ỹalauat co'ollaxa so Asael.

2 Reyes 25:25

Qalaxaye huetoigui co'ollaxa so ca'agoxoic siete, co'ollaq nvita yi'iye 'alhua so Ismael, som llalec so Netanías, qataq laual so Elisama, maye chegoxoguet so nta'alpi ye Judá, nache somaye nnaictague' co'ollaxa so diez ỹalleppi, nache somayepi ntoxonalec da ỹalauat so Gedalías, qataq som Judá le'ecpi, qataq so caldeopi maye itauaatac somaye, huaña ye Mispá.

Salmos 109:5

Aỹem so'otec da no'on qalaq namayepi aỹem ỹo'otec da qauem, qaq namayepi aỹem ỹauotec taxa qalaq nda'a't da aỹem nquiỹa.

Salmos 41:9

Qataq ivira'a so ỹataqta ñauochaxaua, som ỹataqta sepe'etega, som iquia'axaua naxa qalaq aỹem dataỹa'aguet.

Jeremías 40:14

nache 'enapega somaye, 'eeta': ¿Saishet peta'a da 'auaỹaten da ñi nta'a Baalís maye lma' ye Amón, da namaq so Ismael som llalec so Netanías, da yaqto' 'am ỹalauat? Qalaxaye so Gedalías saishet da ỹa'amaqten somayepi

Jeremías 40:16

Qalaxaye so Gedalías ỹasateguet somaye, 'eeta': ¡Saishet qome da 'auo'ot de'era! ¡Cha'aye dam 'aua'axattac maye 'eetega huotaique ỹo'ot so Ismael, damaye saishet da 'eesa!

Jeremías 40:5

Qaq da 'auauotaique da 'avi'eguelaq, nache 'avi'eguelaxa ñi Gedalías maye llalec so Ahicam qataq laual so Safán, maye ñim nta'a ye Babilonia ỹanagui ñimaye da nta'a, da ilo'ogue ye huaqta'a't nỹecpi maye ỹotta'a't naua nañalo ye Judá, nache qono'ot qome ñimaye qataq ye maiche 'aralamaxat 'arhuo' le'ecpi. Qaq 'anqo'ona qome cam 'arauela.» Ime, nache so lataxala' na alleppi ỹauo'o so nme qataq so aloq so Jeremías, ime nache ncoyeguene'.

Jeremías 40:7

Qaq som 'amaqtaqaicpi nataxala'pi qataq so alleppi maye judiopi, maye ñaq netauga ye no'onaxa, la'axaỹaxac co'ollaxa da so nta'a ye Babilonia ỹanagui da nta'a da ilo'ogue ye 'alhua so Gedalías som llalec so Ahicam qataq da ipataxalec da ilo'ogue so ỹalleppi qataq so 'alpi qataq so ñaqpiolec maye llalaqpi som shiỹaxauapi maye ỹataqta choxoraqpi maye hueta'a yi'iye 'alhua, maye saishet co'ollaxa da qaỹauega ye Babilonia da qaicoñe',

Jeremías 40:8

nache somayepi jec lỹatac so lauo' le'ecpi da taỹa ye Mispá da nqo'ona so Gedalías. Qaq somayepi ỹalectaigui so: Ismael som llalec so Netanías, qataq so Johanán qataq so Jonatán maye llalqa so Careaj, qataq so Seraías som llalec so Tanjumet, qataq soua llalqa so Efay maye lma' ye Netofa, qataq so Jezanías som llalec so ỹale maye lma' ye Maacat qataq so nalleppi.

Jeremías 41:3

Qaq so Ismael ỹalauat nataqa'en 'enauac so judiopi, qataq so alleppi caldeopi maye hueta'aguet so Gedalías maye hueta'a ye Mispá.

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»